Amserlennu gweithrediadau logisteg i fodloni gofynion cwsmeriaid

Mae’r safon hon yn ymwneud ag amserlennu gweithrediadau logisteg i fodloni gofynion cwsmeriaid. Mae’n cynnwys nodi’r math o weithredu, cynllunio, dulliau amserlennu a datrys problemau gyda’r amserlen sydd eu hangen. Gallai fod yn berthnasol i amserlennu cerbydau, amserlennu gyrwyr, amserlenni cludiant a chynlluniau teithiau. Yn y diwydiant gweithrediadau logisteg heddiw, gallai amserlennu’r diwydiant gynnwys defnydd helaeth o dechnoleg fel Amserlennu Llwybr Cerbyd ar Gyfrifiadur (CVRS).

Gallai’r safon hefyd gynnwys materion cynllunio fel costau, asesu risg, a chyfathrebu gyda chwsmeriaid i reoli materion.

Mae’r safon hon yn berthnasol i bob gweithredwr ar bob lefel mewn gweithrediadau logisteg. Gallai gweithredwyr, er enghraifft, fod yn gweithio ym maes warws a storio, swyddfeydd trafnidiaeth neu anfon cludiant ymlaen. Gallai’r safon fod yn berthnasol i’r rheiny sy’n gofalu am nifer o staff ac â chyfrifoldeb rheolwr llinell.

1. cadarnhau’r gweithrediadau logisteg sydd eu hangen i fodloni gofynion cwsmeriaid
2. cytuno gydag amseru a therfynau amser cwsmeriaid ar gyfer darparu’r gweithrediadau logisteg, yn unol â chytundebau lefel gwasanaeth
3. amserlennu gweithrediadau logisteg trwy gymhwyso dulliau, offer a thechnoleg amserlennu a ddefnyddir yn y sefydliad a dilyn gweithdrefnau sefydliadol
4. pennu’r adnoddau logisteg a dilyniant tasgau sydd yn ofynnol i ddarparu’r gweithrediadau logisteg i fodloni gofynion cwsmeriaid
5. adolygu’r ffactorau a’r risgiau a allai effeithio ar yr amserlen
6. amserlennu’r gweithrediadau logisteg fel bod y gadwyn gyflenwi’n parhau i weithredu’n effeithiol
7. cofnodi amserlennu yn y system wybodaeth a chofnodi berthnasol, yn unol â gweithdrefnau sefydliadol gan ddilyn unrhyw reoliadau diogeledd data a gwybodaeth perthnasol yn ymwneud â staff, cwsmeriaid a phartneriaid dosbarthu
8. monitro darpariaeth gweithrediadau logisteg yn erbyn yr amserlen
9. nodi unrhyw broblemau gyda’r amserlen, a chymryd y camau gofynnol i’w datrys
10. cydymffurfio â gweithdrefnau sefydliadol a’r holl ofynion cyfreithiol, amgylcheddol, iechyd a diogelwch, bioddiogelwch a gweithredu perthnasol yn ymwneud ag amserlennu gweithrediadau logisteg

1. y dulliau, offer, technoleg a’r gweithdrefnau sefydliadol perthnasol a ddefnyddir ar gyfer amserlennu gweithrediadau logisteg 
2. yr arferion gwaith, y gweithdrefnau gweithredu, y canllawiau a’r codau ymarfer ar gyfer gweithrediadau logisteg yn eich sefydliad
3. sut i gadarnhau a chytuno ar ofynion cwsmeriaid ar gyfer gweithrediadau logisteg
4. y ffactorau y mae angen eu hystyried wrth amserlennu gweithrediadau logisteg
5. y gweithgareddau y mae angen eu cynnal ar gyfer amserlennu a rheoli data
6. y problemau a allai ddigwydd gydag amserlenni a bodloni gofynion cwsmeriaid
7. y cyrff rheoliadol perthnasol ar gyfer gweithrediadau logisteg a’u gofynion cydymffurfio
8. rolau, cyfrifoldebau a systemau rheoli sy’n berthnasol i weithrediadau logisteg yn eich sefydliad
9. y systemau gwybodaeth a chofnodi, systemau monitro a’r dulliau cyfathrebu a ddefnyddir gan eich sefydliad
10. y gweithdrefnau sefydliadol a’r holl ofynion cyfreithiol, amgylcheddol, diogelwch a gweithredu sy’n ymwneud ag amserlennu gweithrediadau logisteg

 

Amserlen: cynllun o’r gweithgareddau neu’r tasgau

Problemau gyda’r amserlen: argaeledd stoc, argaeledd trafnidiaeth, oedi oherwydd y llwybr, amseru afrealistig, prinder gwybodaeth, dogfennau coll

Adnoddau: systemau rheoli stoc, systemau rheoli warws, dogfennau, offer cynllunio llwybr, meddalwedd gyfrifiadurol, cyfarpar monitro cerbydau

Cwsmeriaid: mewnol, allanol

Gofynion amgylcheddol, cyfreithiol, diogelwch a gweithredu: rheoliadau diogelwch, codau ymarfer, cyfyngiadau llwyth, rheoliadau amser gweithio, rheoliadau trafnidiaeth; arferion gweithio, gweithdrefnau gweithredu, canllawiau diwydiant