Rhagweld ac asesu risg argyfyngau LEGACY
Trosolwg
Mae’r safon hon yn ymwneud â rhagweld ac asesu’r risg y bydd argyfyngau yn effeithio ar fro neu fröydd, sector neu sefydliad. Mae’n cynnwys gweithio ar y cyd ag ymatebwyr eraill i argyfwng a chyfleu asesiadau risg i eraill.
Grŵp targed
Mae’r safon hon i’r rhai sydd â chyfrifoldeb penodol am asesiadau risg yn cwmpasu bro neu fröydd, sector neu sefydliad, gan gynnwys ymarferwyr sy’n cynghori ymatebwyr lleol.
Meini prawf perfformiad
Mae'n rhaid eich bod chi'n gallu:
1. nodi nodweddion bröydd a fydd yn dylanwadu ar y tebygolrwydd y bydd argyfyngau mewn cymunedau, a’u heffaith, yn unol â gofynion sefydliadol
2. nodi asesiadau risg cenedlaethol a rhanbarthol perthnasol yn unol â gofynion sefydliadol
3. nodi peryglon a bygythiadau sy’n cyflwyno risgiau arwyddocaol yn unol â gofynion a chanllawiau sefydliadol
4. dadansoddi tebygolrwydd peryglon a bygythiadau, a’u heffeithiau, er mwyn cynhyrchu sgorau risg cyffredinol yn unol â gofynion sefydliadol
5. cynnal y canlynol, trwy gydweithrediad ag ymatebwyr brys:
5.1 safiadau cytunedig ynghylch risgiau sy’n effeithio ar fröydd
5.2 y blaenoriaethau cynllunio ac adnoddau sy’n ofynnol i baratoi ar gyfer y risgiau hynny
6. cofnodi asesiadau risg yn unol â gofynion sefydliadol
7. cyfleu ac esbonio asesiadau risg i’r bobl angenrheidiol mewn swyddi uwch
8. defnyddio asesiadau risg yn unol â gofynion sefydliadol i lywio strategaethau lliniaru risg a datblygu a dilysu:
8.1 cynlluniau argyfwng
8.2 cynlluniau parhad busnes
8.3 asesiadau amlasiantaethol
9. cadarnhau dosbarthiad asesiadau risg cyfan neu rannau ohonynt, gan gyfrif am unrhyw gyfyngiadau ar ddatblygu gwybodaeth sensitif yn unol â gofynion sefydliadol
10. monitro a diweddaru asesiadau risg i ymateb i newidiadau yn yr amgylchedd risg
11. cynnal a diweddaru cynlluniau argyfwng a pharhad busnes i ymateb i newidiadau mewn asesiadau risg ac yn unol â gofynion sefydliadol
Gwybodaeth a Dealltwriaeth
You need to know and understand:
- nodweddion bröydd a all ddylanwadu ar y tebygolrwydd y bydd argyfwng yn digwydd a’i effaith, gan gynnwys:
1.1 nodweddion cymdeithasol ardaloedd, gan gynnwys unrhyw grwpiau arbennig o agored i niwed
1.2 statws iechyd cymunedau a chyfleusterau iechyd sydd ar gael
1.3 nodweddion amgylcheddol ardaloedd
1.4 isadeiledd ardaloedd, gan gynnwys trafnidiaeth, cyfleusterau, busnes
1.5 safleoedd, gwasanaethau neu rwydweithiau cyflenwi hanfodol mewn ardaloedd
1.6 ardaloedd a safleoedd peryglus posibl a’u perthynas â chymunedau neu safleoedd amgylcheddol sensitif - argaeledd asesiadau risg cenedlaethol a rhanbarthol a sut i addasu’r asesiadau hyn i’w defnyddio mewn cyd-destun lleol
- effaith bosibl argyfyngau ar bobl a grwpiau agored i niwed, gan gynnwys:
3.1 diffiniadau o ‘agored i niwed’ yng nghyd-destun argyfyngau
3.2 niferoedd a dosbarthiad pobl a grwpiau agored i niwed mewn bröydd
3.3 natur ddynamig bod yn agored i niwed yng nghyd-destun argyfyngau
