Codi ymwybyddiaeth o risgiau argyfyngau, eu heffeithiau posibl a’r trefniadau sydd ar waith ar eu cyfer LEGACY
Trosolwg
Mae’r safon hon yn ymwneud â chodi ymwybyddiaeth mewn cymunedau o risgiau argyfyngau, eu heffeithiau posibl a’r trefniadau sydd ar waith ar eu cyfer. Y nod yw i aelodau cymunedau fod yn wybodus ac, felly, gallu ymateb yn well i argyfyngau a lleihau’r effeithiau.
Mae codi ymwybyddiaeth yn cynnwys datblygu ac addasu deunyddiau gwybodaeth, a lledaenu gwybodaeth mewn cymunedau. Gall hyn ofyn am weithio mewn partneriaeth ag asiantaethau eraill i leihau dyblygu a sicrhau bod gwybodaeth yn cael ei darparu’n gyson rhwng asiantaethau ymatebwyr. Gall y wybodaeth a’r cyngor gyfeirio at risgiau cyffredinol argyfyngau yn y fro neu fod yn gysylltiedig â risgiau a chynlluniau penodol.
Grŵp targed
Argymhellir y safon hon i’r rhai sy’n sefydlu bod angen codi ymwybyddiaeth, ac sy’n datblygu ac yn lledaenu rhaglenni a deunyddiau i addysgu cymunedau am argyfyngau. Gall cymunedau gynnwys oedolion, plant a phobl ifanc, pobl agored i niwed, cartrefi preswyl a sefydliadau yn y sectorau cyhoeddus, preifat neu wirfoddol.
Meini prawf perfformiad
Mae'n rhaid eich bod chi'n gallu:
1. nodi amcanion cyffredinol ar gyfer cyfathrebu â chymunedau yn unol â gofynion sefydliadol
2. nodi safbwyntiau, pryderon ac anghenion cymunedau yn unol â gofynion sefydliadol
3. nodi amcanion penodol ar gyfer cyfathrebu â phob segment o gynulleidfaoedd targed yn unol â gofynion sefydliadol
4. nodi deunyddiau gwybodaeth presennol a gwerthuso sut gallant gael eu defnyddio neu eu haddasu’n bwrpasol i wella ymwybyddiaeth mewn cymunedau lleol yn unol â gofynion sefydliadol
5. datblygu rhaglenni neu ddeunyddiau ar gyfer codi ymwybyddiaeth am argyfyngau yn unol â gofynion sefydliadol, gan gynnwys:
5.1 trefniadau ymateb mewn argyfwng
5.2 sut gall unigolion helpu i atal argyfyngau
5.3 sut gall unigolion helpu i wella gwydnwch cymunedol
5.4 y paratoadau y gallai aelodau cymunedau eu gwneud rhag ofn y bydd argyfyngau’n digwydd
5.5 y camau gweithredu y gallai aelodau cymunedau eu cymryd os bydd argyfyngau’n digwydd
6. golygu neu grynhoi deunyddiau gwybodaeth, gan gyfrif am unrhyw wybodaeth sensitif, ac yn unol â gofynion sefydliadol
7. cadarnhau bod cyflwyniad a chynnwys gwybodaeth yn bodloni amcanion diffiniedig ac anghenion a galluoedd amrywiol cynulleidfaoedd targed, a’r hyn sy’n well ganddynt
8. ymgynghori â phobl berthnasol ar ddyluniad a chynnwys deunyddiau gwybodaeth a chyngor yn unol â gofynion sefydliadol
9. gweithio ar y cyd ag asiantaethau eraill yn unol â gofynion sefydliadol i osgoi:
9.1 dyblygu ymdrech
9.2 negeseuon a allai wrthdaro
10. darparu gwybodaeth mewn fformatau sy’n annog dealltwriaeth ac sy’n hygyrch i gynulleidfaoedd targed yn unol â gofynion sefydliadol
11. cael arweiniad arbenigol ar gyflwyniad a chynnwys gwybodaeth pan fo angen, yn unol â gofynion sefydliadol
12. rhoi cyhoeddusrwydd i’r ffaith bod deunyddiau gwybodaeth ar gael a threfnu eu lledaenu yn unol â gofynion sefydliadol
13. gwerthuso effeithiolrwydd y wybodaeth a ddarperir yn unol â gofynion sefydliadol
14. adolygu ac adnewyddu gwybodaeth a ddarperir i gyfrif am newidiadau mewn amgylchiadau yn unol â gofynion sefydliadol
