Trafod ar gyfer nwyddau

Mae’r safon hon yn ymwneud â thrafod ar gyfer nwyddau. Mae’n cynnwys pennu’r wybodaeth sydd yn ofynnol ar gyfer cynnal trafodaethau, cyflawni trafodaethau a sicrhau bod y nwyddau’n bodloni gofynion. Mae hefyd yn cynnwys darparu gwybodaeth am ganlyniadau’r trafodaethau.

Mae’r safon hon ar gyfer ymarferwyr cadwyn gyflenwi. Gallent, er enghraifft, fod mewn rolau prynu, gweithrediadau logisteg cludiant neu reoli trafnidiaeth.  

1. cael y wybodaeth sydd ei hangen i gynnal y trafodaethau ar gyfer nwyddau 2. pennu’r hyn sydd ei angen gan bob parti yn y trafodaethau 3. sefydlu’r paramedrau ar gyfer trafod y telerau a’r amodau ar gyfer y nwyddau 4. cynnal y trafodaethau i gyflawni’r amcanion angenrheidiol 5. addasu strategaethau trafod i ymdopi ag amgylchiadau neu faterion newydd 6. cadarnhau bod y nwyddau’n bodloni gofynion cadwyn gyflenwi y sefydliad 7. rhoi gwybodaeth am ganlyniadau’r trafodaethau i gydweithwyr 8. creu contract o delerau ar gyfer y cyflenwr i gyflenwi nwyddau i’r sefydliad 9. cydymffurfio â’r holl weithdrefnau cyfreithiol, rheoliadol, amgylcheddol, iechyd a diogelwch a sefydliadol perthnasol wrth drafod ar gyfer nwyddau 10.  hyrwyddo cyfrifoldeb dros yr amgylchedd a chynaliadwyedd yn y sefydliad a chyfathrebu a gweithredu hyn wrth drafod ar gyfer nwyddau

1. nodau strategol, amcanion a gweithgareddau eich sefydliad mewn perthynas â’r gadwyn gyflenwi
2. ffynonellau gwybodaeth eich sefydliad ar brosesau cadwyn gyflenwi a ble i gael y wybodaeth sydd ei hangen i gynnal trafodaethau am nwyddau
3. pwysigrwydd pennu’r hyn sydd ei angen gan bob parti yn y trafodaethau
4. y paramedrau ar gyfer trafod y telerau a’r amodau ar gyfer y nwyddau
5. damcaniaethau, modelau ac arferion rheoli cadwyn gyflenwi
6. dulliau a gweithdrefnau gwerthuso’r cyflenwr
7. y damcaniaethau, y modelau a’r arferion caffael
8. y strategaethau, y dulliau a’r gweithdrefnau trafod
9. y gofynion sefydliadol, cyfreithiol, iechyd a diogelwch ac amgylcheddol perthnasol ar gyfer nwyddau
10. y gofynion sylfaenol ar gyfer contractau
11. sut i adlewyrchu’r drafodaeth mewn termau contract, yn unol â gweithdrefnau sefydliadol

Nwyddau: unrhyw gyfuniad o nwyddau neu wasanaethau sydd yn cael eu caffael, eu dosbarthu neu eu storio yn y gadwyn gyflenwi

Cadwyn gyflenwi: caffael, prynu a chyflenwi, logisteg, trafnidiaeth a rheoli gweithrediadau, o fewn a rhwng ffiniau rhyngwladol

Contractau: cytundeb sydd yn rhwymo mewn cyfraith. Yn cynnwys: Deddf Contractau, Deddf Gwerthu a Chyflenwi Nwyddau, Deddf Gwerthu Nwyddau, Deddf Hawliau Defnyddwyr, ac ati