Sicrhau adnoddau ar gyfer mynd i’r afael â cham-drin domestig neu drais rhywiol

Mae’r safon hon yn ymwneud â’ch gallu i nodi ffynonellau cyllid ac adnoddau eraill ar gyfer gwaith gydag unigolion sydd wedi cael eu heffeithio gan gam-drin domestig neu drais rhywiol.

Mae’n cynnwys cyflwyno cynigion ar gyfer cyllid a mathau eraill o gymorth, a thrafod telerau eich cynnig er mwyn dod i derfyn llwyddiannus.

Fel rhan o’r safon hon, bydd disgwyl i chi sefydlu perthynas waith dda gyda deiliaid cyllid gwirioneddol a darpar ddeiliaid cyllid.

1. nodi adnoddau y mae eu hangen i gyflawni mentrau arfaethedig eich sefydliad ar gyfer mynd i’r afael â cham-drin domestig neu drais rhywiol, gan gynnwys: • ffynonellau cyllid ac adnoddau
   • amcanion a buddiannau’r rhai sy’n darparu cyllid ac adnoddau
   • costau a risgiau i’r rhai a all ddarparu cyllid ac adnoddau
2. creu rhestr o unigolion a sefydliadau a all ddarparu adnoddau sy’n cefnogi mentrau arfaethedig eich sefydliad ar gyfer mynd i’r afael â cham-drin domestig neu drais rhywiol
3. paratoi cynigion wedi’u costio ar gyfer cyllid ac adnoddau yn unol â pholisïau a gweithdrefnau’r sefydliad
4. cyflwyno gwybodaeth i bobl eraill berthnasol yn unol â pholisïau a gweithdrefnau’r sefydliad
5. 5. cytuno ar gynigion ac argymhellion ar gyfer cyllid ac adnoddau gyda rhanddeiliaid perthnasol
6. cyflwyno cynigion, bidiau a cheisiadau i ddarparwyr cyllid ac adnoddau eraill yn unol â gweithdrefnau ac amserlenni gofynnol
7. ymateb i geisiadau am ragor o wybodaeth i egluro bidiau a chynigion yn unol â gweithdrefnau ac amserlenni gofynnol
8. cytuno ar drefniadau cytundebol gyda darparwyr cyllid ac adnoddau eraill yn unol â bidiau a chynigion cytunedig
9. rhoi gwybod i bobl berthnasol eraill am ganlyniad bidiau, cynigion a cheisiadau yn unol â gofynion ac amserlenni gofynnol
10. rhoi gwybod i’r rhai sy’n defnyddio adnoddau am unrhyw delerau ac amodau sy’n berthnasol i’r defnydd o adnoddau, yn unol â threfniadau cytundebol cytunedig
11. datblygu cynlluniau wrth gefn sy’n mynd i’r afael â materion posibl sy’n effeithio ar gyllid ac adnoddau gofynnol
12. monitro effeithiolrwydd prosesau canfod ar gyfer mentrau, yn unol â pholisïau a gweithdrefnau’r sefydliad
13. diwygio prosesau canfod os bydd angen, mewn ffyrdd sy’n gwella gwaith a phrosesau yn y dyfodol
14. monitro pobl eraill sy’n ymwneud â sicrhau adnoddau i sicrhau eu bod yn cydymffurfio â gofynion cyfreithiol a pholisïau a gweithdrefnau sefydliadol perthnasol
    15.

1. gofynion cyfreithiol, sefydliadol a pholisi sy’n berthnasol i’ch rôl chi, i rôl pobl eraill yn eich sefydliad ac i’r gweithgareddau sy’n cael eu cyflawni.
2. y canllawiau, y polisïau a’r gweithdrefnau lleol a chenedlaethol perthnasol sydd ar gael a sut a phryd y dylid troi atynt.
3. gofynion yn gysylltiedig â chyllid ac adnoddau ar gyfer rhaglenni i fynd i’r afael â cham-drin domestig a thrais rhywiol, a’u heffaith ar eich maes gweithredu
4. yr ystod o asiantaethau a gwasanaethau eraill y gallech weithio gyda nhw, a’u rôl
5. cyfyngiadau eich awdurdod, eich cyfrifoldeb a’ch cymhwysedd proffesiynol
6. beth yw cam-drin domestig a thrais rhywiol, a pha mor gyffredin ydyw yn y gymuned leol
7. arwyddion o gam-drin a’r dulliau y mae camdrinwyr yn eu defnyddio i ennill grym a rheolaeth
8. effaith cam-drin ar bawb y mae wedi effeithio arnynt, gan gynnwys unigolion a dibynyddion.
9. mathau o wybodaeth a chymorth y mae pobl sydd wedi’u heffeithio gan gam-drin domestig neu drais rhywiol yn eu ceisio.
10. ffynonellau gwybodaeth a chymorth sydd ar gael i bobl sydd wedi’u heffeithio gan gam-drin domestig neu drais rhywiol
11. mentrau cenedlaethol a lleol a’u heffaith ar wasanaethau sydd â’r nod o fynd i’r afael â cham-drin domestig a thrais rhywiol yn eich cymuned
12. amcanion, strategaethau a chynlluniau eich sefydliad
13. mentrau arfaethedig eich sefydliad, gan gynnwys y rhai sydd angen cyllid ac adnoddau
14. darparwyr cyllid ac adnoddau eraill a ddefnyddir gan eich sefydliad
15. darparwyr posibl eraill cyllid a’u buddion a’u risgiau cysylltiedig
16. polisïau a gweithdrefnau’r sefydliad ar gyfer caffael adnoddau
17. meini prawf sefydliadol ar gyfer dewis mathau o gyllid ac adnoddau eraill, a dewis eu darparwyr
18. ffynonellau gwybodaeth am gyfleoedd adnoddau, gan gynnwys cyfleoedd o fewn y sectorau statudol ac elusennol
19. sut i greu achos busnes
20. sut i hyrwyddo buddion eich mentrau arfaethedig
21. amcanion a chylch gwaith sefydliadau cyllido ac unrhyw gyfyngiadau ar y ffordd y maent yn gweithredu
22. gwybodaeth y mae ar sefydliadau cyllido eu hangen, a’u templedi, eu hoffer a’u gweithdrefnau ar gyfer cyflwyno bidiau, ceisiadau a chynigion
23. y bobl y dylid ymgynghori â nhw ynghylch cynigion ac argymhellion am gael cyllid ac adnoddau
24. gwahanol fathau o gytundebau a threfniadau cytundebol gyda darparwyr cyllid a beth ddylai’r rhain ei gynnwys
25. camau y gall fod angen eu cymryd os bydd prinder cyllid
26. problemau cyffredin a all ddigwydd wrth gael cyllid ac adnoddau
27. pwysigrwydd cynllunio wrth gefn ar gyfer cael cyllid ac adnoddau

