Cael gwybodaeth am nwyddau sydd yn cael eu cludo

Mae’r safon hon yn ymwneud â chael gwybodaeth am nwyddau sydd yn cael eu cludo mewn gweithrediadau masnach a logisteg rhyngwladol. Mae’n rhaid i’r wybodaeth fod yn gywir, yn gyflawn a chydymffurfio â gofynion yr awdurdod rheoliadol perthnasol, p’un ai’n gweithredu’n genedlaethol neu’n rhyngwladol. Mae’n rhaid i’r wybodaeth gynnwys yr holl fanylion perthnasol er mwyn i’r nwyddau gael eu cludo’n effeithlon ac ar amser. Byddwch yn gyfrifol am gyfathrebu gyda’r rheiny sydd yn gysylltiedig â chludo nwyddau ac ymdrin ag unrhyw anghysondeb yn y wybodaeth.

Mae’r safon hon ar gyfer y rheiny sy’n gyfrifol am gefnogi gweithrediadau masnach a logisteg rhyngwladol.

1. Cysylltu â’r cwsmer a’r rhanddeiliaid perthnasol i gael gwybodaeth berthnasol am y nwyddau sy’n cael eu cludo
2. Cael yr holl wybodaeth berthnasol sydd ei hangen ar gyfer y dogfennau perthnasol am y nwyddau sy’n cael eu cludo
3. Cael yr holl gyfarwyddiadau cludo perthnasol ar gyfer y nwyddau gan gwsmeriaid, a chadarnhau unrhyw ofynion arbennig neu gyfarwyddiadau am y nwyddau sy’n cael eu cludo
4. Gwirio’r cynnwys ac addasrwydd y wybodaeth a gafwyd
5. Nodi’r ddeddfwriaeth a’r rheoliadau cenedlaethol a rhyngwladol perthnasol sy’n berthnasol i’r nwyddau sy’n cael eu cludo
6. Cydgrynhoi’r wybodaeth yn barod i’w defnyddio pan fo angen i greu’r holl ddogfennau perthnasol
7. Sicrhau bod y dogfennau cludo’n cael eu cadw yn unol â’r gofynion statudol, rheoliadol, deddfwriaethol a sefydliadol perthnasol
8. Nodi unrhyw anghysondebau neu faterion gyda’r nwyddau, y dogfennau a’r cyfarwyddiadau cludo, a chymryd y camau gofynnol i ymdrin â’r rhain
9. Adrodd ar weithgareddau gwaith a’u cofnodi yn y systemau gwybodaeth priodol yn unol â’r gweithdrefnau statudol, rheoliadol, deddfwriaethol a sefydliadol perthnasol
10. Cydymffurfio â’r holl safonau iechyd a diogelwch, amgylcheddol, deddfwriaethol, rheoliadol a’r gweithdrefnau sefydliadol perthnasol 

1. Gan bwy i gael y wybodaeth berthnasol am y nwyddau sy’n cael eu cludo
2. Y cyfarwyddiadau cludo perthnasol a manylion y nwyddau sy’n cael eu cludo a sut i gael y wybodaeth berthnasol 
3. Y dulliau, y cyfryngau a’r graddfeydd amser ar gyfer cludo nwyddau
4. Rôl y sefydliadau a’r asiantaethau perthnasol yn symud nwyddau yn genedlaethol ac yn rhyngwladol
5. Y systemau a’r gweithdrefnau a ddefnyddir gan y sefydliadau a’r asiantaethau perthnasol sydd yn gysylltiedig â symud nwyddau yn genedlaethol ac yn rhyngwladol
6. Y dogfennau a’r lefel a’r math o wybodaeth sy’n ofynnol gan y rhanddeiliaid perthnasol ar gyfer mathau a chymysgedd gwahanol o nwyddau, dulliau cludo a llwybrau teithio
7. Pwysigrwydd cael a gwirio unrhyw ofynion arbennig sydd eu hangen gan nwyddau gwahanol a chymysgedd o nwyddau sydd yn cael eu cludo
8. Canlyniadau cwblhau gwybodaeth/dogfennau anghywir ar symud nwyddau a’u diffyg cydymffurfio
9. Y termau masnach a’r safonau rhyngwladol perthnasol ar gyfer cludo llwythi, yswiriant, a chostau (Incoterm)
10. Y gweithdrefnau a’r graddfeydd amser cywir ar gyfer cadw dogfennau mewn perthynas â chludo nwyddau i fodloni gofynion rhanddeiliaid perthnasol
11. Y ffynonellau gwybodaeth am ddeddfwriaeth a rheoliadau perthnasol
12. Y deddfwriaethau, y rheoliadau a’r cyrff rheoliadol cenedlaethol a rhyngwladol perthnasol a’u gofynion cydymffurfio ar gyfer mathau gwahanol o nwyddau, dulliau trafnidiaeth, a masnach rhyngwladol
13. Y cyfrifoldebau adrodd a’r systemau gwybodaeth a ddefnyddir gan eich sefydliad ar gyfer cludo nwyddau yn genedlaethol ac yn rhyngwladol
14. Rolau a chyfrifoldebau cydweithwyr gwahanol yn y gadwyn gyflenwi wrth gludo nwyddau
15. Y ddeddfwriaeth, y rheoliadau a’r gweithdrefnau sefydliadol cenedlaethol a rhyngwladol sy’n berthnasol i iechyd a diogelwch, a’ch maes cyfrifoldeb eich hun ac ystyriaethau moesegol 

Dogfennau

• Dogfennau trafnidiaeth

• Dogfennau talu

• Dogfennau masnach

• Tollau 

Nwyddau

• nwyddau peryglus (fflamadwy, gwenwynig, llaeth, grawn)

• cymysgedd o nwyddau (bwyd a chynnyrch nad yw’n fwyd)

• eitemau nad ydynt yn beryglus

• darfodus (bwyd)

• nwyddau i’w hatgyweirio/dychwelyd

• nwyddau ar gyfer arddangosfeydd/digwyddiadau arddangos

Gofynion arbennig

• gwahanu

• gofynion amgylcheddol, gwres, oerfel, lleithder

• nwyddau wedi eu cyfyngu

• gofynion lles ar gyfer anifeiliaid byw

• cymysgedd o nwyddau

• diogeledd

• datganiadau tollau

 

Cyfarwyddiadau cludo

• amser

• dull cludo

• cost

Termau Masnachol Rhyngwladol. Mae rheolau Incoterm yn esbonio set o dermau masnach 3 llythyren sydd yn adlewyrchu ymarfer o un busnes i’r llall yng nghontractau ar gyfer gwerthu nwyddau. Mae rheolau Incoterm yn disgrifio’r tasgau, y costau a’r risg sydd yn gysylltiedig â dosbarthu nwyddau oddi wrth werthwyr i brynwyr.