Cynnal a datblygu eich gwybodaeth, eich sgiliau a'ch cymhwysedd eich hun
URN: SFJAE1
Sectorau Busnes (Suites): Safonau cyffredin ar draws y sector Cyfiawnder
Datblygwyd gan: Skills for Justice
Cymeradwy ar:
2011
Trosolwg
Mae'r safon hon yn ymwneud â'r ddyletswydd sydd ar bob unigolyn yn y sector cyfiawnder a chymunedau mwy diogel i ddiweddaru eu gwybodaeth, eu sgiliau a'u cymhwysedd yn rheolaidd a'u datblygu er mwyn ymateb i ofynion eu cyflogaeth. Mae'r safon yn cydnabod bod gan bawb eu hanghenion dysgu a datblygu eu hunain, yn ogystal â diddordebau dysgu a datblygu ehangach a allai fod yn ymwneud yn uniongyrchol â'u swydd neu eu gyrfa, ond a allai ymwneud hefyd â datblygiad personol ehangach. Mae angen i'r ymrwymiad hwn gan unigolion dderbyn cyfatebiaeth ar ffurf cyflogwyr yn gosod gwerth ar ddysgu a datblygiad staff.
Mae hon yn agwedd hanfodol ar bob swydd yn y sector cyfiawnder a chymunedau mwy diogel. Mae'n ymwneud â'r ymrwymiad i ddysgu gydol oes i bawb yn y sector, a'r gwerth y gall dysgu ei roi i waith y sector.
Grŵp Targed**
Mae'r safon wedi'i llunio i fod yn berthnasol i bawb sy'n gweithio yn y sector cyfiawnder a chymunedau mwy diogel.
Meini prawf perfformiad
Mae'n rhaid eich bod chi'n gallu:
1. ceisio adborth gan eraill i'ch helpu i asesu eich gwybodaeth, eich sgiliau a'ch cymhwysedd:
1.1 yn anffurfiol
1.2 yn ffurfiol yn ystod arfarniadau/goruchwyliaeth
2. derbyn adborth mewn modd cadarnhaol
3. gweithredu ar sail adborth i ddatblygu a gwella eich ymarfer
4. adolygu a gwerthuso eich llwyddiant wrth gyflawni eich gwaith eich hun
5. nodi a chofnodi, yn unol ag amcanion sefydliadol:
5.1 eich anghenion a'ch diddordebau datblygu
5.2 y blaenoriaethau o ran eich dysgu a'ch datblygiad
5.3 dulliau dysgu a datblygu posibl ar gyfer yr anghenion a'r diddordebau hynny
5.4 ble mae angen help arnoch chi i gefnogi eich dysgu a'ch datblygiad
5.5 eich dysgu a'ch datblygiad
6. cymryd cyfrifoldeb am eich dysgu a'ch datblygiad eich hun
7. dadansoddi a myfyrio ar yr hyn sy'n ofynnol i sicrhau ymarfer cymwys effeithiol a diogel
8. gwerthuso'r hyn rydych wedi ei ddysgu a nodi sut gallech ddefnyddio eich dysgu yn y dyfodol
9. cymhwyso eich gwybodaeth, eich sgiliau a'ch cymhwysedd er mwyn gwella eich gwaith
10. cadw cofnodion o'ch dysgu a'ch datblygiad/DPP yn unol â gofynion mewnol neu allanol
Gwybodaeth a Dealltwriaeth
You need to know and understand:
1. eich rôl, eich cyfrifoldeb a'ch amcanion wrth gyfrannu at gyflawni amcanion a thargedau sefydliadol
2. pam mae cynnal a datblygu eich gwybodaeth, eich sgiliau a'ch cymhwysedd yn bwysig i chi yn eich rôl ac i chi fel unigolyn ac yn eich sefydliad
3. gwerth diddordebau dysgu a datblygu
4. eich anghenion dysgu a datblygu eich hun, a sut bydd y rhain yn newid dros amser
5. diben arfarniadau/goruchwyliaeth, a sut mae'r rhain yn cyfrannu at eich datblygiad fel unigolyn
6. pam mae o gymorth derbyn barn pobl eraill ynghylch eich gwybodaeth, eich sgiliau a'ch cymhwysedd
7. y dulliau y gallwch eu defnyddio i adolygu eich llwyddiant wrth eich gwaith
8. pam mae'n bwysig meddwl am eich rôl a sut bydd y sefydliad rydych yn gweithio ynddo yn newid a'r berthynas rhwng hynny a dysgu a datblygu
9. y dulliau gwahanol o gasglu gwybodaeth am newidiadau yn y gwaith
10. y dulliau a'r cyfleoedd dysgu a datblygu sydd wedi eich helpu i ddysgu yn y gorffennol
11. ble gallwch chi fynd i gael cefnogaeth ar gyfer hunan-asesu, cynllunio eich dysgu ac i'ch helpu i ddysgu, a manteision y gwahanol fathau o gefnogaeth
12. pam mae angen i chi dderbyn cyfrifoldeb am eich dysgu a'ch datblygiad eich hun
13. sut gallwch chi werthuso eich dysgu, ei gymhwyso a'i rannu, lle bo hynny'n briodol, yn y gwaith
14. y rhesymau dros gadw cofnodion ynghylch dysgu a datblygiad
Cwmpas/ystod
Yn P4, gallai 'adolygu eich llwyddiant wrth wneud eich gwaith eich hun' gyfeirio at: lefel yr wybodaeth a'r sgiliau sydd gennych a sut rydych yn eu cymhwyso wrth eich gwaith; eich cymhwysedd cyffredinol i ymgymryd â'ch swydd; eich gwerthoedd, eich diddordebau, eich blaenoriaethau a'ch profiadau bywyd, a sut mae'r rhain yn effeithio ar eich gwaith.
Yn P5, gallai 'anghenion datblygu a diddordebau' gyfeirio at:
- eich swydd gyfredol
- Cynllunio gyrfa
- symud i'r ochr yn eich gyrfa
- diddordebau a nodau ehangach
- cynnal diddordeb a symbyliad.
Yn P5, gallai 'lle bo angen help arnoch i gynnal eich dysgu a'ch datblygiad' gyfeirio at: help i adolygu eich anghenion a/neu eich buddiannau, i nodi'r ffyrdd gorau o ddysgu i chi er mwyn cyflawni'r anghenion a'r diddordebau dysgu hynny, gan nodi'r cyfleoedd sydd ar gael ac ati.
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Lluniwyd y safon hon i fod yn sylfaen ar gyfer pob safon arall, gan fod cynnal a datblygu eich gwybodaeth, eich sgiliau a'ch cymhwysedd eich hun yn hanfodol i gyflawni amcanion gwaith.
Cysylltiadau Allanol
Fersiwn rhif
Dyddiad Adolygu Dangosol
2016
Dilysrwydd
Ar hyn o bryd
Statws
Gwreiddiol
Sefydliad Cychwynnol
Sgiliau er Cyfiawnder
URN gwreiddiol
SFJAE1
Galwedigaethau Perthnasol
Gwasanaethau Cyhoeddus, Y sector cyfiawnder a chymunedau mwy diogel
Cod SOC
Geiriau Allweddol
Gwybodaeth, sgiliau, cymhwysedd, arfarniadau, goruchwyliaeth, adborth, gwella, datblygu, dysgu