Cynnal Diogelwch Bwyd wrth Gludo

Mae’r safon hon yn ymwneud â chynnal diogelwch bwyd wrth gludo mewn amgylchedd logisteg. Mae’n cynnwys y wybodaeth a’r sgiliau sy’n ofynnol gan weithwyr yn y sector logisteg mewn perthynas â rheoliadau’r UE sy’n ei wneud yn ofyniad cyfreithiol i bob busnes sy’n ymdrin â bwyd (h.y. bwyd, diod a phorthiant anifeiliaid) i gael Systemau Rheolaeth Diogelwch Bwyd wedi eu sefydlu yn eu systemau gweithredu a rheoli.

Mae’r safon hon yn berthnasol i’r rheiny sy’n gweithio ym mhob rhan o’r gadwyn cyflenwi bwyd, yn cynnwys gyrwyr cerbydau, gweithredwyr warws a storio, goruchwylwyr a rheolwyr

1. Sicrhau bod y cerbyd yn lân yn unol â gweithdrefnau sefydliadol
2. Sefydlu pa nwyddau sy’n cael eu dosbarthu ac unrhyw ofynion diogelwch bwyd penodol
3. Cynnal gwiriadau penodol ar y cerbyd, fel sy’n ofynnol, i sefydlu a yw’r cerbyd yn cyd-fynd â diogelwch y bwyd
4. Gwirio cyflwr y llwyth am beryglon diogelwch bwyd posibl
5. Sicrhau bod unrhyw godau ar y bwyd yn cyd-fynd â dogfennau, lle y bo’n briodol
6. Cofnodi gwiriadau a gweithgareddau gwaith yn y systemau gwybodaeth priodol yn unol â gweithdrefnau sefydliadol
7. Ymdrin yn brydlon ac yn briodol â dangosyddion peryglon bwyd posibl pan fydd gennych yr awdurdod i wneud hynny
8. Os nad oes gennych yr awdurdod i ymdrin â dangosyddion peryglon diogelwch bwyd posibl eich hun, adrodd amdanynt yn brydlon wrth y person priodol

1. Pam y mae’n bwysig cadw’r cerbyd yn lân
2. Natur a nodweddion y peryglon diogelwch bwyd posibl sydd yn gysylltiedig â’r bwyd sydd yn cael ei gludo a’i ddosbarthu
3. Y rôl y mae rheoli tymheredd yn ei chwarae i gynnal diogelwch bwyd 
4. Y prif fathau o wiriadau i’w gwneud ar y cerbydau a’r bwyd sydd yn cael ei gludo
5. Beth i’w wneud mewn digwyddiad fel damwain, torri i lawr, neu argyfwng arall er mwyn cynnal diogelwch bwyd
6. Deddfwriaeth sy’n berthnasol i’ch maes cyfrifoldeb
7. Cyfrifoldebau adrodd a’r systemau a ddefnyddir gan y sefydliad
8. Arferion gwaith a gweithdrefnau gweithredu 
9. Rôl a chyfrifoldebau cydweithwyr
10. Wrth bwy i adrodd

Person priodol i adrodd wrthynt: Gallai hyn fod yn oruchwyliwr neu reolwr

Bwyd: Bwyd, diod a phorthiant anifeiliaid

Peryglon diogelwch bwyd: Rhywbeth a allai achosi niwed i’r cwsmer a gall fod: yn ficrobiolegol (er enghraifft, bacteria, llwydni, feirysau), yn gemegol (er enghraifft, plaladdwyr a ddefnyddir ar ffrwythau a llysiau, cemegion a ddefnyddir i lanhau neu i reoli plâu), yn ffisegol (er enghraifft, pryfed, parasitiaid, gwydr), alergenaidd (er enghraifft cnau, llaeth, wyau)

Dangosyddion peryglon diogelwch bwyd posibl: Pethau a allai wneud bwyd yn anniogel i ddefnyddwyr, er enghraifft:

deunydd pacio wedi ei niweidio, gollyngiadau ar fwyd arall, stoc y mae ei oes wedi darfod, bwyd heb ei storio lle dylai fod, cyfleusterau storio nad ydynt yn gweithredu ar y tymheredd iawn, gwastraff bwyd y mae angen ei waredu, baw, plâu fel cnofilod neu bryfed

Gweithdrefnau: Cyfres o gamau neu gyfarwyddiadau clir ynghylch sut i wneud pethau; rheolau. Mae rhai cwmnïau’n cofnodi eu gweithdrefnau’n ffurfiol yn ysgrifenedig, ac mae gan eraill weithdrefnau y mae’r staff i gyd yn eu deall ac yn eu dilyn ond sydd heb eu hysgrifennu i lawr.