Cynnal Hylendid Personol ar gyfer Diogelwch Bwyd mewn Amgylchedd Logisteg

Mae’r safon hon yn ymwneud â cynnal hylendid personol ar gyfer diogelwch bwyd mewn amgylchedd logisteg. Mae’n cynnwys y wybodaeth a’r sgiliau sydd yn ofynnol gan weithwyr yn y sector logisteg mewn perthynas â rheoliadau’r UE sy’n ei wneud yn ofyniad cyfreithiol i bob busnes sy’n ymdrin â bwyd (h.y. bwyd, diod a phorthiant anifeiliaid) i gael Systemau Rheolaeth Diogelwch Bwyd wedi eu sefydlu yn eu systemau gweithredu a rheoli.

Mae’r safon hon yn berthnasol i’r rheiny sy’n gweithio ym mhob rhan o’r gadwyn gyflenwi, yn cynnwys gyrwyr cerbydau, gweithredwyr warws a storio, goruchwylwyr a rheolwyr

1. Cadw eich gwallt, eich croen a’ch ewinedd mewn cyflwr addas ar gyfer gweithio gyda bwyd
2. Dilyn gweithdrefnau sefydliadol ynghylch pa emwaith ac ategolion y gellir eu gwisgo
3. Golchi eich dwylo ar yr adegau iawn gan ddefnyddio’r dulliau cywir
4. Gwisgo dillad glân, yn cynnwys unrhyw ddillad amddiffynnol y mae’r sefydliad yn eu darparu
5. Osgoi ymddygiad anniogel a allai halogi’r bwyd yr ydych yn ei weithio
6. Adrodd am unrhyw glwyfau agored, heintiau’r croen a salwch heintus yn brydlon wrth y person priodol
7. Sicrhau bod unrhyw glwyfau agored a heintiau’r croen yn cael eu trin a’u gorchuddio gyda rhwymynnau addas

1. Sut mae gwallt, croen, ewinedd a dillad glân yn cyfrannu at hylendid bwyd
2. Sut gall gemwaith ac ategolion eraill roi diogelwch bwyd mewn perygl 
3. Y mathau o ddillad amddiffynnol y mae’n rhaid i chi eu gwisgo yn y gwaith
4. Yr adegau iawn i olchi eich dwylo, a sut i olchi eich dwylo yn effeithiol
5. Pam y mae’n rhaid i chi osgoi ymddygiad anniogel pan fyddwch yn gweithio gyda neu gerllaw bwyd
6. Pam y mae’n rhaid i chi adrodd am unrhyw glwyfau agored, heintiau’r croen a salwch heintus, a phwy yw’r person priodol ar gyfer adrodd wrthynt amdanynt
7. Pa salwch heintus ddylid adrodd amdanynt
8. Pam y mae’n bwysig trin clwyfau agored a heintiau’r croen

Ategolion: eitemau ychwanegol ar wahân i ddillad

Person priodol i adrodd wrthynt: Gallai hyn fod yn oruchwyliwr neu reolwr

Dillad amddiffynnol: Dillad y mae’r cwmni’n eu darparu ar eich cyfer am resymau diogelwch bwyd, a allai gynnwys:

trywsusau, topiau fel siacedi neu dabardiau, cotiau, menig tafladwy, offer pen fel capiau neu rwydi gwallt