Dewis dulliau dychwelyd cyflenwadau

Mae’r safon hon yn ymwneud â dewis dulliau dychwelyd cyflenwadau. Mae’n cynnwys cael a gwerthuso gwybodaeth yn ymwneud â’r nwyddau sydd yn cael eu dychwelyd a’r dulliau sydd ar gael ar gyfer derbyn nwyddau sydd wedi eu dychwelyd. Mae hefyd yn cynnwys nodi dulliau i fodloni manylebau, asesu buddion a risgiau, datrys problemau a rhoi canlyniadau gwerthusiadau sydd yn cydymffurfio â gofynion sefydliadol.

Mae’r safon hon ar gyfer ymarferwyr cadwyn gyflenwi. Gallent fod, er enghraifft, mewn rolau prynu, gweithrediadau logisteg cludiant neu rolau rheoli trafnidiaeth.

1. cadarnhau’r wybodaeth am y nwyddau sydd yn cael eu dychwelyd
2. cael gwybodaeth am y dulliau dychwelyd cyflenwadau sydd ar gael
3. gwerthuso gwybodaeth am addasrwydd dulliau dychwelyd cyflenwadau
4. nodi’r dulliau dychwelyd cyflenwadau sydd yn bodloni manylebau’r nwyddau, y rhanddeiliaid allweddol ac unrhyw ofynion eraill
5. asesu buddion a risgiau defnyddio dulliau dychwelyd cyflenwadau
6. nodi unrhyw fesurau diogeledd a bioddiogelwch ar gyfer y nwyddau sydd yn cael eu dychwelyd
7. nodi ac ymdrin â materion yn ymwneud â’r dulliau dychwelyd cyflenwadau
8. cyfathrebu’r dulliau dychwelyd cyflenwadau i gydweithwyr a rhanddeiliaid allweddol
9. cydymffurfio â’r holl weithdrefnau cyfreithiol, rheoliadol, amgylcheddol, iechyd a diogelwch a sefydliadol sydd yn angenrheidiol ar gyfer y dull dychwelyd cyflenwadau a ddewisir
10. hyrwyddo cyfrifoldeb dros yr amgylchedd a chynaliadwyedd yn y sefydliad a chyfathrebu a gweithredu hyn wrth ddewis dulliau dychwelyd cyflenwadau ar gyfer nwyddau 

1. nodau strategol, amcanion a gweithgareddau eich sefydliad mewn perthynas â’r gadwyn gyflenwi
2. y mathau o ddamcaniaethau, modelau ac arferion rheoli cadwyn gyflenwi
3. ffynonellau gwybodaeth eich sefydliad am ddulliau dychwelyd cyflenwadau
4. y mathau o ddamcaniaethau, modelau ac arferion logisteg
5. y dulliau a’r gweithdrefnau gwerthuso perthnasol ar gyfer dewis dulliau dychwelyd cyflenwadau
6. y mathau o ddulliau a gweithdrefnau dadansoddi risg sydd ar gael i gynorthwyo gyda dewis dulliau dychwelyd cyflenwadau
7. sut i nodi ac ymdrin ag unrhyw faterion wrth ddewis dulliau dychwelyd cyflenwadau
8. y mathau o ddulliau cyfathrebu a ddefnyddir gan eich sefydliad
9. y gweithdrefnau cyfreithiol, rheoliadol, amgylcheddol, iechyd a diogelwch a sefydliadol perthnasol yn ymwneud â dewis dulliau dychwelyd cyflenwadau
10. sut i nodi unrhyw fesurau diogeledd a bioddiogelwch sydd yn angenrheidiol gan y nwyddau sydd yn cael eu dosbarthu
11. eich cyfrifoldebau chi a’ch sefydliad dros ddiogelu’r amgylchedd a gweithio’n gynaliadwy wrth ddewis dulliau dychwelyd cyflenwadau

Cydweithwyr a rhanddeiliaid allweddol: parhaol, dros dro, staff asiantaeth, allanol, awdurdodau perthnasol, cwsmeriaid, cyflenwyr

Nwyddau: unrhyw gyfuniad o nwyddau neu wasanaethau sydd yn cael eu caffael, eu dosbarthu neu eu storio yn y gadwyn gyflenwi 

Cadwyn gyflenwi: caffael, prynu a chyflenwi, logisteg, rheoli trafnidiaeth a gweithrediadau, o fewn a rhwng ffiniau rhyngwladol

Manylebau: set o ofynion i’w bodloni gan gynnyrch materol neu wasanaeth. Gallai manylebau fod ar gyfer y math o farchnad, y lleoliad, y math o nwyddau neu ofynion y cwsmer.