Archebu moddion a chynnyrch i unigolion

Mae'r safon hon yn ymwneud ag archebu moddion a chynnyrch i unigolion. Mae hyn yn cynnwys adolygu cofnod meddyginiaeth yr unigolyn ac asesu cyflenwad cyfredol yr unigolyn er mwyn nodi'r moddion sy'n ofynnol. Mae'r safon hon hefyd yn cynnwys trawsgrifio archeb meddyginiaeth gyda chyfarwyddiadau labelu, fel bod y moddion yn gallu cael ei weinyddu ar gyfer yr unigolyn.

Bydd eich ymarfer yn cydweddu â'ch rôl alwedigaethol ac yn cael ei gyflawni o dan y fframweithiau rheoliadol, proffesiynol a moesegol a sefydlwyd yng nghyd-destun deddfwriaeth gyfredol. Bydd angen i chi ymdrin â'ch gwaith mewn modd adfyfyriol.

Byddwch bob amser yn gweithio oddi mewn i Weithdrefnau Gweithredu Safonol sy'n ymwneud â sut mae gwasanaeth fferyllfa'n cael ei ddarparu yn eich gweithle. Dylid mabwysiadu dull gweithredu gofalgar, tosturiol, yn unol â'r canllawiau gofal iechyd cyfredol. Bydd angen i ddefnyddwyr y safon hon sicrhau bod eu hymarfer yn adlewyrchu'r wybodaeth a'r polisïau diweddaraf.

​1.    cyfathrebu â'r unigolyn a phobl allweddol ar gyflymdra, mewn modd, ac ar lefel sy'n briodol ar gyfer dealltwriaeth, dewisiadau ac anghenion yr unigolyn
2.    gweithio oddi mewn i'r Gweithdrefnau Gweithredu Safonol, gan gynnwys y gweithdrefnau iechyd a diogelwch perthnasol, ac oddi mewn i'ch terfynau cymhwysedd eich hun
3.    esbonio wrth yr unigolyn beth yw diben archebu eu moddion neu eu cynnyrch unigol
4.    adolygu cofnod meddyginiaeth yr unigolyn i nodi'r moddion neu'r cynnyrch cywir i'w harchebu
5.    asesu cyflenwad cyfredol yr unigolyn o foddion neu gynnyrch cyn gosod yr archeb
6.    nodi unrhyw faterion sy'n codi gyda chyflenwad cyfredol yr unigolyn o foddion neu gynnyrch a chymryd y camau priodol i unioni unrhyw faterion
7.    archebu'r moddion neu'r cynnyrch yn unol â gweithdrefnau sefydliadol, i gynnwys:
7.1    manylion cywir yr unigolyn
7.2    ffurflen dogn priodol
7.3    cryfder cywir
7.4    nifer cywir
7.5    cyfarwyddiadau cywir
7.6    brand cywir i'r moddion, lle bo hynny'n briodol
7.7    amserlen ar gyfer yr archeb, lle bo hynny'n briodol
8.    lle bo unrhyw fater gofynnol y tu allan i gylch gwaith eich rôl, ei gyfeirio ymlaen at y person priodol
9.    cwblhau'r holl ddogfennau perthnasol a'u storio'n briodol, yn unol â gofynion cyfreithiol a sefydliadol
10.    cadarnhau cywirdeb yr archeb a gynhyrchwyd, gan gynnwys trawsgrifio, lle bo hynny'n briodol

1. beth yw'r Gweithdrefnau Gweithredu Safonol a phwysigrwydd cadw atynt bob amser
2. pwysigrwydd gweithio oddi mewn i derfynau eich cymhwysedd a'ch awdurdod, pryd mae angen ceisio cytundeb neu ganiatâd pobl eraill, a phryd mae angen cyfeirio materion ymlaen at berson priodol
3. deddfwriaeth iechyd a diogelwch gyfredol a sut mae'n berthnasol i'r amgylchedd gwaith
4. gofynion cyfreithiol, sefydliadol a pholisi sy'n berthnasol i'ch rôl chi, i rôl pobl eraill yn eich sefydliad, a'r gweithgareddau sy'n cael eu cyflawni
5. y canllawiau, y polisïau a'r gweithdrefnau cenedlaethol a lleol perthnasol sydd ar gael, a sut a phryd dylid eu cyrchu
6. pwysigrwydd cadw at bolisïau llywodraethu gwybodaeth a chynnal cyfrinachedd wrth rannu gwybodaeth am unigolion gydag eraill
7. y ddyletswydd i roi gwybod am unrhyw weithredoedd neu ddiffyg gweithredu a allai fod yn niweidiol i unigolion, i chi eich hunan, i gydweithwyr neu i'ch cyflogwr
8. y weithdrefn leol ar gyfer archebu moddion i unigolion
9. y dogfennau lleol sy'n ofynnol i osod archeb
10. y gwahanol ffurfiau ar foddion a pham mae'n bwysig archebu niferoedd priodol o'r ffurf a'r cryfder cywir
11. y ffactorau sy'n effeithio ar storio moddion, gan gynnwys dyddiadau dod i ben
12. ffactorau a all effeithio ar sut mae moddion yn cael ei gymryd
13. y gofynion labelu ar gyfer moddion
14. y ddeddfwriaeth sy'n ymwneud â moddion nad yw'n cael ei drwyddedu yn y Deyrnas Unedig sy'n rhan o gwmpas eich ymarfer
15. defnyddio cymhorthion cydymffurfio
16. y rheoliadau sy'n gysylltiedig â dinistrio moddion 
17. deddfwriaeth a phrosesau sefydliadol sy'n ymwneud â sicrhau cydsyniad dilys
18. y camau i'w cymryd os na sicrheir cydsyniad dilys
19. dulliau o ganiatáu cyfathrebu effeithiol a chefnogi unigolion i gyfleu eu hanghenion, eu barn a'u dewisiadau
20. defnyddio technegau holi priodol i gasglu gwybodaeth berthnasol
21. pwysigrwydd canfod gofynion unigolion yn glir ac yn gywir
22. pwysigrwydd cyfathrebu llafar a di-eiriau wrth gyfathrebu ag unigolion
23. sut mae rhoi gwybodaeth glir a chywir, a gwirio dealltwriaeth yr unigolyn
24. ffynhonnell/ffynonellau gwybodaeth y gellir ei chyrchu a'r wybodaeth y gallwch chi a chydweithwyr eraill ei rhoi i unigolion
25. pwysigrwydd cofnodi, storio ac adalw gwybodaeth, yn unol â gweithdrefnau sefydliadol

Mae'r safon hon yn cysylltu â'r dimensiwn canlynol oddi mewn i Fframwaith Gwybodaeth a Sgiliau y GIG (Hydref 2004):

Dimensiwn: G3 Caffael a
Chomisiynu