3.4 problemau penodol i grwpiau agored i niwed, o effeithiau argyfyngau - effaith bosibl argyfyngau ar sefydliadau, gan gynnwys effeithiau ariannol ac ar enw da
- gwahanol fethodolegau asesu risg y gellir eu defnyddio
- egwyddorion a meini prawf ar gyfer gwerthuso a blaenoriaethu risgiau
- sut i ddadansoddi tebygolrwydd peryglon a bygythiadau, a’u heffeithiau, er mwyn llunio sgorau risg cyffredinol
- sut gellir creu cyfleoedd o nodi risg
- pam mae’n bwysig gweithio ar y cyd ag asiantaethau eraill a chymunedau wrth ddatblygu asesiadau risg
- natur a diben Rheoli Argyfyngau yn Integredig (IEM)
- rolau a strwythurau fforymau lleol a rhanbarthol ar gyfer cydweithredu ynghylch asesiadau risg
- opsiynau ar gyfer triniaethau risg, gan gynnwys datblygu cynlluniau argyfwng a pharhad busnes
- deddfwriaeth a chanllawiau perthnasol sy’n berthnasol i rannu gwybodaeth a diogelu data
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Mae’r prif ymddygiadau cyffredinol y mae angen eu cymhwyso wedi’u rhestru isod. Mae’r rhain yn eglur/ymhlyg yng nghynnwys manwl y safon ac fe’u rhestrir yma ar ffurf gwybodaeth ychwanegol:
- ymwybodol o’r gymuned
- penderfynol
- empathig
- ymchwiliol
Sgiliau
Mae’r prif sgiliau cyffredinol y mae angen eu cymhwyso wedi’u rhestru isod. Mae’r rhain yn eglur/ymhlyg yng nghynnwys manwl y safon ac fe’u rhestrir yma ar ffurf gwybodaeth ychwanegol:
1 rheolaeth ac arweinyddiaeth gyffredinol
2 asesiad cytbwys
3 cyfleu risg
4 penderfynol
5 gwerthuso beirniadol
6 empathig
7 dadansoddi peryglon a risg
8 ymchwiliol
9 sganio’r gorwel
10 dadansoddi effaith
11 ymchwilio
12 blaenoriaethu risg
13 ymchwil
14 dadansoddi cymdeithasol
Geirfa
Termau sy’n cael eu defnyddio’n aml a sut dylent gael eu dehongli yng nghyd-destun NOS Argyfyngau Sifil Posibl:
Rhagweld
Asesiad strategol cynnar o’r tebygolrwydd o ddigwyddiad a’i effaith (gyda’r bwriad o ragrybuddio ac, o bosibl, achub y blaen, neu fesurau eraill).
Perygl
Digwyddiad neu sefyllfa sydd â’r potensial i achosi niwed corfforol neu seicolegol i aelodau’r gymuned, gan gynnwys marwolaethau, difrod neu golledion i eiddo, a/neu darfu ar yr amgylchedd neu’r strwythurau economaidd, cymdeithasol a gwleidyddol y mae ffordd cymuned o fyw yn dibynnu arnynt.
Bygythiad
Bwriad a gallu i achosi marwolaethau neu greu canlyniadau andwyol i les pobl (gan gynnwys eiddo a chyflenwi gwasanaethau a nwyddau hanfodol), yr
amgylchedd neu ddiogelwch.
Risg
Mesur o arwyddocâd argyfwng posibl o ran tebygolrwydd ac effaith.
Dolenni I NOS Eraill
Mae’r safon hon yn gysylltiedig â:
- CCAA1 Gweithio ar y cyd â sefydliadau eraill
- CCAC1 Datblygu, cynnal a gwerthuso cynlluniau a threfniadau argyfwng
- CCAD1 Datblygu, cynnal a gwerthuso cynlluniau a threfniadau parhad busnes
- CCAF1 Codi ymwybyddiaeth o risg, effaith bosibl a’r trefniadau sydd ar waith ar gyfer argyfyngau.
Sylwch: Mae asesu risg, o fewn maes eu cyfrifoldeb, yn swyddogaeth hefyd i reolwyr cyffredinol a disgrifir hyn gan safon SFJPE4.1 Rheoli risg, a/neu’r safon arweinyddiaeth a rheolaeth, CFAM&LBB1 Rheoli risgiau i’ch sefydliad.