Cefnogi proses weinyddu presgripsiynau

Mae'r safon hon ar gyfer pobl sy'n cefnogi proses weinyddu presgripsiynau. Mae'r safon yn cynnwys trefnu i gynhyrchu mathau addas o bresgripsiwn, o fewn cyfyngiadau'r rôl alwedigaethol, a gwneud newidiadau i gofnodion presgripsiwn yn unol â chyfarwyddiadau pobl eraill berthnasol.

Bydd eich ymarfer yn gyson â chyfyngiadau eich rôl alwedigaethol ac yn cael ei gyflawni yn unol â'r fframweithiau rheoleiddiol a moesegol a sefydlwyd yng nghyd-destun deddfwriaeth bresennol. Bydd eich ymarfer hefyd yn cyd-fynd â deddfwriaeth, canllawiau, polisïau, gweithdrefnau a phrotocolau perthnasol a chyfredol sy'n berthnasol i'r ymarfer yn y gwaith.

Bydd eich ymarfer yn gyson â'ch rôl alwedigaethol ac yn cael ei gyflawni yn unol â'r fframweithiau rheoleiddiol, proffesiynol a moesegol a sefydlwyd yng nghyd-destun deddfwriaeth bresennol. Bydd angen i chi weithio'n fyfyriol. Byddwch yn gweithio bob amser yn unol â'r Gweithdrefnau Gweithredu Safonol sy'n gysylltiedig â'r ffordd y darperir gwasanaeth fferyllfa yn eich gweithle. Dylech fod yn ofalgar ac yn dosturiol, yn unol â chanllawiau gofal iechyd presennol. Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn cwmpas a chyfyngiadau eich cymhwysedd a'ch cyfrifoldebau eich hun a rhoi gwybod am broblemau nad allant gael eu datrys
4. cadarnhau pwy yw'r unigolyn yn unol â gweithdrefnau'r sefydliad
5. trefnu ar gyfer cynhyrchu presgripsiynau, gan gynnwys:
   • cais brys
   • presgripsiynau amlroddadwy
   • presgripsiynau cyfresol/swp
   • ceisiadau gan unigolion 
     
6. adolygu addasrwydd unigolyn ar gyfer presgripsiynau cyfresol/swp
7. cynorthwyo â gosod a chyflwyno rhagnodi cyfresol/swp
8. gwneud newidiadau penodol, yn unol â chyfarwyddyd pobl eraill berthnasol, i gofnodion presgripsiwn amlroddadwy unigolion er mwyn rhagnodi yn gost-effeithiol, yn rhesymegol, yn seiliedig ar dystiolaeth ac yn ddiogel
9. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
10. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas
11. sicrhau bod cyfrinachedd yn cael ei gynnal yn unol â gofynion y sefydliad
12. cwblhau a storio'r holl ddogfennaeth berthnasol yn unol â gofynion y sefydliad
13. gwaredu pob gwastraff yn unol â gweithdrefnau'r sefydliad   
    
    

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd a'ch cyfrifoldebau eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd a'ch cyfrifoldebau
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y gwahanol fathau o bresgripsiwn a gwahanol fformatau presgripsiwn
7. gwahanol fathau o ragnodwyr
8. rheoliadau a gweithdrefnau sy'n gysylltiedig â gwahanol fathau o bresgripsiynau a meddyginiaethau
9. y gwahanol fathau o ffynonellau cyfeirio sydd ar gael, gan gynnwys pryd a sut i'w defnyddio
10. y gwahanol fathau o bresgripsiynau a phryd y cânt eu defnyddio
11. y manylion sy'n ofynnol eu cynnwys ar bresgripsiwn a pham mae eu hangen
12. yr amrywiaeth o gynnyrch meddyginiaethol a all gael eu dosbarthu ar bob math o ffurflen a'r rhesymau dros gyfyngiadau
13. egwyddorion rhagnodi yn gost-effeithiol, yn rhesymegol, yn seiliedig ar dystiolaeth ac yn ddiogel
14. confensiynau, byrfoddau a geirfa feddygol rhagnodi
15. enwau patent a chyffredinol meddyginiaethau o fewn cwmpas eich ymarfer
16. ffurfiau dos a'u priodweddau a'u defnydd
17. sut caiff meddyginiaethau eu rhoi
18. gwahanol gryfderau, ffurfiau, dosys a symiau meddyginiaethau a pham y cânt eu defnyddio
19. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel
20. sut i sicrhau gofynion y sefydliad ar gyfer cadw cofnodion manylion unigol a chyfrinachedd
21. sut i gael gwared ar bob gwastraff yn unol â gweithdrefnau'r sefydliad