Cam-drin Domestig
Patrwm o ymddygiad rheolaethol, ymddygiad gorfodaethol, ymddygiad bygythiol, trais neu gamdriniaeth rhwng pobl sy’n 16 oed neu’n hŷn sydd, neu a fu, yn bartneriaid clos neu’n aelodau teulu, ni waeth beth yw eu rhywedd neu eu rhywioldeb. Gall y cam-drin gynnwys, ond nid yw’n gyfyngedig i, gyfuniad o gam-drin seicolegol, corfforol, rhywiol, ariannol ac emosiynol.

Mae’r diffiniad hwn hefyd yn cynnwys trais ar sail ‘anrhydedd’ fel y’i gelwir, anffurfio organau cenhedlu benywod a phriodas dan orfod. Mae plant hefyd yn cael profiad o gam-drin domestig pan fyddant yn dyst i gam-drin domestig.

Croestoriadedd
Natur gysylltiedig categoreiddiadau cymdeithasol fel hil, dosbarth a rhywedd, yr ystyrir eu bod yn creu systemau gwahaniaethu neu anfantais sy’n gorgyffwrdd ac sy’n gyd-ddibynnol

Dull dan arweiniad anghenion
Math o eiriolaeth sy’n gosod y goroeswr yn ganolog i ymyriadau a gwaith cymorth. Mae hyn yn golygu gwrando ar eu hanes, eu pryderon a’u hanawsterau, a nodi cryfderau. Mae’n arwain at gynhyrchu pecynnau cymorth yn gydgynhyrchiol, sy’n benodol i anghenion unigol goroeswyr. Mae dull dan arweiniad anghenion yn ymdrech ymrymusol sy’n talu sylw i amgylchiadau croestoriadol goroeswyr, gan osgoi maglau rhagfarn sefydliadol neu ymatebion aneffeithiol.

Dull seiliedig ar gryfderau
Cydnabod bod gan unigolion gryfderau. Cydnabyddir y cryfderau hyn ac adeiladir arnynt fel rhan o gynorthwyo ag adfer.

Pobl mewn perygl
Unigolyn y diffinnir bod arno angen gofal, cymorth neu amddiffyniad arbennig oherwydd oedran, anabledd, risg cam-drin neu esgeulustod

Trais Rhywiol (gweler hefyd ddiffiniadau isod y gellir eu defnyddio sy’n ymwneud â cham-drin rhywiol neu ymosodiad rhywiol)
Yn debyg o ran ei natur i gam-drin rhywiol, ond defnyddir y term hwn yn fwy aml i ddisgrifio digwyddiadau byr neu unigol, megis ymosodiad rhywiol gan ddieithryn.

Cam-drin Rhywiol
Ymddygiad rhywiol digroeso gan un person tuag at berson arall. Mae hwn yn aml yn cael ei gyflawni trwy rym neu trwy gymryd mantais ar y person arall. Defnyddir y term hwn yn gyffredinol pan fydd yr ymddygiad rhywiol yn rheolaidd neu’n digwydd dros gyfnod estynedig.

Ymosodiad Rhywiol
Unrhyw ymddygiad rhywiol digroeso nad yw person wedi cydsynio iddo. Gall hyn amrywio o drais i voyeuriaeth i orchestu, i gyffwrdd digroeso dros neu o dan ddillad.

Ystyriol o Drawma
Ymagwedd at ymyriadau iechyd a gofal sydd â’i sail mewn deall bod amlygiad i drawma’n gallu effeithio ar unigolyn. Bydd ymarferwyr yn gweithio mewn ffyrdd nad ydynt yn ailachosi trawma yn anfwriadol i’r unigolyn, ac mae pwyslais ar ddiogelwch, dewis, cydweithrediad a grymuso.