15. gwirio bod cyflwyniadau a gwybodaeth yn cydymffurfio â deddfwriaeth, rheoliadau a chanllawiau perthnasol
Gwybodaeth a Dealltwriaeth
You need to know and understand:
1. y ddeddfwriaeth, y rheoliadau a’r canllawiau cysylltiedig sy’n berthnasol i ryddid gwybodaeth a chynllunio argyfwng
2. gwybodaeth y gellir ei chyhoeddi i wella diogelwch sifil
3. sut i nodi cynulleidfaoedd targed ar gyfer gwybodaeth benodol
4. pwysigrwydd cyfathrebu ag aelodau cymunedau i fynd i’r afael â’u safbwyntiau, eu pryderon a’u hanghenion
5. sianeli cyfathrebu presennol gyda chymunedau
6. pwysigrwydd seilio eich strategaeth gyfathrebu ar risgiau hysbys
7. deunyddiau gwybodaeth sydd ar gael oddi wrth gyrff rhanbarthol a chenedlaethol
8. sut i gyfrannu at ddatblygu gwydnwch cymunedol
9. sut i gyfleu risgiau i’r cyhoedd i wneud y mwyaf o’r potensial am hunanhelpu
10. peryglon a risgiau yn eich ardal ac effeithiau posibl argyfyngau ar gymunedau
11. cynlluniau a gweithdrefnau ymateb a ddatblygwyd gyda phartneriaid diogelwch sifi
12. rhagofalon synhwyrol y dylai’r cyhoedd eu cymryd cyn argyfyngau a chamau y dylai’r cyhoedd eu cymryd os bydd argyfwng
13. effaith bosibl argyfyngau ar grwpiau agored i niwed a sefydliadau penodol
14. deddfwriaeth sy’n gofyn am ddarparu gwybodaeth i gymunedau am:
14.1 beryglon a risgiau argyfwng
14.2 beth fydd ymatebwyr yn ei wneud os bydd argyfwng
15. sut i drefnu ar gyfer darparu gwybodaeth mewn fformatau amrywiol
16. sut i gael arweiniad ar ddylunio a chynhyrchu deunyddiau
17. sut i olygu neu grynhoi deunyddiau gwybodaeth o ran unrhyw wybodaeth sensitif
18. sut i gyrraedd aelodau agored i niwed o gymunedau a phobl a all gael trafferth deall y neges
19. pryd i adolygu ac adnewyddu gwybodaeth i gyfrif am newidiadau mewn amgylchiadau
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Mae’r prif ymddygiadau cyffredinol y mae angen eu cymhwyso wedi’u rhestru isod. Mae’r rhain yn eglur/ymhlyg yng nghynnwys manwl y safon ac fe’u rhestrir yma ar ffurf gwybodaeth ychwanegol:
- ymwybodol o’r gymuned
- penderfynol
- empathig
- ymchwiliol
- realistig
Sgiliau
Mae’r prif sgiliau cyffredinol y mae angen eu cymhwyso wedi’u rhestru isod. Mae’r rhain yn eglur/ymhlyg yng nghynnwys manwl y safon ac fe’u rhestrir yma ar ffurf gwybodaeth ychwanegol:
- dadansoddi
- cyfathrebu
- ymgynghori
- drafftio
- rheoli gwybodaeth
- cysylltu
- marchnata
- trefnu
- cyflwyno
- rheoli prosiectau
- ymchwil
- gosod amcanion
Geirfa
Termau sy’n cael eu defnyddio’n aml a sut dylent gael eu dehongli yng nghyd-destun NOS Argyfyngau Sifil Posibl
Cymuned
Unigolion a sefydliadau mewn bröydd, gan gynnwys oedolion, plant a phobl ifanc, pobl agored i niwed, cartrefi preswyl, busnesau, ac ati.
Gwybodaeth sensitif
Gwybodaeth sy’n niweidiol i ddiogelwch gwladol neu ddiogelwch cyhoeddus; sy’n sensitif yn fasnachol, neu sy’n gysylltiedig â data personol.
Dolenni I NOS Eraill
Mae’r safon hon yn gysylltiedig â:
- CCAA1 Gweithio ar y cyd â sefydliadau eraill
- CCAB1 Rhagweld ac asesu risg argyfyngau
- CCAC1 Datblygu, cynnal a gwerthuso cynlluniau a threfniadau argyfwng
- CCAF2 Rhybuddio, hysbysu a chynghori’r gymuned os bydd argyfyngau