Paratoi a chynllunio ar gyfer tanau gwyllt
Trosolwg
Mae’r safon hon yn ymwneud â pharatoi a chynllunio ar gyfer tanau gwyllt. Mae’n ymdrin â’ch gallu i nodi a chasglu gwybodaeth a’i defnyddio i gyfrannu at gynlluniau gweithredol a strategaethau cenedlaethol, rhanbarthol neu leol ar gyfer delio â thanau gwyllt. Mae’n cynnwys asesu risg tanau gwyllt yn yr ardal rydych chi’n gyfrifol amdani, gan nodi adnoddau a datblygu cynlluniau tanau gwyllt. Fel rhan o’r safon hon, bydd disgwyl i chi weithio gyda thirfeddianwyr ac asiantaethau eraill.
Argymhellir y safon hon ar gyfer arbenigwyr tanau gwyllt a phobl sydd â rôl strategol, dactegol neu weithredol wrth ddelio â thanau gwyllt.
Meini prawf perfformiad
Mae'n rhaid eich bod chi'n gallu:
P1 cytuno ar eich rôl a’ch cyfrifoldebau am ymateb i danau gwyllt gyda phobl eraill berthnasol yn eich sefydliad
P2 nodi a dehongli ffynonellau gwybodaeth am danau gwyllt o fewn eich rôl mewn ymateb i danau gwyllt
P3 casglu gwybodaeth sy’n gyfredol, yn berthnasol ac sy’n bodloni gofynion gwybodaeth eich sefydliad am danau gwyllt
P4 casglu gwybodaeth am amgylcheddau tanau gwyllt yn yr ardal ddaearyddol rydych chi’n gyfrifol amdani
P5 asesu risgiau tanau gwyllt i bobl, eiddo a’r amgylchedd yn unol â gweithdrefnau asesu risg eich sefydliad
P6 nodi mesurau rheoli er mwyn lleihau risg i bobl, eiddo a’r amgylchedd yn unol â gweithdrefnau asesu risg eich sefydliad
P7 monitro gwybodaeth er mwyn nodi sbardunau cynnydd mewn risg tanau gwyllt yn unol â gweithdrefnau asesu risg eich sefydliad
P8 cyfrannu at gynlluniau rheoli risg yn unol â gofynion eich sefydliad
P9 datblygu cynlluniau tanau gwyllt gan ddefnyddio gwybodaeth a gasglwyd yn unol â gofynion eich sefydliad ar gyfer parodrwydd gweithredol
P10 adolygu cynlluniau tanau gwyllt i ymateb i newidiadau mewn amgylchiadau yn unol â gofynion eich sefydliad
P11 sefydlu’r amrywiaeth o adnoddau sydd ar gael i ymateb i danau gwyllt yn unol â gweithdrefnau adnoddau eich sefydliad
P12 neilltuo adnoddau i gynlluniau tanau gwyllt i fodloni gofynion eich sefydliad am ymateb i danau gwyllt a’i strategaeth ymateb i danau gwyllt
P13 rhannu gwybodaeth am gynlluniau tanau gwyllt gyda phobl berthnasol eraill yn unol â pholisïau a gweithdrefnau eich sefydliad
Gwybodaeth a Dealltwriaeth
You need to know and understand:
Lechyd a diogelwch
K1 arferion gweithio diogel eich sefydliad wrth ymateb i danau gwyllt
K2 peryglon a risgiau tanau gwyllt sy’n effeithio ar bobl, eiddo a’r amgylchedd
K3 sut i ddefnyddio gwybodaeth asesiad risg i wneud penderfyniadau
K4 sut i gymhwyso penderfyniadau ar sail yr asesiad o risg
K5 mesurau rheoli eich sefydliad i liniaru risgiau
Sefydliadol
K6 deddfwriaeth, polisïau, gweithdrefnau, canllawiau a phrotocolau sy’n berthnasol i’ch rôl yn paratoi ar gyfer tanau gwyllt
K7 systemau, offer, dulliau a thempledi sy’n addas i baratoi gwybodaeth ar gyfer tanau gwyllt
