Gweithredu a Monitro Gweithdrefnau Rheoli Diogelwch Bwyd

Mae’r safon hon yn ymwneud â gweithredu a monitro gweithdrefnau rheoli diogelwch bwyd mewn amgylchedd logisteg. Mae’n cwmpasu’r wybodaeth a’r sgiliau sy’n ofynnol gan weithwyr yn y sector logisteg mewn perthynas â rheoliadau’r UE sy’n ei wneud yn ofyniad cyfreithiol i bob busnes sy’n ymdrin â bwyd (h.y. bwyd, diod a phorthiant anifeiliaid) gael Systemau Rheolaeth Diogelwch Bwyd wedi eu sefydlu yn eu systemau gweithredu a rheoli.

Mae’r safon hon yn berthnasol i’r rheiny sydd yn gweithio ym mhob rhan o’r gadwyn cyflenwi bwyd, yn cynnwys gyrwyr cerbydau, gweithredwyr warws a storio, goruchwylwyr a rheolwyr

1. Nodi peryglon diogelwch bwyd perthnasol a mesurau rheoli priodol 
2. Dyrannu a goruchwylio cyfrifoldebau diogelwch bwyd
3. Nodi a bodloni anghenion hyfforddiant a datblygiad staff
4. Sicrhau bod yr holl reolyddion gweithredu a nodwyd yn cael eu cwblhau yn unol â gweithdrefnau rheoli diogelwch bwyd
5. Cadw cofnodion cywir a chyflawn o wiriadau yn unol â gweithdrefnau rheoli diogelwch bwyd
6. Cymryd cam(au) cywiro priodol gyda graddfa briodol o frys
7. Adrodd wrth y person priodol am unrhyw weithdrefnau nad ydynt yn cydymffurfio â mesurau rheoli
8. Cael cyngor a chymorth arbenigol ar gyfer materion y tu hwnt i lefel eich awdurdod neu eich arbenigedd
9. Argymell addasiadau i weithdrefnau rheoli diogelwch bwyd yn unol â newidiadau mewn anghenion sefydliadol

1. pwysigrwdd cael gweithdrefnau diogelwch bwyd a’r mathau o beryglon diogelwch bwyd
2. beth yw mesurau rheoli yn cynnwys pwyntiau rheoli hanfodol
3. eich cyfrifoldebau yn unol â gweithdrefnau rheoli diogelwch bwyd eich sefydliad, yn cynnwys y pwyntiau rheoli hanfodol yn ymwneud â gweithgaredd eich gwaith
4. sut i gyfathrebu cyfrifoldebau ar gyfer gweithdrefnau rheoli diogelwch bwyd i gydweithwyr a sicrhau eu bod wedi cael eu deall
5. sut i sicrhau bod staff yn cael hyfforddiant priodol i fodloni eu cyfrifoldebau diogelwch bwyd
6. effaith goddefiant yn ystod pwyntiau rheoli hanfodol a phwyntiau rheoli ar ddiogelwch bwyd a’ch sefydliad
7. math ac amlder y gwiriadau y dylech eu cyflawni i reoli diogelwch bwyd yng ngweithgareddau eich gwaith
8. y gweithdrefnau adrodd pan fydd mesurau rheoli’n methu
9. y cofnodion sy’n ofynnol ar gyfer rheoli diogelwch bwyd, a sut i’w cynnal
10. pwysigrwydd ‘y gallu i olrhain' a pham y mae’n bwysig i ddiogelwch bwyd
11. mathau a dulliau camau unioni i reoli peryglon diogelwch bwyd
12. beth yw gwelliant parhaus a pham y mae’n bwysig cyfrannu at bwysigrwydd y broses wella
13. deddfwriaeth ar ddiogelwch bwyd yn eich maes cyfrifoldeb 
14. ffynonellau gwybodaeth am ddeddfwriaeth diogelwch bwyd
15. sut dylai swyddogion gweithredu ymdrin â gweithdrefnau sefydliadol yn ymwneud â diogelwch bwyd

Mesurau rheoli: Gweithredoedd sy’n ofynnol i atal neu ddileu perygl diogelwch bwyd, neu ei leihau i lefel dderbyniol

Pwynt rheoli: Cyfnod allweddol yn y gadwyn fwyd lle dylid cymryd camau priodol i atal perygl diogelwch bwyd neu i leihau’r risg cysylltiedig

Cam unioni: Y cam i’w gymryd pan fydd terfyn hanfodol yn cael ei dorri

Pwynt rheoli hanfodol: Cyfnod allweddol yn y gadwyn fwyd lle dylid cymryd camau priodol i atal perygl diogelwch bwyd neu i leihau risg cysylltiedig

Peryglon diogelwch bwyd: Rhywbeth a allai achosi niwed i’r defnyddiwr a gall fod:

• yn ficrobiolegol (er enghraifft, bacteria, llwydni, feirysau)

• yn gemegol (er enghraifft, plaladdwyr a ddefnyddir ar ffrwythau a llysiau, cemegau a ddefnyddir i lanhau neu i reoli plâu)

• yn ffisegol (er enghraifft, pryfed, parasitiaid, gwydr)

• yn alergenaidd (er enghraifft cnau, llaeth, wyau)

Gweithdrefnau rheoli diogelwch bwyd: Y polisïau, yr arferion, y rheolyddion a’r dogfennau sydd yn sicrhau bod bwyd yn ddiogel i ddefnyddwyr, e.e. Dadansoddi Peryglon a Phwyntiau Rheoli Hanfodol (HACCP).

Gweithdrefnau: Cyfres o gamau neu gyfarwyddiadau clir ynghylch sut i wneud pethau; rheolau. Mae rhai cwmnïau yn cofnodi eu gweithdrefnau yn ffurfiol yn ysgrifenedig, ac mae gan eraill weithdrefnau y mae’r staff i gyd yn eu deall a’u dilyn ond sydd heb eu hysgrifennu i lawr.

Goddefiant: Y gwahaniaeth rhwng y terfynau a gynlluniwyd neu safonol a ganiateir a’r gwerthoedd gwirioneddol sydd yn cael eu monitro