Rheoli rhaglenni neu ffrydiau gwaith adfer
Trosolwg
Mae’r safon hon yn ymwneud ag arwain a rheoli rhaglenni neu ffrydiau gwaith adfer, i sicrhau ymagwedd gydlynus a deilliannau gwydn. Mae’n ymwneud â sefydlu sefydliadau arweiniol, gosod polisi, diffinio fframweithiau strategol, a gweithredu strwythurau llywodraethu ac atebolrwydd. Hefyd, mae’n pwysleisio galluogi unigolion sydd wedi’u heffeithio i gymryd rhan mewn gwneud penderfyniadau, monitro a gwerthuso ar bob lefel.
Mae’n mynd i’r afael â’r angen am reoli risgiau, cyllid ac adnoddau, gan gydbwyso gofynion adfer â gwasanaethau hanfodol. Mae’n rhaid i’r bobl sydd ynghlwm addasu cynlluniau i fodloni anghenion sy’n esblygu a sensitifrwydd gwleidyddol, sefydlu fframweithiau gwerthuso, a monitro effaith er mwyn sicrhau atebolrwydd. Mae’r safon hon hefyd yn ymwneud â chau rhaglenni, gan sicrhau bod amcanion adfer wedi’u bodloni a bod buddion wedi’u gwireddu.
Meini prawf perfformiad
Mae'n rhaid eich bod chi'n gallu:
- asesu heriau ac anghenion adfer tymor byr a thymor hir ar draws parthau gwleidyddol, economaidd, cymdeithasol, technolegol, cyfreithiol ac amgylcheddol
- dehongli deddfwriaeth a chanllawiau i nodi cyfrifoldebau, blaenoriaethau ac ymagweddau at raglennu adfer
- nodi partneriaid a rhanddeiliaid mewn adfer, gan gyfeirio at strategaethau ymgysylltu â phartneriaethau, cyfathrebu ac atebolrwydd perthnasol, a’u diweddaru, yn unol â pholisïau a gweithdrefnau sefydliadol a chyfreithiol
- cydlynu arbenigwyr adfer medrus i gynghori ar bolisi a rheoli rhaglen
- sefydlu sefydliad arweiniol, polisi adfer a fframwaith cyflawni strategol i reoli rhaglenni adfer
- darparu arweinyddiaeth trwy rolau a strwythurau sydd wedi’u diffinio’n glir
- diffinio risgiau i’r rhaglen adfer a chyflawni deilliannau bwriadedig, gan gynnwys galluoedd llywodraethu a rheoli
- gweithredu asesiadau integredig, systemau rheoli data a systemau diogeled data i alluogi’r ffrydiau gwaith adfer i gael eu rheoli a’u cydlynu
- cydbwyso gofynion adfer â chynnal gwasanaethau hanfodol a lleihau gweithrediadau nad ydynt yn hanfodol
- rheoli sensitifrwydd ac ystyriaethau gwleidyddol ym maes adfer
- galluogi cymunedau yr effeithiwyd arnynt i gymryd rhan mewn polisi, cyflawni, monitro a gwerthuso adfer
- addasu blaenoriaethau, cynlluniau ac ymagweddau ar sail anghenion a gofynion sy’n newid
- rheoli adnoddau, cadwyni cyflenwi a mecanweithiau ariannol i sicrhau effeithlonrwydd, tryloywder ac effaith mewn gweithrediadau adfer
- gweithio’n gydweithredol i gynnal asesiadau risg dynamig a pharodrwydd ar gyfer digwyddiadau sy’n gydamserol, gan gyfleu risgiau i bartneriaid a rhanddeiliaid yn rhagweithiol ar yr un pryd
- sefydlu fframweithiau, a monitro a gwerthuso yn rheolaidd i asesu effaith adfer a sicrhau atebolrwydd
- datblygu a gweithredu strategaeth ymadael ar gyfer cau rhaglenni adfer, gan gynnwys adolygiadau gwireddu buddion
