Cyfrannu at iechyd, diogelwch a diogeledd mewn gwasanaethau post

Mae’r safon hon yn ymwneud â chyfrannu at iechyd, diogelwch a diogeledd mewn gwasanaethau post. Mae’n cynnwys dilyn y canllawiau iechyd a diogelwch perthnasol, ac yn pwysleisio bod eich diogelwch chi a phobl eraill yn hollbwysig. Gallai fod angen i chi nodi amrywiaeth o risgiau iechyd, diogelwch a diogeledd ac ymateb i’r rhain yn gyflym. Mewn argyfwng, mae disgwyl i chi sicrhau bod y cymorth perthnasol yn cael ei alw, a bod y gwasanaethau brys yn cael eu galw, lle bo angen.

Mae risgiau diogelwch post yn hollbwysig a gallant gynnwys gwrthrychau dieithr, amheuaeth o fomiau a dyfeisiadau a sylweddau peryglus eraill. Mae’r staff i gyd yn gyfrifol am fonitro post a phecynnau, ac adrodd ar unrhyw beth amheus ar unwaith, gan ddilyn protocol sefydliadau.

Byddwch hefyd yn gyfrifol am gofnodi unrhyw ddigwyddiadau iechyd, diogelwch a diogeledd.

Mae’r safon hon yn cynnwys gweithio ym mhob amgylchedd gwasanaeth post, yn cynnwys y Post Brenhinol, ac mae wedi ei hanelu at weithredwyr sydd yn gysylltiedig â gwasanaethau post ar bob lefel.

1. cyfrannu at gynnal iechyd, diogelwch a diogeledd trwy ddilyn yr holl ofynion perthnasol a’r gweithdrefnau sefydliadol bob amser wrth weithio mewn gwasanaethau post
2. nodi eitemau post a allai gyflwyno risg i iechyd, diogelwch a diogeledd
3. dilyn gweithdrefnau sefydliadol a rhagofalon cymeradwy i nodi a lleihau risgiau i iechyd, diogelwch a diogeledd
4. monitro post i nodi unrhyw risgiau iechyd, diogelwch a diogeledd posibl, ac adrodd am y rhain yn fewnol
5. dilyn y canllawiau perthnasol ar gyfer arferion gwaith diogel sefydliadol, yn cynnwys y defnydd cywir o gyfarpar diogelu personol (PPE) a chyfarpar trin deunyddiau
6. cymryd camau ar unwaith i atal niwed i chi eich hun ac eraill pan fydd risgiau iechyd, diogelwch a diogeledd posibl yn cael eu nodi
7. ymateb i ddigwyddiadau ac argyfyngau yn unol â gweithdrefnau sefydliadol
8. adrodd a chofnodi pob digwyddiad iechyd, diogelwch a diogeledd ar y system wybodaeth a chofnodi berthnasol, yn unol â gweithdrefnau sefydliadol, a dilyn yr holl reoliadau diogeledd data a gwybodaeth perthnasol yn ymwneud â staff, cwsmeriaid a phartneriaid dosbarthu

1. y cyfrifoldebau a’r gofynion cyfreithiol perthnasol sy’n cyfrannu at gynnal iechyd, diogelwch a diogeledd mewn gwasanaethau post
2. goblygiadau peidio â chydymffurfio â’r rheoliadau uniondeb a diogeledd post 
3. y gweithdrefnau sefydliadol perthnasol ar gyfer lleihau risgiau iechyd, diogelwch a diogeledd mewn gwasanaethau post
4. eich cyfrifoldebau eich hun i ddiogelu eich hun ac eraill mewn perthynas ag iechyd, diogelwch a diogeledd yn eich sefydliad
5. pwysigrwydd blaenoriaethu iechyd, diogelwch a diogeledd a’r rhagofalon perthnasol y gellir eu defnyddio a’u cymhwyso i wasanaethau post
6. sut i nodi’r risgiau iechyd, diogelwch a diogeledd posibl yn ymwneud ag ardal waith eich gwasanaethau post 
7. y camau y dylid eu cymryd os oes risgiau i iechyd, diogelwch a diogeledd yn cael eu nodi 
8. y rhagofalon perthnasol a’r arferion gwaith diogel y gellir eu cymryd i atal anaf neu niwed
9. y camau i’w cymryd mewn digwyddiad o argyfwng yn cynnwys y driliau a’r larymau diogelwch perthnasol a ddefnyddir yn y sefydliad
10. y swyddogion cymorth cyntaf dynodedig sydd wedi eu hawdurdodi gan y sefydliad mewn perthynas â’ch ardal waith
11. y polisïau sefydliadol perthnasol ar gyfrinachedd a deddfwriaeth diogelu data
12. y systemau gwybodaeth a chofnodi a ddefnyddir gan y sefydliad a’r gofynion ar gyfer cadw cofnodion