Gwirio dogfennau a deunyddiau cyn paratoi cynnyrch aseptig

Mae'r safon hon yn cwmpasu gwirio dogfennau a deunyddiau cyn paratoi cynnyrch aseptig.  Mae'n cwmpasu paratoi aseptig ar gyfer gweinyddu a gweithgynhyrchu.

Bydd eich ymarfer yn cydweddu â'ch rôl alwedigaethol ac yn cael ei gyflawni o dan y fframweithiau rheoliadol, proffesiynol a moesegol a sefydlwyd yng nghyd-destun deddfwriaeth gyfredol. Bydd angen i chi ymdrin â'ch gwaith mewn modd adfyfyriol.

Byddwch bob amser yn gweithio oddi mewn i Weithdrefnau Gweithredu Safonol sy'n ymwneud â sut mae gwasanaeth fferyllfa'n cael ei ddarparu yn eich gweithle. Dylid mabwysiadu dull gweithredu gofalgar, tosturiol, yn unol â'r canllawiau gofal iechyd cyfredol. Bydd angen i ddefnyddwyr y safon hon sicrhau bod eu hymarfer yn adlewyrchu'r wybodaeth a'r polisïau diweddaraf.

---

1. gweithio oddi mewn i'r Gweithdrefnau Gweithredu Safonol, gan gynnwys y gweithdrefnau iechyd a diogelwch perthnasol, ac oddi mewn i'ch terfynau cymhwysedd eich hun
2. gwirio bod gennych y dogfennau cywir ar gyfer y cynnyrch
3. sicrhau bod y deunyddiau cychwynnol wedi cael eu casglu'n gywir ac yn barod ar gyfer y broses aseptig
4. gwirio bod y trawsgrifiadau, y cyfrifiadau, y rhifau sypiau a'r dyddiadau dod i ben i gyd yn gywir
5. gwirio'r rhif swp a ddyrannwyd a'r dyddiad dod i ben ar gyfer y cynnyrch 
6. gwirio bod y dogfennau a'r labeli a gynhyrchwyd yn gywir, yn gyflawn, ac yn ddarllenadwy
7. sicrhau bod y deunyddiau crai a'r cyfarpar/nwyddau traul cywir wedi cael eu crynhoi ar gyfer y cynnyrch ac yn addas at y diben
8. rhoi cynnyrch mewn cwarantîn yn unol â gofynion sefydliadol
9. cofnodi ac adrodd am unrhyw gamgymeriadau a fu bron â digwydd neu wallau, yn unol â gweithdrefnau sefydliadol
10. rhoi adborth i gydweithwyr ynghylch unrhyw gamgymeriadau a fu bron â digwydd neu wallau er mwyn lleiafu'r gwallau posibl yn y dyfodol
11. gweithredu oddi mewn i derfynau eich awdurdod a chyfeirio unrhyw broblemau at berson priodol
12. cwblhau'r holl ddogfennau perthnasol a'u storio'n briodol, yn unol â gofynion cyfreithiol a sefydliadol

---

1. beth yw'r Gweithdrefnau Gweithredu Safonol a phwysigrwydd cadw atynt bob amser
2. pwysigrwydd gweithio oddi mewn i derfynau eich cymhwysedd a'ch awdurdod, pryd mae angen ceisio cytundeb neu ganiatâd pobl eraill, a phryd mae angen cyfeirio materion ymlaen at berson priodol
3. deddfwriaeth iechyd a diogelwch gyfredol a sut mae'n berthnasol i'r amgylchedd gwaith
4. gofynion cyfreithiol, sefydliadol a pholisi sy'n berthnasol i'ch rôl chi, i rôl pobl eraill yn eich sefydliad, a'r gweithgareddau sy'n cael eu cyflawni
5. y canllawiau, y polisïau a'r gweithdrefnau cenedlaethol a lleol perthnasol sydd ar gael, a sut a phryd dylid eu cyrchu
6. pwysigrwydd cadw at bolisïau llywodraethu gwybodaeth a chynnal cyfrinachedd wrth rannu gwybodaeth am unigolion gydag eraill
7. y ddyletswydd i roi gwybod am unrhyw weithredoedd neu ddiffyg gweithredu a allai fod yn niweidiol i unigolion, i chi eich hunan, i gydweithwyr neu i'ch cyflogwr
8. egwyddorion ymarfer gweithgynhyrchu da, gan gynnwys systemau ansawdd fferyllol a'ch rôl chithau yn hynny
9. y canllawiau cydnabyddedig ar gyfer y broses aseptig
10. y gwahaniaeth rhwng paratoi ar gyfer cleifion unigol a pharatoi ar gyfer stoc a sut mae hynny'n cael ei roi ar waith yn gyffredinol yn y gweithle
11. pwysigrwydd cadw'r amgylchedd gweithio yn lân
12. pwysigrwydd hylendid personol a defnydd cywir o ddillad amddiffynnol / ystafell lân
13. y gwahanol fathau o ardaloedd amgylcheddol a reolir a phryd dylid eu defnyddio
14. ffynonellau posibl halogi a'r dulliau atal priodol
15. y gwahanol fathau o gynnyrch
16. nodweddion cemegol a ffisegol cynhwysion sy'n berthnasol i'r ffurfio a'r cymysgu, gan gynnwys unrhyw ryngweithio sy'n digwydd o ran y deunyddiau crai a'r cydrannau
17. egwyddorion cyfrifiadau fformwlâu, pwysau a mesurau
18. y deunyddiau a'r cyfarpar sy'n angenrheidiol ar gyfer paratoi cynnyrch aseptig
19. technegau aseptig a phryd mae defnyddio'r gwahanol brosesau i leiafu unrhyw risgiau cysylltiedig
20. pwysigrwydd cyflawni gwiriadau cywirdeb ac ansawdd
21. y rhesymau am systemau gweithio diogel, gan gynnwys y gofynion cwarantîn a'r prosesau gwirio priodol
22. pwysigrwydd defnyddio dogfennau cymeradwy
23. sut mae canfod camgymeriadau a fu bron â digwydd a gwallau
24. achosion a chanlyniadau camgymeriadau a fu bron â digwydd a gwallau
25. gweithdrefnau a sianeli cyfathrebu lleol a/neu genedlaethol ar gyfer rhoi gwybod am wallau
26. pwysigrwydd cofnodi, storio ac adalw gwybodaeth, yn unol â gweithdrefnau sefydliadol

---

---

---

---

---

---

---

---

---

Mae'r safon hon yn cysylltu â'r dimensiwn canlynol oddi mewn i Fframwaith Gwybodaeth a Sgiliau y GIG (Hydref 2004):

Dimensiwn: HWB10
Cynnyrch i fodloni anghenion iechyd a llesiant

---

---

01 Chwef 2021

---

Ar hyn o bryd

---

Gwreiddiol

---

Sgiliau er Iechyd

---

SFHPHARM23

---

Gweithwyr iechyd proffesiynol, Gweithwyr Proffesiynol Cysylltiedig â Iechyd

---

---

Aseptig; cynhyrchu; gweithgynhyrchu; fferyllol; cemotherapi; sytotocsig; cyffuriau; fferylliaeth

---