- ymgymryd â datblygiad proffesiynol parhaus a rhannu arfer da ac arloesol yn seiliedig ar dystiolaeth gyda phartneriaid, cymunedau a rhanddeiliaid
Gwybodaeth a Dealltwriaeth
You need to know and understand:
- deddfwriaeth, polisi, canllawiau ac arfer da perthnasol ym maes rheoli adfer
- rolau a chyfrifoldebau sefydliadau partner a rhanddeiliaid ym maes adfer
- cysyniad risg, termau cysylltiedig a sut maent yn cael eu defnyddio mewn gwahanol sectorau
- cysyniad adfer, ffactorau sy’n effeithio ar gyflymder ac effeithiolrwydd adfer, ac egwyddorion rheolaeth dda ar adfer
- yr amrediad o weithgareddau a ffrydiau gwaith adfer y mae angen eu rheoli
- ystyriaethau gwleidyddol ym maes adfer a strategaethau i’w rheoli
- ymagwedd systemau at bolisi, cynllunio a gwerthuso adfer
- egwyddorion rheoli data, diogeledd data ac asesiadau integredig ar gyfer cydlynu rhaglen adfer yn effeithiol
- effaith gofynion adfer ar risgiau strategol, parhad ac ymateb i ddigwyddiad cydamserol
- dulliau o fonitro anghenion adfer sy’n esblygu ac addasu blaenoriaethau rhaglenni
- sut i gynnal asesiadau risg cymunedol perthnasol yn ystod adfer ddynamig
- egwyddorion rheoli adnoddau, caffael, cydlynu’r gadwyn gyflenwi, a goruchwyliaeth ariannol mewn rhaglenni adfer
- ymagweddau at ymgysylltu â’r gymuned a’r cyhoedd ar lefelau rhaglen a pholisi, a sut i integreiddio ymgysylltu lleol
- tensiynau posibl rhwng y gofyn am gynnydd gweladwy a chyflymder gweithgareddau adfer, a sut i sicrhau amserlenni rhesymol a rheoli disgwyliadau
- dulliau o fonitro a gwerthuso effaith ymyriadau cyhoeddus a chymunedol, a’r prosesau ar gyfer sicrhau atebolrwydd
- rôl ymarfer myfyriol wrth werthuso perfformiad, nodi meysydd i’w gwella ac mewn datblygiad proffesiynol
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Cymorth Ariannol
Cymorth ariannol sy’n cael ei ddarparu i unigolion, aelwydydd a busnesau yr effeithiwyd arnynt i dalu costau adfer. Gall ddod o amrywiol ffynonellau, gan gynnwys rhaglenni llywodraeth genedlaethol, llywodraeth leol, elusennau a sefydliadau, neu roddion gan y cyhoedd.
Asesiad Effaith
Y gwerthusiad o effeithiau uniongyrchol ac anuniongyrchol – colled a difrod – ar unigolion, cymunedau, seilwaith, yr amgylchedd a sefydliadau. Mae’n cynorthwyo â gwneud penderfyniadau ar weithredoedd ymateb a chynllunio adfer.
Rhaglenni Adfer
Mentrau sy’n canolbwyntio ar adnewyddu a gwella asedau, seilwaith ac amodau cymdeithasol, amgylcheddol ac economaidd cymunedau sydd wedi’u heffeithio. Nod y rhaglenni hyn yw gwella gwydnwch trwy sicrhau cynaliadwyedd ac egwyddorion “Ailgodi’n Gryfach” i leihau risgiau yn y dyfodol.
Gwasanaethau Cymorth ag Adfer
Cymorth hanfodol sy’n cael ei ddarparu i sicrhau bod unigolion sydd wedi’u heffeithio yn gallu cael at yr adnoddau sydd eu hangen arnynt yn gyflym er mwyn adfer