Yn ol

Lleihau effaith amgylcheddol gweithrediadau logisteg

URN: SFLLO41
Sectorau Busnes (Suites): Gweithrediadau Logisteg
Datblygwyd gan: Lantra
Cymeradwy ar: 30 Maw 2022

Trosolwg

​

Mae’r safon hon yn ymwneud â lleihau effaith amgylcheddol gweithrediadau logisteg. Mae’n cynnwys monitro’r effaith amgylcheddol a nodi ffyrdd o leihau’r effaith honno. Mae hefyd yn cynnwys monitro effeithlonrwydd ynni a lleihau, ailddefnyddio ac ailgylchu deunyddiau.

Mae’r safon hon yn berthnasol i bob gweithredwr ar bob lefel mewn gweithredaidau logisteg. Gallai gweithredwyr, er enghraifft, fod yn gweithio ym maes warws a storio, trafnidiaeth, neu anfon cludiant ymlaen. Gallai’r safon fod yn berthnasol i’r rheiny sy’n gofalu am nifer o staff a chynnwys cyfrifoldeb rheolwr llinell.

Meini prawf perfformiad

Mae'n rhaid eich bod chi'n gallu:

​

  1. nodi’r polisïau a’r arferion amgylcheddol, cynaliadwyedd ac ailgylchu sefydliadol sy’n berthnasol i weithrediadau logisteg
  2. gweithredu polisi ac arferion amgylcheddol, cynaliadwyedd ac ailgylchu’r sefydliad, a chadarnhau eu bod yn cael eu hyrwyddo i bob cydweithiwr yn eich sefydliad
  3. monitro’r ynni a’r deunyddiau a ddefnyddir i gyflwyno gweithrediadau logisteg yn eich sefydliad
  4. asesu effaith amgylcheddol posibl gweithrediadau logisteg eich sefydliad cyn iddynt gael eu gweithredu 
  5. monitro’r effaith y mae gweithrediadau logisteg presennol eich sefydliad yn ei gael ar yr amgylchedd
  6. nodi ac awgrymu ffyrdd o leihau unrhyw effeithiau niweidiol posibl gweithrediadau logisteg eich sefydliad ar yr amgylchedd
  7. nodi ffyrdd o leihau, ailddefnyddio neu ailgylchu deunyddiau a ddefnyddir mewn gweithrediadau logisteg i leihau’r effaith y mae eich sefydliad yn ei gael ar yr amgylchedd
  8. nodi ffyrdd o ddefnyddio ynni a deunyddiau’n fwy effeithlon ar gyfer gweithrediadau logisteg yn eich sefydliad i leihau eu heffaith amgylcheddol
  9. gwaredu deunyddiau dros ben o weithrediadau logisteg eich sefydliad, yn unol â’r ddeddfwriaeth berthnasol a gweithdrefnau sefydliadol
  10. briffio partneriaid ac isgontractwyr ar eu cyfrifoldebau amgylcheddol wrth weithio gyda’ch sefydliad
  11. cofnodi gwaith a wnaed yn y system gwybodaeth a chofnodi berthnasol, yn unol â gweithdrefnau sefydliadol
  12. cydymffurfio â gweithdrefnau sefydliadol a’r holl ofynion cyfreithiol, amgylcheddol, iechyd a diogelwch, bioddiogelwch a gweithredu perthnasol wrth fonitro effaith amgylcheddol gweithrediadau logisteg

Gwybodaeth a Dealltwriaeth

You need to know and understand:

​

  1. y mesurau diogelu amgylcheddol a ddefnyddir yn eich sefydliad a’r ffordd y mae’r rhain yn berthnasol i weithrediadau logisteg
  2. sut i ddewis a defnyddio systemau i asesu effaith amgylcheddol gweithrediadau logisteg eich sefydliad
  3. y materion amgylcheddol sydd yn effeithio ar y diwydiant logisteg
  4. polisi amgylcheddol ac ailgylchu eich sefydliad a sut mae hyn yn effeithio ar gost gweithrediadau logisteg 
  5. y gweithdrefnau deddfwriaeth, rheoliadau a sefydliadol perthnasol sydd yn berthnasol i waredu deunyddiau dros ben
  6. sut i ailgylchu a gwaredu deunyddiau dros ben i leihau effaith y sefydliad ar yr amgylchedd
  7. y ffyrdd y gellir gwella defnydd eich sefydliad o ddeunyddiau i leihau’r effaith amgylcheddol mewn gweithrediadau logisteg
  8. y ffyrdd y gellir gwella effeithlonrwydd ynni eich sefydliad i leihau’r effaith amgylcheddol mewn gweithrediadau logisteg
  9. y cyrff rheoliadol perthnasol ar gyfer gweithrediadau logisteg a’u gofynion cydymffurfio
  10. y rolau, cyfrifoldebau, a’r systemau rheoli sy’n berthnasol i weithrediadau logisteg yn eich sefydliad
  11. y systemau gwybodaeth a chofnodi, systemau monitro a’r dulliau cyfathrebu a ddefnyddir gan eich sefydliad
  12. y gweithdrefnau sefydliadol a’r holl ofynion cyfreithiol, amgylcheddol, iechyd a diogelwch, bioddiogelwch a gweithredu perthnasol wrth fonitro effaith amgylcheddol gweithrediadau logisteg

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Amgylchedd: yr amgylchedd naturiol, h.y. tir, aer a môr

Effaith amgylcheddol: unrhyw newid i’r amgylchedd yn deillio o weithgareddau, cynnyrch neu wasanaethau unigolyn neu sefydliad

Gofynion amgylcheddol, cyfreithiol, diogelwch a gweithredu: rheoliadau diogelwch, codau ymarfer, cyfyngiadau llwyth, rheoliadau amser gwaith, rheoliadau trafnidiaeth, arferion gweithio, gweithdrefnau gweithredu, canllawiau’r diwydiant 

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

30 Maw 2027

Dilysrwydd

Ar hyn o bryd

Statws

Gwreiddiol

Sefydliad Cychwynnol

Lantra

URN gwreiddiol

SFLLO41

Galwedigaethau Perthnasol

Gweithrediadau a chynnal a chadw trafnidiaeth, Gyrwyr a Gweithredwyr Trafnidiaeth, Warws a Dosbarthu, Rheolwyr Dosbarthu, Storio a Manwerthu, Gweithwyr Cyswllt Proffesiynol Trafnidiaeth

Cod SOC

9251

Geiriau Allweddol

amgylchedd; effaith; tanwydd; gwastraff; gwaredu; halogiad; llygredd; risg