Yn ol

Derbyn a storio nwyddau fferyllol

URN: SFL231
Sectorau Busnes (Cyfresi): Warws a Storio
Datblygwyd gan: Lantra
Cymeradwy ar: 2018

Trosolwg

​

Mae’r safon hon yn ymwneud â derbyn a storio nwyddau fferyllol yn ddiogel mewn cyfleusterau warws a storio. Rhoddir sylw i’r gofynion cyfreithiol perthnasol ar gyfer fferylliaeth a’r amodau storio sydd yn ofynnol i gynnal y stoc er mwyn iddo fod yn addas at y diben.

Bydd gweithredwyr yn gweithio yn unol â gofynion sefydliadol ar gyfer y ffyrdd y mae gwasanaethau storio fferylliaeth yn cael eu darparu yn y gweithle. Mae’n rhaid i’r gweithredwyr gydymffurfio â’r ymarfer sydd yn adlewyrchu’r wybodaeth ddiweddaraf a pholisïau sefydliadol.

Mae fferylliaeth yn cynnwys meddygaeth neu feddyginiaeth, a gellir ei ddiffinio’n fras fel unrhyw sylwedd cemegol a fwriadwyd i’w ddefnyddio mewn diagnosis, iachâd, triniaeth neu i atal clefyd.

Mae’r safon hon yn berthnasol i bob gweithrediad warws mewn gweithrediadau logisteg sydd yn ymdrin â storio nwyddau fferyllol yn ddiogel

Meini prawf perfformiad

Mae'n rhaid eich bod chi'n gallu:

​

  1. cadarnhau tasgau, blaenoriaethau a chyfrifoldebau gyda’r person(au) perthnasol
  2. dilyn y gweithdrefnau iechyd a diogelwch perthnasol yn ymwneud â Chyfarpar Diogelu Personol (PPE), gan symud, ymdrin a derbyn nwyddau, a rhoi stoc yn yr ardaloedd/lleoliadau storio angenrheidiol
  3. gwirio eitemau sydd yn cael eu dosbarthu yn erbyn y nodyn dosbarthu a’r archeb wreiddiol er mwyn nodi unrhyw anghysondebau
  4. llofnodi er mwyn derbyn yr archeb pan fyddwch wedi cadarnhau bod yr holl eitemau wedi cael eu derbyn, a pharu gofynion yr archeb
  5. nodi’r ardaloedd/lleoliadau storio gofynnol ar gyfer nwyddau fferyllol sydd yn cael eu derbyn
  6. storio’r stoc a dderbyniwyd yn yr ardaloedd/lleoliadau storio, gan ystyried y gofynion diogeledd cyfreithiol a bioddiogelwch perthnasol, y gweithdrefnau, y gofynion storio a’r gofynion ar gyfer cylchdroi stoc, mewn perthynas â storio nwyddau fferyllol
  7. hysbysu’r person(au) perthnasol am argaeledd stoc pan fydd y nwyddau ar gyfer archeb sy’n ddyledus
  8. dilyn gweithdrefnau sefydliadol ar gyfer storio a rheoli sylweddau peryglus yn ddiogel yn ymwneud â chynnal a gwaredu nwyddau fferyllol
  9. gwirio ardaloedd/lleoliadau storio ar y cyfnodau gofynnol, yn unol â gweithdrefnau sefydliadol, er mwyn sicrhau eu bod yn cydymffurfio â chanllawiau sefydliadol
  10. gwirio stoc ar y cyfnodau gofynnol, yn unol â chanllawiau sefydliadol 
  11. ymdrin ag adalw neu rybuddion cyffuriau, gan ddilyn y canllawiau sefydliadol y cytunwyd arnynt
  12. cwblhau’r holl ddogfennau/cofnodion perthnasol yn unol â gweithdrefnau sefydliadol ar gyfer stoc a dderbyniwyd, cylchdroi stoc, gwiriadau stoc a nwyddau wedi eu niweidio 
  13. gwneud eich gwaith yn unol â’r gofynion cyfreithiol, rheoliadol, amgylcheddol, iechyd a diogelwch a sefydliadol perthnasol