K8 gofynion eich sefydliad ar gyfer cynnal cynlluniau tanau gwyllt
Personol a rhyngbersonol
K9 eich rôl a’ch cyfrifoldebau wrth baratoi ar gyfer tanau gwyllt, gan gynnwys maes eich cyfrifoldeb
K10 pobl eraill berthnasol y gallech weithio gyda nhw wrth baratoi ar gyfer tanau gwyllt a’u rôl yn achos tanau gwyllt
K11 llinellau a dulliau cyfathrebu ac adrodd yn y gweithle
K12 sut i gyfathrebu’n glir ac yn effeithiol gydag eraill
K13 sut i drin pobl eraill gyda pharch ac ystyriaeth, gan gyfrif am amrywiaeth a’i dderbyn
Technegol
K14 sut i gael at wahanol ffynonellau gwybodaeth sy’n berthnasol i danau gwyllt, a’u defnyddio
K15 mathau o amgylcheddau tanau gwyllt yn eich ardal a’u heffaith
K16 y System Rhagweld Tanau Gwyllt a sut i’w defnyddio yn y broses gynllunio
K17 dulliau a thechnegau lleihau risg tanau gwyllt
K18 gwahanol adnoddau sydd ar gael i ymateb i danau gwyllt
K19 sut gall adnoddau gael eu defnyddio i reoli tanau gwyllt
|
Cwmpas/ystod
1 Ffynonellau gwybodaeth a mathau o wybodaeth
1.1 mapiau
1.2 rhagolygon meteorolegol a data hanesyddol
1.3 gwybodaeth am ddigwyddiadau hanesyddol
1.4 cofrestri gallu lleol a chenedlaethol
1.5 cynlluniau a strategaethau digwyddiadau tân lleol, strategol a mawr
1.6 mathau o danwydd a llwyth tanwydd
1.7 strategaethau tân cenedlaethol, rhanbarthol a lleol
1.8 polisïau, canllawiau, gweithdrefnau gweithredu safonol ac asesiadau risg yn berthnasol i danau gwyllt
1.9 meddalwedd ac offer perthnasol
1.10 systemau gwybodaeth a graddio perygl tân
1.11 deallusrwydd dynol
2 Amgylchedd tanau gwyllt
2.1 topograffeg
2.2 tanwydd
2.3 tywydd
2.4 ymddygiad tân
3 Risgiau
3.1 risgiau iechyd a diogelwch i bobl
3.2 risg eiddo, economaidd a masnachol
3.3 risg amgylcheddol
3.4 cynlluniau rheoli risg, fel Cynlluniau Rheoli Risg Integredig a Chofrestri Risg Cymunedol
4 Eraill
4.1 cydweithwyr
4.2 rheolwyr tir
4.3 Awdurdodau Parciau Cenedlaethol
4.4 Y Weinyddiaeth Amddiffyn
4.5 gwasanaethau brys
4.6 cwmnïau cyfleustodau
4.7 y cyfryngau
4.8 aelodau’r cyhoedd
4.9 gwasanaethau trafnidiaeth
4.10 Timau Chwilio ac Achub
4.11 Awdurdodau Lleol a Chenedlaethol
4.12 asiantaethau gwirfoddol
4.13 asiantaethau eraill
5. Adnoddau
5.1 adnoddau mewnol
5.2 adnoddau allanol
5.3 personél a’u galluoedd
5.4 cymorth milwrol
5.5 cyfarpar
5.6 darpariaeth dŵr
5.7 grwpiau tanau gwyllt lleol
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Disgwylir y bydd yr NOS hwn yn cael ei ddefnyddio a’i gymhwyso ar y cyd ag NOS eraill sy’n berthnasol i’ch rôl ym maes tân ac achub.
Cysylltiadau Allanol
Mae ‘Canllawiau Gweithredol – Tanau Gwyllt’ ar gael, ac fe’u datblygwyd er mwyn rhoi dealltwriaeth ac ymwybyddiaeth ychwanegol o danau gwyllt i staff Gwasanaethau Tân ac Achub (FRS) y Deyrnas Unedig.
Cyhoeddir ‘Canllawiau Gweithredol – Tanau Gwyllt’ (Saesneg) gan Lywodraeth yr Alban:
http://www.scotland.gov.uk/Topics/Justice/public-safety/fire-and-rescue-
services/fire-rescue-advisory-unit/publications/wildfireopsguidancedraft