Cynnal Storfa Diogelwch Bwyd wrth Lwytho a Dadlwytho

Mae’r safon hon yn ymwneud â chynnal diogelwch bwyd wrth lwytho neu ddadlwytho mewn amgylchedd logisteg.  Mae’n cynnwys y wybodaeth a’r sgiliau sy’n ofynnol gan weithwyr yn y sector logisteg mewn perthynas â rheoliadau’r UE sy’n ei wneud yn ofyniad cyfreithiol i bob busnes sy’n ymdrin â bwyd (h.y. bwyd, diod a phorthiant anifeiliaid) i gael Systemau Rheolaeth Bwyd wedi eu sefydlu yn eu systemau gweithredu a rheoli.

Mae’r safon hon yn berthnasol i’r rheiny sy’n gweithio ym mhob rhan o’r gadwyn cyflenwi bwyd, yn cynnwys gyrwyr cerbydau, gweithredwyr warws a storio, goruchwylwyr a rheolwyr

1. sicrhau bod y bwyd a/neu ei orchudd/deunydd lapio heb ei niweidio, ei fod ar y tymheredd cywir, ac o fewn ei ddyddiad defnyddio olaf wrth gyrraedd a’i anfon 
2. edrych ar a chofnodi unrhyw wybodaeth bwysig ar y label
3. paratoi bwyd ar gyfer ei storio a’i roi yn y lleoliad cywir mor gyflym ag sydd angen i gynnal ei ddiogelwch
4. osgoi’r risg o groes-halogi
5. ymdrin ag unrhyw ollyngiadau neu niwed mewn ffordd briodol yn unol â gweithdrefnau rheoli diogelwch bwyd
6. cadw cofnodion angenrheidiol wedi eu diweddaru
7. ymdrin â bwyd mewn ffordd sydd yn sicrhau bod diogelwch bwyd yn cael ei gynnal 
8. ymdrin yn brydlon ac yn briodol â dangosyddion peryglon diogelwch bwyd posibl pan fydd gennych yr awdurdod i wneud hynny
9. os nad oes gennych yr awdurdod i ymdrin â dangosyddion peryglon diogelwch bwyd posibl eich hun, adrodd yn brydlon wrth y person priodol
10. cyn llwytho gwirio bod y cerbyd yn lân ac ar y tymheredd cywir

1. pam y mae’n bwysig sicrhau bod dosbarthiadau bwyd heb eu niweidio, ar y tymheredd cywir ac o fewn eu ‘dyddiad defnyddio olaf’ a sut i wneud hyn 
2. pam y mae’n bwysig paratoi bwyd ar gyfer ei storio – er enghraifft trwy dynnu a gwaredu deunydd pacio allanol (tra’n cadw unrhyw wybodaeth bwysig ar y gorchudd, e.e., cyfarwyddiadau defnyddio, gwybodaeth am alergenau)
3. pam y mae’n rhaid rhoi bwyd yn yr ardal storio gywir a’r tymheredd y dylid storio bwydydd gwahanol
4. pam y mae’n bwysig bod ardaloedd storio yn lân ac yn daclus a beth i’w wneud os nad ydynt
5. pam y mae’n bwysig storio bwyd ar y tymheredd cywir, a sut i gyflawni hyn.

Bwyd: Bwyd, diod a phorthiant anifeiliaid

Dangosyddion peryglon diogelwch bwyd posibl: Pethau allai wneud bwyd yn anniogel ar gyfer defnyddwyr, er enghraifft:

• deunydd pacio wedi ei niweidio

• gollyngiadau ar fwyd arall

• stoc y mae ei oes wedi darfod

• bwyd nad yw wedi ei storio lle dylai fod

• cyfleusterau storio a cherbydau nad ydynt yn gweithredu ar y tymheredd cywir

• gwastraff bwyd y mae angen ei waredu

• baw

• plâu fel cnofilod neu bryfed