Cynllunio, gweithredu a rheoli systemau ar gyfer cyfnewid gwybodaeth, data a chudd-wybodaeth sensitif
Trosolwg
Mae'r safon hon yn ymwneud â datblygu a gweithredu systemau ar gyfer cyfnewid gwybodaeth, data a chudd-wybodaeth sensitif. Gall cudd-wybodaeth gael ei chasglu a'i chyfnewid ar lefel leol, genedlaethol neu ryngwladol. Bwriad y safon hon yw meithrin cydweithredu rhwng ac o fewn asiantaethau i hwyluso cyfnewid gwybodaeth yn effeithlon ac felly wella effeithiolrwydd y gwasanaeth a ddarperir i'r cyhoedd yn gyffredinol.
Bydd y systemau'n berthnasol i gyrff statudol, Adrannau Awdurdod Lleol, cwmnïau preifat a sefydliadau gwirfoddol.
Meini prawf perfformiad
Mae'n rhaid eich bod chi'n gallu:
1. nodi pwy gallai'r gweithdrefnau cyfnewid gwybodaeth effeithio arnynt a sicrhau eu cydweithrediad yn unol â gweithdrefnau eich sefydliad.
2. cytuno â'r holl randdeiliaid
2.1 pam dylid cyfnewid gwybodaeth,
2.2 terfynau'r broses gyfnewid ac
2.3 at ba ddiben gellir defnyddio'r wybodaeth
3. nodi a chytuno sut gellir defnyddio gwybodaeth yn sylfaen ar gyfer prosesau datrys problemau a gwneud penderfyniadau o fewn y sefydliad ac ar draws y sector
4. cytuno ar ba wybodaeth sy'n ofynnol a pham mae'n bwysig
5. nodi ffynonellau gwybodaeth posibl yn unol â gweithdrefnau eich sefydliad
6. cytuno ar y fformat a'r cyfrwng a ddefnyddir i gyflwyno gwybodaeth
7. sefydlu a chytuno ar gamau y gallai fod angen eu cymryd i sicrhau bod gwybodaeth yn ddienw ac wedi'i glanhau a'i storio cyn ei chyfnewid
8. cytuno â'r holl randdeiliaid ynghylch unrhyw brotocolau diogelu data a chyfrinachedd y mae angen iddynt fod yn eu lle
9. cytuno ar brotocolau ar gyfer rheoli diffyg cydymffurfio â phrotocolau cyfnewid
10. cytuno ar fesurau rheoli cadarn ar gyfer cyrchu data sensitif a rennir gyda rhanddeiliaid allanol
11. cytuno ar rolau a chyfrifoldebau ar gyfer casglu a storio gwybodaeth i'w rhannu
12. gwirio bod adnoddau ar gael i hwyluso casglu a storio gwybodaeth yn effeithlon, yn unol â gweithdrefnau eich sefydliad
13. sefydlu a monitro systemau ar gyfer casglu gwybodaeth yn gywir a gweithdrefnau mewnbynnu data
14. cyfathrebu protocolau cytunedig i'r bobl briodol, yn unol â gweithdrefnau eich sefydliad
15. gwirio dealltwriaeth o brotocolau
16. gwerthuso effeithiolrwydd protocolau cyfnewid gwybodaeth, gan nodi llwyddiant, problemau a methiannau
17. cymryd camau i addasu'r protocolau yn ôl y gofyn, yn unol â gweithdrefnau eich sefydliad
18. cydymffurfio â gofynion moesegol a chyfreithiol ynghylch casglu, storio a chyfnewid data
19. monitro cyfnewid gwybodaeth i sicrhau cydymffurfiaeth â phrotocolau cytunedig
20. adolygu ac asesu deddfwriaeth berthnasol a Chodau Ymarfer sy'n ymwneud â rhannu a chyfnewid gwybodaeth
21. hybu newidiadau perthnasol i wella effeithiolrwydd yn unol â gweithdrefnau eich sefydliad
Gwybodaeth a Dealltwriaeth
You need to know and understand:
- gwahaniaethau rhwng gwybodaeth, data a chudd-wybodaeth a pham mae'n bwysig ystyried hynny yn y broses gyfnewid
- beth yw'r diffiniad o wybodaeth sensitif neu gyfrinachol
- pam mae prosesau asesu/rheoli risg yn bwysig
- dibenion a'r rhesymau dros gyfnewid gwybodaeth, data a chudd-wybodaeth
- manteision posibl sefydlu a gweithredu protocolau a gweithdrefnau cyfnewid gwybodaeth ar gyfer cyflwyno gwasanaeth a defnyddwyr gwasanaeth
- i bwy mae protocolau cyfnewid gwybodaeth yn berthnasol ac ar bwy gallen nhw effeithio
- pwysigrwydd dilyn protocolau cyfrinachedd a mynediad cadarn
- pwysigrwydd gwirio cywirdeb, cyfrededd a pherthnasedd data
- pwysigrwydd gwirio bod cudd-wybodaeth yn briodol o ran y derbynnydd, yr amser cyfnewid a hawliau unigolion
- pam mae'n bwysig ystyried sut gall gwybodaeth, data a chudd-wybodaeth fod yn ddefnyddiol i eraill
- gofynion cyfreithiol a Chodau Ymarfer perthnasol sy'n ymwneud â chyfnewid gwybodaeth a mynediad cyhoeddus iddi
- problemau sy'n debygol o gael eu hwynebu wrth sefydlu protocolau cyfnewid gwybodaeth a sut mae eu goresgyn
- pam mae'n bwysig cytuno ar brotocolau diffyg cydymffurfio a monitro'r achosion o ddiffyg cydymffurfio
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
- Rydych yn cyfathrebu'n effeithiol gyda rhanddeiliaid mewnol ac allanol gan ddefnyddio arddulliau a dulliau cyfathrebu priodol
- Rydych yn asesu risgiau a manteision cyfnewid gwybodaeth a'r effeithiau ar gyflwyno gwasanaeth yn realistig ac yn defnyddio hynny i lywio penderfyniadau
- Rydych yn dangos parodrwydd i herio modelau presennol o gyfnewid gwybodaeth a chudd-wybodaeth yn eich sefydliad eich hun
- Rydych yn rhagweld sut gallai gwybodaeth a chudd-wybodaeth effeithio ar sefydliadau eraill a bod o werth posibl iddynt
- Rydych yn cytuno ar yr hyn a ddisgwylir gan bobl eraill ac yn eu galw i gyfrif
- Rydych yn sicrhau bod protocolau a gofynion cyfreithiol a moesegol yn cael eu dilyn wrth gasglu, cyfnewid a storio data, gwybodaeth a chudd-wybodaeth
- Rydych yn gweithredu oddi mewn i ffiniau eich rôl a'ch cyfrifoldeb eich hun
Sgiliau
Cyfathrebu
Cynnwys eraill
Cyd-drafod
Ymgynghori
Cynllunio
Adolygu
Datrys problemau
Dadansoddi
Monitro
Gwneud penderfyniadau
Blaenoriaethu
Rheoli gwybodaeth
Geirfa
Dolenni I NOS Eraill
Mae'r safon hon yn gysylltiedig â safon SFJHI1, ond ar wahân iddi: Cynllunio, gweithredu a rheoli'r gwaith o rannu gwybodaeth ac arfer da i lywio arloesedd a gwella'r gwasanaeth a ddarperir.