Hyrwyddo rheoli parhad busnes LEGACY
Trosolwg
Mae’r safon hon yn ymwneud â darparu cyngor a chymorth ar reoli parhad busnes, gan gynnwys cyngor cyffredinol i’r sectorau busnes a gwirfoddol, a chyngor a chymorth penodol i sefydliadau unigol. Y nod yw helpu i ddatblygu gwydnwch cymunedol, yn benodol, lleihau effaith argyfyngau ar barhad busnes a’i gwneud hi’n bosibl dod dros argyfyngau a tharfu arall ar fusnes yn gyflymach.
Grŵp targed
Mae’r safon hon i’r rhai sy’n rhoi cyngor a chymorth ar reoli parhad busnes i sefydliadau eraill a’r gymuned ehangach, gan gynnwys y sectorau cyhoeddus, preifat a gwirfoddol.
Meini prawf perfformiad
Mae'n rhaid eich bod chi'n gallu:
1. nodi’r cyngor a’r cymorth cyffredinol a ddarperir i’r gymuned fusnes yn unol â gofynion sefydliadol
2. cadarnhau’r gynulleidfa darged ar gyfer cyngor a chymorth, gan ganolbwyntio ymdrechion ac adnoddau lle y byddant ar eu mwyaf effeithiol, yn unol â gofynion sefydliadol
3. dewis y dull mwyaf priodol o gyfathrebu i gyrraedd y gynulleidfa darged, yn unol â gofynion sefydliadol
4. darparu cyngor a chymorth penodol i sefydliadau unigol, lle bo angen, yn unol â gofynion sefydliadol, gan gynnwys:
4.1 cymorth ag asesu risg
4.2 cymorth â dadansoddi’r effaith ar fusnes
4.3 darparu gwybodaeth a chyngor ar drefniadau diogelwch sifil lleol
4.4 cynorthwyo â datblygu a dilysu cynlluniau a threfniadau
5. ystyried asesiadau risg perthnasol wrth ddatblygu rhaglenni cyngor a chymorth yn unol â gofynion sefydliadol
6. gweithio ar y cyd ag asiantaethau ac ymatebwyr eraill lle bydd hyn yn ymestyn effeithiolrwydd y cyngor a’r cymorth a ddarperir, yn unol â gofynion a chanllawiau sefydliadol
7. nodi’r adnoddau sy’n ofynnol i gyflwyno cyngor a chymorth yn unol â gofynion sefydliadol
8. gwirio bod rolau a chyfrifoldebau ar gyfer rheoli parhad busnes yn glir, yn unol â gofynion sefydliadol
9. cydnabod statws a chyfyngiadau cyngor a chymorth, gan atgyfeirio i eraill pan fydd angen arbenigedd neu brofiad arbenigol, yn unol â gofynion sefydliadol
10. adolygu a diweddaru rhaglenni ar gyfer hyrwyddo parhad busnes, gan gyfrif am wersi a nodwyd o ddigwyddiadau ac ymarferion, yn unol â gofynion sefydliadol
Gwybodaeth a Dealltwriaeth
You need to know and understand:
1. deddfwriaeth, canllawiau a safonau presennol sy’n berthnasol i ddarparu cyngor a chymorth ar reoli parhad busnes
2. y ddeddfwriaeth, y rheoliadau a’r canllawiau cysylltiedig sy’n berthnasol i rannu gwybodaeth
3. diben cynlluniau a threfniadau parhad busnes
4. cylchred oes rheoli parhad busnes
5. mathau o risgiau allanol a mewnol
6. nodweddion ardal a allai ddylanwadu ar y tebygolrwydd y bydd argyfwng yn digwydd, ac effaith argyfwng
7. rolau a strwythur fforymau lleol a rhanbarthol ar gyfer cydweithredu wrth asesu risg
8. rolau a chyfrifoldebau ymatebwyr yn y fro neu’r bröydd
9. sut i nodi’r gynulleidfa darged ar gyfer cyngor a chymorth, gan gyfrif am rôl sefydliadau o ran gwydnwch cymunedol
10. y mathau o wybodaeth y gall fod ar sefydliadau eu hangen, gan gynnwys
10.1 y mathau o darfu a all ddigwydd a’u heffeithiau posibl
10.2 y trefniadau sydd ar waith i asesu risg argyfyngau, paratoi ar eu cyfer, ymateb iddynt ac adfer yn dilyn argyfyngau
10.3 y camau y gall sefydliadau unigol eu cymryd i baratoi ar gyfer argyfwng neu liniaru eu heffeithiau
10.4 ffynonellau rhybuddion, gwybodaeth a chyngor os bydd argyfwng
11. grwpiau, rhwydweithiau a chyrff cynrychiadol sy’n darparu mynediad i’r gymuned fusnes
12. dulliau o gyflwyno gwybodaeth a chyngor i’r gymuned fusnes
13. pwysigrwydd cael perchnogaeth ar gynlluniau a threfniadau gan uwch reolwyr a phenderfynwyr
14. pwysigrwydd datblygu diwylliant parhad busnes o fewn sefydliadau
15. sut a pham mae’n rhaid i gynlluniau parhad busnes gael eu hadolygu’n systematig
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Mae’r prif ymddygiadau cyffredinol y mae angen eu cymhwyso wedi’u rhestru isod. Mae’r rhain yn eglur/ymhlyg yng nghynnwys manwl y safon ac fe’u rhestrir yma ar ffurf gwybodaeth ychwanegol:
- empathig
- hyblyg
- ymchwiliol
- meddwl agored
- realistig
Sgiliau
Mae’r prif sgiliau cyffredinol y mae angen eu cymhwyso wedi’u rhestru isod. Mae’r rhain yn eglur/ymhlyg yng nghynnwys manwl y safon ac fe’u rhestrir yma ar ffurf gwybodaeth ychwanegol:
- cyfathrebu
- ymgynghori
- dylanwadu
- rhwydweithio
- trafod
- trefnu
- arweinyddiaeth
- ysgrifennu cynlluniau/adroddiadau
- gosod amcanion
Geirfa
Termau sy’n cael eu defnyddio’n aml a sut dylent gael eu dehongli yng nghyd-destun NOS Argyfyngau Sifil Posibl:
Cymuned fusnes
Sefydliadau masnachol a gwirfoddol yn y fro.
Cynllun parhad busnes
Set o weithdrefnau a gwybodaeth gofnodedig y bwriedir iddynt sicrhau parhad swyddogaethau critigol os bydd tarfu.
Dadansoddiad o’r effaith ar fusnes
Dull o asesu’r effeithiau a allai ddeillio o ddigwyddiad a lefelau’r adnoddau a’r amser sy’n ofynnol ar gyfer adfer.
Risgiau mewnol
Risgiau busnes a allai achosi colled neu darfu ar swyddogaethau neu wasanaethau.
Risgiau allanol
Y tebygolrwydd y bydd argyfwng yn digwydd yn y gymuned ehangach a’i effaith.
Dolenni I NOS Eraill
Mae’r safon hon yn gysylltiedig â:
- CCAA1 Gweithio ar y cyd â sefydliadau eraill
- CCAD1 Datblygu, cynnal a gwerthuso cynlluniau a threfniadau parhad busnes
- CCAE1 Creu ymarferion i ymarfer neu ddilysu trefniadau argyfwng neu barhad busnes
- CCAE2 Cyfeirio a hwyluso ymarferion i ymarfer neu ddilysu trefniadau argyfwng neu barhad busnes
- CCAF1 Codi ymwybyddiaeth o risg argyfyngau, eu heffaith bosibl a’r trefniadau sydd ar waith ar eu cyfer