Gwybodaeth a Dealltwriaeth

You need to know and understand:

​

  1. y gofynion sefydliadol a chyfreithiol perthnasol ar gyfer Cyfarpar Diogelu Personol (PPE), a chynnal a chadw eich cyfarpar a’r ardal waith
  2. y gweithdrefnau sefydliadol a’r gofynion cyfreithiol perthnasol ar gyfer storio nwyddau fferyllol yn ddiogel
  3. sut i ddilyn gweithdrefnau sefydliadol yn ymwneud â derbyn, storio a chynnal nwyddau fferyllol
  4. y gofynion iechyd a diogelwch a bioddiogelwch perthnasol yn ymwneud â derbyn, storio, cynnal a chadw a gwaredu stoc fferyllol
  5. y gweithdrefnau sy’n berthnasol i dderbyn stoc fferyllol
  6. y gweithdrefnau ar gyfer ymdrin ag adalw neu rybuddion cyffuriau
  7. sut i nodi a chynnal a chadw ardaloedd/lleoliadau storio ac amgylcheddau storio cadarn yn ddiogel
  8. y gofynion storio ar gyfer y cynnyrch yr ydych yn gyfrifol amdanynt, a pham y maent yn bwysig
  9. rôl a diben rhaglen cofnodi stoc
  10. sut i storio nwyddau fferyllol yn yr ardaloedd/lleoliadau storio yr ydych yn gyfrifol amdanynt
  11. sut a pha wybodaeth stoc i adrodd amdanynt wrth y person(au) perthnasol ar gyfer y stoc yr ydych yn gyfrifol amdano
  12. sut i reoli stoc, yn cynnwys cylchdroi stoc, a gwirio dyddiadau nwyddau fferyllol
  13. sut i nodi stoc wedi ei niweidio, ei halogi neu stoc sydd wedi dirywio neu sylweddau peryglus
  14. beth i’w wneud gyda stoc nad yw ar gael am ei fod wedi mynd y tu hwnt i’w ddyddiad dod i ben, wedi cael ei niweidio, ei halogi, pan fydd ganddo rif swp anghyson neu rif swp y mae adalwadau neu rybuddion cyffuriau wedi cael eu cyhoeddi ar ei gyfer
  15. sut i roi data stoc i mewn a’i adfer
  16. sut i gynnal a chreu cofnod wrth gefn o’r wybodaeth sy’n ofynnol ar gyfer storio nwyddau fferyllol o fewn eich maes cyfrifoldeb

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

​

Sylweddau peryglus: cemegau, cynnyrch yn cynnwys cemegau, mygdarth, anweddau, niwloedd, nwyon ac ati

Person(au): goruchwyliwr, rheolwr llinell, cydweithiwr

Anghysondebau: Unrhyw wybodaeth neu wahaniaethau rhwng yr hyn a ddisgwylir a’r hyn sydd yn cael ei gofnodi yn y system rheoli nwyddau. 

Adalwadau neu rybuddion cyffuriau: gan gynhyrchwyr, y llywodraeth, y gwasanaeth iechyd, neu wybodaeth/bwletin ffugio

Ardaloedd/lleoliadau storio: ardaloedd gwaith mewn cewyll/diogel, cyfleusterau storio fferyllol cyfan gwbl neu rannol

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

2023

Dilysrwydd

Ar hyn o bryd

Statws

Gwreiddiol

Sefydliad Cychwynnol

Skills for Logistics

URN gwreiddiol

SFL231

Galwedigaethau Perthnasol

Warws a Dosbarthu, Rheolwyr Dosbarthu, Storio a Manwerthu, Manwerthu a chyfanwerthu , Galwedigaethau Storio Nwyddau Sylfaenol, Galwedigaethau Ymdrin â Nwyddau a Storio

Cod SOC

9252

Geiriau Allweddol

arbenigol; warws; storio; fferylliaeth; derbyn