Hybu rheolaeth ar ddilyniant busnes LEGACY
Trosolwg
Mae'r safon hon yn ymwneud â darparu cyngor a chymorth ar reoli dilyniant busnes, gan gynnwys cyngor cyffredinol i'r sectorau busnes a gwirfoddol, a chyngor a chymorth penodol i sefydliadau unigol. Y nod yw helpu i ddatblygu gwytnwch cymunedol, yn arbennig er mwyn lleiafu effaith argyfyngau ar ddilyniant busnes a chaniatáu adferiad cyflymach wedi argyfyngau a digwyddiadau eraill sy'n amharu ar fusnes.
Grŵp Targed
Mae'r safon hon ar gyfer y rhai sy'n darparu cyngor a chymorth ar reoli dilyniant busnes i sefydliadau eraill a'r gymuned ehangach, gan gynnwys y sectorau cyhoeddus, preifat a gwirfoddol.
Meini prawf perfformiad
Mae'n rhaid eich bod chi'n gallu:
- nodi'r cyngor a'r cymorth cyffredinol a roddir i'r gymuned fusnes, yn unol â gofynion sefydliadol
- cadarnhau'r gynulleidfa darged ar gyfer cyngor a chymorth, gan ganolbwyntio ymdrechion ac adnoddau lle byddant yn fwyaf effeithiol, yn unol â gofynion sefydliadol
- dethol y dull cyfathrebu mwyaf priodol i gyrraedd y gynulleidfa darged, yn unol â gofynion sefydliadol
- darparu cyngor a chymorth penodol i sefydliadau unigol lle bo gofyn, yn unol â gofynion sefydliadol, gan gynnwys:
- cymorth gydag asesu risg
- cymorth gyda dadansoddi effaith busnes
- darparu gwybodaeth a chyngor am drefniadau amddiffyniad sifil lleol
- cefnogaeth i ddatblygu a dilysu cynlluniau a threfniadau
- rhoi sylw i asesiadau risg perthnasol wrth ddatblygu rhaglenni cyngor a chymorth yn unol â gofynion sefydliadol
- gweithio mewn cydweithrediad ag asiantaethau ac ymatebwyr eraill lle bydd hyn yn gwella effeithiolrwydd y cyngor a'r cymorth a ddarperir, yn unol â gofynion a chanllawiau sefydliadol
- nodi'r adnoddau sy'n ofynnol i ddarparu cyngor a chymorth yn unol â gofynion sefydliadol
- gwirio bod y rolau a'r cyfrifoldebau ar gyfer rheoli dilyniant busnes yn eglur, yn unol â gofynion sefydliadol
- adnabod statws a therfynau cyngor a chymorth, gan gyfeirio at eraill lle bo angen arbenigedd neu brofiad arbenigol, yn unol â gofynion sefydliadol
- adolygu a diweddaru rhaglenni ar gyfer hybu dilyniant busnes, gan roi sylw i'r gwersi a nodwyd yn sgîl digwyddiadau ac ymarferiadau, yn unol â gofynion sefydliadol
Gwybodaeth a Dealltwriaeth
You need to know and understand:
- deddfwriaeth, canllawiau a safonau cyfredol sy'n berthnasol i ddarparu cyngor a chymorth ar reoli dilyniant busnes
- y ddeddfwriaeth, y rheoliadau a'r canllawiau cysylltiedig sy'n berthnasol i rannu gwybodaeth
- diben cynlluniau a threfniadau dilyniant busnes
- cylch bywyd rheoli dilyniant busnes
- mathau o risgiau allanol a mewnol
- nodweddion ardal a all ddylanwadu ar debygolrwydd argyfwng, a'i effaith
- rolau a strwythur fforymau lleol a rhanbarthol ar gyfer cydweithio ar asesu risg
- rolau a chyfrifoldebau ymatebwyr yn yr ardal leol neu'r ardaloedd lleol
