Gweithio gyda phartneriaid a rhanddeiliaid
Trosolwg
Mae’r safon hon yn ymwneud â nodi perthnasoedd gwaith effeithiol gyda phartneriaid a rhanddeiliaid i gyflawni amcanion cyffredin, ac ymgysylltu â’r perthnasoedd gwaith hyn a’u cynnal. Gall partneriaid a rhanddeiliaid ddod o sectorau cyhoeddus, preifat, gwirfoddol a chymunedol ar lefelau strategol, gweithredol a chymuned.
Mae cydweithredu’n hanfodol ar gyfer gwydnwch, gan ofyn am ddealltwriaeth glir o rolau, cyfrifoldebau, llywodraethu a chyd-destun risg. Mae’r safon yn cynorthwyo unigolion â meithrin ymgysylltiad, datblygu ymagweddau integredig, a sicrhau gwelliant parhaus trwy rannu gwybodaeth a gwneud penderfyniadau cydweithredol ar draws pob cam, sef asesu risg, atal, parodrwydd, ymateb ac adfer.
Meini prawf perfformiad
Mae'n rhaid eich bod chi'n gallu:
- gwerthuso rolau, cyfrifoldebau ac awdurdod unigolion, timau, sefydliadau partner a rhanddeiliaid, yn unol â gofynion deddfwriaethol a sefydliadol
- ymgysylltu â phartneriaid a rhanddeiliaid mewn ffyrdd sy’n meithrin cyfranogiad, cydraddoldeb a chydweithredu
- cytuno ar drefniadau cydweithredu sy’n annog dealltwriaeth gyffredin ac ymagweddau integredig, a chofnodi a chynnal y trefniadau hyn
- asesu sut gall eich sefydliad gefnogi amcanion cyfunol a mynd i’r afael â heriau
- cynrychioli safbwyntiau a pholisïau eich sefydliad yn unol â gofynion deddfwriaethol a sefydliadol
- cadarnhau cyfrifoldebau cyffredin ac awdurdod i weithredu, gan sicrhau eglurder o ran cyfyngiadau unigol a sefydliadol o fewn gofynion deddfwriaethol a sefydliadol
- sefydlu a chymhwyso prosesau i fonitro, adolygu a gwella cydweithrediad yn unol â safonau deddfwriaethol a sefydliadol, a gwersi a nodwyd
- defnyddio ymarfer myfyriol i werthuso eich perfformiad, nodi gwersi a llywio datblygiad proffesiynol
Gwybodaeth a Dealltwriaeth
You need to know and understand:
- deddfwriaeth, polisïau sefydliadol, fframweithiau ac athrawiaeth berthnasol sy’n dylanwadu ar weithio cydweithredol
- rolau, cyfrifoldebau a ffiniau unigolion, timau, sefydliadau partner a rhanddeiliaid eraill ym maes gwydnwch
- buddion ac ymagweddau at ymagwedd system at ddadansoddi partneriaid a rhanddeiliaid
- buddion ac ymagweddau at weithio cydweithredol, ac ymgysylltu â rhanddeiliaid amrywiol a chynrychioliadol
- trefniadau llywodraethu sy’n berthnasol i gydweithredu traws-sefydliadol a chydweithredu â rhanddeiliaid
- cryfderau a galluoedd sefydliadau partner a rhanddeiliaid allweddol
- sut gall strwythur a diwylliant sefydliadau effeithio ar weithio cydweithredol
- ymagweddau at nodi a mynd i’r afael â heriau mewn gweithio cydweithredol, gan gynnwys datrys gwrthdaro a gweithdrefnau uwchgyfeirio
- dulliau o wella, monitro a sicrhau atebolrwydd mewn gweithio cydweithredol, gan gynnwys cofnodi camau gweithredu a darparu adborth
- rôl arfer myfyriol wrth werthuso perfformiad, gan nodi meysydd i’w gwella a datblygiad proffesiynol
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Gweithio cydweithredol:
Ymagwedd at weithio ar draws sefydliadau, sectorau a disgyblaethau i gyflawni nodau cyffredin ym maes gwydnwch. Mae cydweithredu effeithiol yn sicrhau barn gyfunol am risgiau ac ymagweddau integredig.
Llywodraethu/Llywodraethiant:
Y trefniadau a’r prosesau sy’n diffinio cyfrifoldebau gwneud penderfyniadau, awdurdod a goruchwyliaeth o fewn sefydliad neu system ar lefelau lleol, rhanbarthol a chenedlaethol. Mae strwythurau llywodraethu’n sicrhau ansawdd, perfformiad ac effaith gadarnhaol trwy wreiddio atebolrwydd, annog gwelliant parhaus, a sicrhau bod tystiolaeth o newidiadau a bod newidiadau’n cael eu cadw, lle bo angen.
Rhanddeiliad:
Unigolyn, grŵp neu sefydliad sydd â budd mewn gweithgaredd, penderfyniad neu ganlyniad, neu ddylanwad arnynt.
Ymgysylltu:
Y broses o sefydlu a chynnal rhyngweithio ystyrlon â rhanddeiliaid, cymunedau neu bartneriaid er mwyn meithrin ymddiriedaeth, cynwysoldeb a datrys problemau’n gydweithredol, a chyflawni amcanion cyffredin.
Atebolrwydd:
Y ddyletswydd i arddangos cyfrifoldeb am benderfyniadau, gweithredoedd a pherfformiad, gan sicrhau tryloywder ac ymddygiad moesegol tuag at y bobl y mae’r penderfyniadau a’r gweithredoedd yn effeithio arnynt.
Ymagwedd Systemau:
Ymagwedd sy’n cynnwys deall a rheoli’r cyd-ddibyniaethau o fewn system i wella’i gwydnwch cyffredinol.
Partneriaeth:
Y broses o feithrin a chynnal perthnasoedd effeithiol â sefydliadau allweddol sy’n chwarae rhan ganolog mewn cyflwyno ymyrraeth. Mae’n canolbwyntio ar ddatblygu strwythurau ffurfiol, hirdymor, ar gyfer cydweithredu, gan sicrhau amcanion a chyfrifoldebau cyffredin a chydweithredu parhaus ym maes gwydnwch.