Ymateb i alwadau’r gwasanaethau brys

​Mae'r safon hon yn ymwneud ag ymateb i alwadau i'r gwasanaethau brys gan aelodau'r cyhoedd neu randdeiliaid neu wasanaethau eraill.  Mae'n ymwneud â delio â'r galwadau hyn i roi gwybodaeth briodol i'r galwr, er mwyn rhoi'r help a'r cymorth gorau posibl i ddelio â'r sefyllfa y mae'n ei hwynebu.

Bydd y bobl sy'n ymdrin â galwadau'n delio ag ymholiadau a cheisiadau am help a chymorth o natur amrywiol. Dylai pobl sy'n ymdrin â galwadau ateb galwyr gyda pharch ac urddas, gan gynnig y cyngor neu'r cyfarwyddyd diweddaraf oll, a sicrhau eu bod yn dilyn y gweithdrefnau a'r protocolau priodol ar gyfer eu gwasanaeth. 

---

1. Gweithredu systemau teleffoni a chyfrifiadurol priodol wrth dderbyn galwadau gan aelodau'r cyhoedd, rhanddeiliaid neu wasanaethau eraill
2. Cael a chofrestru galwadau i’r gwasanaeth brys gan aelodau'r cyhoedd, rhanddeiliaid neu wasanaethau eraill yn unol â gweithdrefnau'r sefydliad
3. Sefydlu natur yr alwad gan ddefnyddio technegau holi a gwrando cydnabyddedig a chasglu gwybodaeth yn unol â gweithdrefnau eich sefydliad
4. Ymateb i alwyr mewn ffyrdd sy'n briodol i'r sefyllfa a'i brys, ac sy'n bodloni anghenion y galwr yn unol â gweithdrefnau eich sefydliad
5. Gwerthuso'r wybodaeth a roddodd y galwr er mwyn penderfynu ar y protocol gorau i'w ddewis, yn unol â gweithdrefnau'r sefydliad
6. Darparu cyfarwyddyd neu gyngor perthnasol ar yr help mwyaf priodol sydd ar gael, yn unol ag ymarfer a gweithdrefnau'r sefydliad
7. Ceisio cymorth gan bobl eraill berthnasol ar sefyllfaoedd anghyfarwydd neu gymhleth, yn unol â gweithdrefnau'r sefydliad ac o fewn cylch gwaith eich rôl
8. Cofnodi a storio rhyngweithiadau â galwyr ac eraill yn unol â gweithdrefnau cyfreithiol a rheoleiddiol, a gweithdrefnau'r sefydliad 

---

1. Y gofynion cyfreithiol, sefydliadol a pholisi sy'n berthnasol i'ch rôl, rôl pobl eraill yn eich sefydliad a'r gweithgareddau a wneir
2. Y canllawiau, polisïau a gweithdrefnau cenedlaethol a lleol perthnasol sydd ar gael a sut a phryd y dylid mynd atynt
3. Y ddyletswydd i roi gwybod i'r bobl briodol am unrhyw wybodaeth a allai fod yn niweidiol i unigolion, i chi'ch hun, i gydweithwyr neu i'ch sefydliad
4. Cylch gwaith a chyfyngiadau eich rôl a'ch cyfrifoldebau a chyfyngiadau eich awdurdod
5. Rolau a chyfrifoldebau pobl eraill er mwyn penderfynu ar y dull gweithredu gorau sydd ei angen
6. Yr amserlen ar gyfer delio â digwyddiadau
7. Ble i gael cymorth yn dilyn galwad neu sefyllfa arbennig o anodd neu heriol
8. Pam mae'n bwysig rhoi amser i chi'ch hun fyfyrio ar alwadau neu sefyllfaoedd anodd neu heriol
9. Sut i adnabod digwyddiadau mawr a chritigol a'r camau priodol i'w cymryd
10. Sut i uwchgyfeirio galwadau neu gynnwys pobl eraill pan na fyddwch yn gallu delio â'r alwad eich hun
11. Sut a phryd y mae angen uwchgyfeirio digwyddiadau i wasanaethau eraill a'r ystod o gamau ac ymatebion y gellid eu cymryd
12. Yr ystod o wybodaeth i'w chasglu a sut i ymateb
13. Polisïau a gweithdrefnau'r sefydliad ar gyfer delio â galwadau ffug a niwsans
14. Technegau cyfathrebu effeithiol i'w defnyddio wrth ddelio â galwyr, gan gynnwys:
    • addasu arddull cyfathrebu i fodloni anghenion y galwr
    • meithrin perthynas a dangos empathi
    • sut i ddefnyddio sgiliau a thechnegau holi a gwrando yn effeithiol
    • sut i reoli galwadau a sefyllfaoedd heriol
      
15. Sut i werthuso'r wybodaeth a roddodd y galwr i benderfynu ar y protocol gorau i'w ddewis
16. Canllawiau a gwybodaeth berthnasol a chyfredol sy'n briodol i'ch sefydliad, er mwyn cynorthwyo galwyr â'r sefyllfa a all eu hwynebu
17. Gweithdrefnau'r sefydliad ar gyfer darparu cyngor a gwybodaeth i alwyr a phartneriaid yn berthnasol i'w sefyllfa ac i'ch sefydliad
18. Sut i roi cyfarwyddyd clir a chywir i alwyr a gwirio'u dealltwriaeth o'r wybodaeth a roddwyd iddynt
19. Digwyddiadau sy'n berthnasol i'ch sector, gan gynnwys dealltwriaeth o:
    • Derminoleg gymhleth 
      
20. Adnabod math o ganlyniadau a chanlyniadau posibl pob math o ddigwyddiad a'r mathau o ymatebion y gellid eu rhoi
21. Cyngor / cyfarwyddiadau critigol i'w darparu i alwyr i ymateb i fathau penodol o ddigwyddiadau
22. Diben ymarfer myfyriol a gwerthuso a sut mae'n llywio'ch ymarfer
23. Gofynion y sector a chanllawiau arfer da ar gyfer datblygu a chynnal gwybodaeth, sgiliau a chymhwysedd
24. Y cyngor a'r ddeddfwriaeth iechyd a diogelwch perthnasol i'w dilyn i sicrhau bod y risg i alwyr yn cael ei lleihau, yn unol â gweithdrefnau'r sefydliad
25. Gofynion a gweithdrefnau cyfreithiol a rheoleiddiol, a rhai'r sefydliad, ar gyfer cofnodi, storio ac adalw cofnodion
    

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Skills for Justice

---

SFJCD201

---

Y sector cyfiawnder a chymunedau mwy diogel

---

7213

---

Galwad; cyngor, cyfarwyddyd; digwyddiadau; asesu; sefyllfaoedd; rheoleiddiol; cyfrinachedd; perthynas; galwadau heriol; empathi; argyfwng; cyngor; blaenoriaethu; cyfathrebu

---