- sut mae nodi'r gynulleidfa darged ar gyfer cyngor a chymorth, gan roi sylw i rôl sefydliadau o ran gwytnwch cymunedol
- mathau o wybodaeth y gall fod eu hangen ar sefydliadau, gan gynnwys
- mathau o aflonyddu a all ddigwydd a'u heffeithiau posibl
- trefniadau sydd yn eu lle i asesu risg, paratoi ar gyfer argyfyngau, ymateb iddynt, ac ymadfer wedi iddynt ddigwydd
- camau y gall sefydliadau unigol eu cymryd i baratoi ar gyfer argyfwng, neu liniaru ei effeithiau
- ffynonellau rhybuddion, gwybodaeth a chyngor os bydd argyfwng
- grwpiau cynrychioliadol, rhwydweithiau a chyrff sy'n darparu mynediad i'r gymuned fusnes
- dulliau o ddarparu gwybodaeth a chyngor i'r gymuned fusnes
- pwysigrwydd sicrhau perchnogaeth uwch reolwyr a llunwyr penderfyniadau ar gynlluniau a threfniadau
- pwysigrwydd datblygu diwylliant dilyniant busnes mewn sefydliadau
- sut a pham mae'n rhaid adolygu cynlluniau dilyniant busnes yn systematig
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Isod rhestrir y prif ymddygiadau generig y mae angen eu cymhwyso. Mae'r rhain wedi'u nodi'n benodol/yn ddealledig yng nghynnwys manwl yr uned, ac fe'u rhestrir yma ar ffurf gwybodaeth ychwanegol:
- meddu ar empathi
- bod yn hyblyg
- natur ymchwiliol
- bod â meddwl agored
- bod yn realistig
Sgiliau
Isod rhestrir y prif sgiliau generig y mae angen eu cymhwyso. Mae'r rhain wedi'u nodi'n benodol/yn ddealledig yng nghynnwys manwl yr uned, ac fe'u rhestrir yma ar ffurf gwybodaeth ychwanegol:
- cyfathrebu
- ymgynghori
- dylanwadu
- rhwydweithio
- cyd-drafod
- trefnu
- arweinyddiaeth
- paratoi cynlluniau/adroddiadau
- pennu amcanion
Geirfa
Termau a ddefnyddir yn aml a sut dylid eu dehongli yng nghyd-destun SGC Hapddigwyddiadau Sifil:
Cymuned Fusnes
Sefydliadau masnachol a gwirfoddol yn yr ardal leol.
Cynllun dilyniant busnes
Cyfres wedi'i dogfennu o weithdrefnau a gwybodaeth a fwriedir i sicrhau dilyniant swyddogaethau critigol os bydd rhywbeth yn amharu arnynt.
Dadansoddiad o’r effaith ar fusnes
Dull o asesu'r effeithiau a allai ddeillio o ddigwyddiad a lefelau'r adnoddau a'r amser fydd yn ofynnol ar gyfer adferiad.
Risgiau mewnol
Risgiau busnes a allai achosi colled neu amharu ar swyddogaethau neu wasanaethau.
Risgiau allanol
Tebygolrwydd ac effaith argyfwng yn digwydd yn y gymuned ehangach.
Dolenni I NOS Eraill
Mae'r uned hon yn gysylltiedig â'r canlynol:
- CCAA1 Gweithio mewn cydweithrediad â sefydliadau eraill
- CCAD1 Datblygu, cynnal a gwerthuso cynlluniau a threfniadau dilyniant busnes
- CCAE1 Creu ymarferiadau i ymarfer neu ddilysu trefniadau argyfwng neu ddilyniant busnes
- CCAE2 Cyfeirio a hwyluso ymarferiadau i ymarfer neu ddilysu trefniadau argyfwng neu ddilyniant busnes
- CCAF1 Cynyddu ymwybyddiaeth o'r risg, yr effaith bosibl a'r trefniadau sydd yn eu lle ar gyfer argyfyngau