Dyfeisio a Gweithredu Gweithdrefnau Rheoli Diogelwch Bwyd mewn Amgylchedd Logisteg

Mae’r safon hon yn ymwneud â dyfeisio a gweithredu gweithdrefnau rheoli diogelwch bwyd mewn amgylchedd logisteg. Mae’n cynnwys y wybodaeth a’r sgiliau sy’n ofynnol gan weithwyr yn y sector logisteg mewn perthynas â rheoliadau’r UE sy’n ei wneud yn ofyniad cyfreithiol i bob busnes sy’n ymdrin â bwyd (h.y. bwyd, diod a phorthiant anifeiliaid) i gael Systemau Rheolaeth Diogelwch Bwyd wedi eu sefydlu yn eu systemau gweithredu a rheoli.

Mae’r safon hon yn berthnasol i’r rheiny sy’n gweithio ym mhob rhan o’r gadwyn cyflenwi bwyd, yn cynnwys gyrwyr cerbydau, gweithredwyr warws a storio, goruchwylwyr a rheolwyr

1. nodi a gwneud defnydd o’r arweiniad a’r cymorth sydd ar gael ar eich cyfer ym maes rheoli diogelwch bwyd
2. nodi gofynion gweithredu y sefydliad a pheryglon diogelwch bwyd cysylltiedig
3. nodi’r materion rheoli diogelwch bwyd sydd yn gysylltiedig â’r gofynion gweithredol a’r peryglon hyn
4. dewis mesurau rheoli dilys ar gyfer y peryglon diogelwch bwyd yr ydych wedi eu nodi
5. cyfathrebu gofynion allweddol y gweithdrefnau rheoli diogelwch bwyd wrth y bobl berthnasol
6. sicrhau bod hyfforddiant digonol yn cael ei gyflwyno i sicrhau bod gweithdrefnau rheoli diogelwch bwyd yn cael eu cynnal
7. sicrhau bod gweithgareddau gwaith yn cael eu hadrodd a’u cofnodi yn unol â gweithdrefnau rheoli diogelwch bwyd sefydliad
8. monitro’r ffordd y mae gweithdrefnau rheoli diogelwch bwyd yn cael eu rhoi ar waith er mwyn sicrhau bod deddfwriaeth diogelwch bwyd yn cael ei dilyn
9. annog hinsawdd agored ynghylch bodloni gofynion diogelwch bwyd
10. addasu gweithdrefnau rheoli diogelwch bwyd yn unol â newidiadau mewn anghenion sefydliadol
11. gwerthuso gweithdrefnau rheoli diogelwch bwyd y sefydliad

1. pwysigrwydd gweithdrefnau rheoli diogelwch bwyd

2. gofynion deddfwriaethol diogelwch bwyd

3. elfennau hanfodol gweithdrefnau rheoli diogelwch bwyd
4. ffynonellau arweiniad a chymorth arbenigol i lunio gweithdrefnau rheoli diogelwch bwyd a sut i gael mynediad at hyn
5. gofynion gweithredol eich sefydliad ynghylch pa fesurau rheoli i’w rhoi ar waith
6. sut i gyfathrebu cyfrifoldebau staff o fewn y gweithdrefnau rheoli diogelwch bwyd
7. sut i nodi’r sgiliau a’r wybodaeth sydd eu hangen ar staff
8. y cofnodion a’r gweithdrefnau cofnodi ddylai fod ar waith 
9. sut i ddarparu hyfforddiant priodol
10. pwysigrwydd, a’r cyfrifoldeb dros fonitro gweithdrefnau rheoli diogelwch bwyd
11. y mathau o wyriadau o’r gweithdrefnau rheoli diogelwch bwyd a allai ddigwydd a’r camau unioni y dylech eu cymryd
12. pwysigrwydd gwerthuso’r gweithdrefnau rheoli diogelwch bwyd a’r hyn y dylid ei gynnwys
13. sut i gynnal gwerthusiad rheolaidd ac wedi ei gynllunio o’r gweithdrefnau rheoli diogelwch bwyd
14. ffactorau a allai sbarduno diweddariad uniongyrchol y gweithdrefnau rheoli diogelwch bwyd
15. pwysigrwydd cyfathrebu unrhyw newidiadau yn y gweithdrefnau wrth eich staff

Mesurau rheoli: Gweithredoedd sy’n ofynnol i atal neu ddileu perygl diogelwch bwyd, neu ei leihau i lefel dderbyniol

Peryglon diogelwch bwyd: Rhyw

beth all achosi niwed i’r defnyddiwr a gall fod:

• yn ficrobiolegol (er enghraifft, bacteria, llwydni, feirysau)

• yn gemegol (er enghraifft, plaladdwyr a ddefnyddir ar ffrwythau a llysiau, cemegau a ddefnyddir i lanhau neu i reoli plâu)

• yn ffisegol (er enghraifft, pryfed, parasitiaid, gwydr)

• yn alergenaidd (er enghraifft cnau, llaeth, wyau)

Gweithdrefnau rheoli diogelwch bwyd: Y polisïau, yr arferion, y rheolyddion a’r dogfennau sydd yn sicrhau bod bwyd yn ddiogel ar gyfer defnyddwyr, e.e. Dadansoddi Peryglon a Phwyntiau Rheoli Hanfodol (HACCP).

Gweithdrefnau: Cyfres o gamau neu gyfarwyddiadau clir ynghylch sut i wneud pethau; rheolau. Mae rhai cwmnïau yn cofnodi eu gweithdrefnau yn ffurfiol yn ysgrifenedig, ac mae gan eraill weithdrefnau y mae’r staff i gyd yn eu deall a’u dilyn ond sydd heb eu hysgrifennu i lawr.

Hyfforddiant: Dod ag unigolyn i fyny i’r lefel neu’r safon hyfedredd dymunol. Gellir gwneud hyn trwy gyfarwyddyd neu trwy gyrsiau hyfforddiant ffurfiol. Mae hyn hefyd yn cynnwys darparu hyfforddiant diweddaru a recordio cysylltiedig y gweithgaredd hyfforddi.