Gwneud adroddiadau a gwiriadau ar ôl taith

​
Mae’r safon hon yn ymwneud â gwneud adroddiadau a gwiriadau ar ôl taith sy’n ofynnol wrth gwblhau amserlen ddosbarthu. Mae’n cynnwys gwirio dogfennau, gwirio cyflwr y cerbyd a chadarnhau bod namau neu niwed wedi cael eu hadrodd. Mae’n cynnwys rheoli llwythi sydd wedi eu dychwelyd ac ailddirprwyo neu aildrefnu’r gyrrwr neu’r cerbyd, os oes angen.

Mae’r safon hon yn berthnasol i bob gweithredwr ar bob lefel mewn gweithrediadau logisteg. Gallai’r gweithredwyr, er enghraifft, fod yn gweithio ym maes warws a storio, trafnidiaeth neu anfon cludiant ymlaen.

1. ​cadarnhau bod y cerbyd wedi cael ei ddychwelyd ar ôl taith, yn unol â gweithdrefnau gweithredol a sefydliadol
2. cynnal gwiriadau ar gyflwr cerbyd, wrth gwblhau amserlen ddosbarthu
3. adrodd am namau neu ddiffygion a ganfyddir ar y cerbyd, gan ddilyn gweithdrefnau eich sefydliad
4. cynnal gwiriadau ar ddogfennau a chofnodion eraill yn ymwneud â’r gyrrwr a’r cerbyd, gan gadarnhau eu bod yn cydymffurfio â’r gweithdrefnau cyfreithiol, gweithredol a sefydliadol perthnasol
5. ailddirprwyo neu aildrefnu gyrwyr a cherbydau o ganlyniad i’r adroddiad a baratowyd gan y gyrrwr
6. rheoli a threfnu i ddychwelyd llwythi, yn unol â gweithdrefnau gweithredol a sefydliadol
7. cydymffurfio â gweithdrefnau sefydliadol a’r holl ofynion cyfreithiol, diogelwch a gweithredu
8. cyfathrebu gwybodaeth sy’n berthnasol i adroddiadau a gwiriadau ar ôl taith wrth gydweithwyr a chwsmeriaid

1. ​systemau dogfennau eich sefydliad ar gyfer adroddiadau a gwiriadau ar ôl taith
2. sut i wneud adroddiadau a gwiriadau ar ôl taith
3. gweithdrefnau gwybodaeth, cofnodi a dogfennau eich sefydliad
4. pwysigrwydd a’r defnydd o delemateg a thacograffau yn yr adroddiad a’r gwiriadau ar ôl taith
5. y ddeddfwriaeth, y rheoliadau a’r codau ymarfer perthnasol mewn perthynas â dyrannu adnoddau a gweithdrefnau sefydliadol
6. sut i aildrefnu neu ailddirprwyo gyrwyr ac amserlenni
7. y dulliau cyfathrebu a ddefnyddir gan y sefydliad i gyfathrebu gyda chydweithwyr a chwsmeriaid
8. y materion iechyd, diogelwch ac amgylcheddol perthnasol yn ymwneud â gwiriadau cerbydau ar ôl taith ac aildrefnu cerbydau
9. y gofynion cyfreithiol, diogelwch a gweithredu perthnasol yn ymwneud ag adroddiadau a gwiriadau ar ôl taith

​
Cydweithwyr: parhaol, dros dro, staff asiantaeth, allanol

Cwsmeriaid: mewnol ac allanol