Gweithgynhyrchu cynnyrch meddyginiaethol a'u crynhoi

Mae'r safon hon yn cwmpasu'r prosesau a'r gweithdrefnau ar gyfer gweithgynhyrchu, pecynnu a thros-labelu sypiau o gynnyrch meddyginiaethol, gan gynnwys paratoi'r amgylchedd a'r hunan. Mae hefyd yn cwmpasu torri cynwysyddion mawr o gynnyrch meddyginiaethol i lawr a'u hailbecynnu i feintiau sy'n briodol i'w defnyddio. Yr enw ar hyn yw crynhoi, ac yn aml cyfeirir ato fel rhag-becynnu.

Bydd eich ymarfer yn cydweddu â'ch rôl alwedigaethol ac yn cael ei gyflawni o dan y fframweithiau rheoliadol, proffesiynol a moesegol a sefydlwyd yng nghyd-destun deddfwriaeth gyfredol. Bydd angen i chi ymdrin â'ch gwaith mewn modd adfyfyriol.

Byddwch bob amser yn gweithio oddi mewn i Weithdrefnau Gweithredu Safonol sy'n ymwneud â sut mae gwasanaeth fferyllfa'n cael ei ddarparu yn eich gweithle. Dylid mabwysiadu dull gweithredu gofalgar, tosturiol, yn unol â'r canllawiau gofal iechyd cyfredol. Bydd angen i ddefnyddwyr y safon hon sicrhau bod eu hymarfer yn adlewyrchu'r wybodaeth a'r polisïau diweddaraf.

---

1. gweithio oddi mewn i'r Gweithdrefnau Gweithredu Safonol, gan gynnwys y gweithdrefnau iechyd a diogelwch perthnasol, ac oddi mewn i'ch terfynau cymhwysedd eich hun
2. sicrhau bod cyfarpar wedi cael ei wirio i sicrhau ei fod wedi'i galibreiddio a'i ddilysu cyn ei ddefnyddio
3. cyn i chi gychwyn ar y gwaith paratoi, cadarnhau bod y dogfennau cywir, y deunyddiau crai, y cyfarpar a'r nwyddau traul ar gael ac yn barod i'w defnyddio
4. monitro'r paramedrau amgylcheddol perthnasol a sicrhau, lle bo hynny'n briodol, eu bod o fewn y terfynau a bennwyd
5. cymryd camau gweithredu priodol os yw'r paramedrau amgylcheddol y tu allan i'r terfynau a bennwyd
6. gwisgo'r dillad priodol sy'n berthnasol i'r maes gwaith, gan ddilyn y weithdrefn gywir
7. sicrhau bod yr ardaloedd amgylcheddol yn lân ac wedi'u paratoi gan ddefnyddio'r deunyddiau cywir
8. paratoi cynnyrch yn unol â'r dogfennau, gan ddefnyddio'r broses a'r cyfarpar cywir, ac ymgymryd â'r holl wiriadau proses ar yr adegau perthnasol
9. cwblhau unrhyw brosesau sterileiddio/glanweithio er mwyn bodloni'r gofynion sicrhau ansawdd
10. labelu'r cynnyrch, ei becynnu, ac os bydd angen ei labelu mewn unrhyw becynnu eilaidd a pharatoi samplau rheoli ansawdd fel sy'n briodol
11. cwblhau'r holl gysoni a chyfrifiadau angenrheidiol yn gywir o ran y cynnyrch, y pecynnu a'r labelu
12. cwblhau'r holl ddogfennau'n glir ac yn gywir, yn barod i'w gwirio
13. rhoi cynnyrch mewn cwarantîn yn unol â gofynion sefydliadol
14. sicrhau bod yr ardaloedd amgylcheddol yn cael eu glanhau a'u dadhalogi gan ddefnyddio'r dull a'r cyfarpar priodol
15. sicrhau bod yr holl gyfarpar yn cael ei ddatod, ei lanhau, ei ddadhalogi a'i storio neu ei waredu'n gywir, yn unol â'r Gweithdrefnau Gweithredu Safonol
16. rhoi gwybod i berson priodol am unrhyw ganlyniadau nad ydynt yn cyfateb i'r fanyleb, digwyddiadau anghyffredin neu ddiffygion, yn unol â'r Gweithdrefnau Gweithredu Safonol
17. cofnodi ac adrodd am unrhyw gamgymeriadau a fu bron â digwydd neu wallau, yn unol â gweithdrefnau sefydliadol
18. rhoi adborth i gydweithwyr ynghylch unrhyw gamgymeriadau a fu bron â digwydd neu wallau er mwyn lleiafu'r gwallau posibl yn y dyfodol
19. cymryd cam gweithredu priodol yn dilyn digwyddiad anghyffredin, oddi mewn i derfynau eich awdurdod
20. cwblhau'r holl ddogfennau perthnasol a'u storio'n briodol, yn unol â gofynion cyfreithiol a sefydliadol

---

1. beth yw'r Gweithdrefnau Gweithredu Safonol a phwysigrwydd cadw atynt bob amser
2. pwysigrwydd gweithio oddi mewn i derfynau eich cymhwysedd a'ch awdurdod, pryd mae angen ceisio cytundeb neu ganiatâd pobl eraill, a phryd mae angen cyfeirio materion ymlaen at berson priodol
3. deddfwriaeth iechyd a diogelwch gyfredol a sut mae'n berthnasol i'r amgylchedd gwaith
4. gofynion cyfreithiol, sefydliadol a pholisi sy'n berthnasol i'ch rôl chi, i rôl pobl eraill yn eich sefydliad, a'r gweithgareddau sy'n cael eu cyflawni
5. y canllawiau, y polisïau a'r gweithdrefnau cenedlaethol a lleol perthnasol sydd ar gael, a sut a phryd dylid eu cyrchu
6. pwysigrwydd cadw at bolisïau llywodraethu gwybodaeth a chynnal cyfrinachedd wrth rannu gwybodaeth am unigolion gydag eraill
7. y ddyletswydd i roi gwybod am unrhyw weithredoedd neu ddiffyg gweithredu a allai fod yn niweidiol i unigolion, i chi eich hunan, i gydweithwyr neu i'ch cyflogwr
8. egwyddorion ymarfer gweithgynhyrchu da, gan gynnwys systemau ansawdd fferyllol a'ch rôl chithau yn hynny
9. y gwahaniaeth rhwng paratoi ar gyfer cleifion unigol a pharatoi ar gyfer stoc a sut mae hynny'n cael ei roi ar waith yn gyffredinol yn y gweithle
10. canllawiau sy'n ymwneud â gweithgynhyrchu cynnyrch meddyginiaethol
11. pwysigrwydd defnyddio dogfennau cymeradwy
12. pwysigrwydd cadw'r amgylchedd gweithio yn lân
13. hylendid personol a defnyddio dillad amddiffynnol / ystafell lân
14. ffynonellau posibl halogi a'r dulliau atal priodol 
15. pwysigrwydd paramedrau amgylcheddol, sut mae cyflawni eu gweithdrefnau monitro ac atgyfeirio os ydynt y tu allan i'r terfynau a bennwyd
16. nodweddion cemegol a ffisegol cynhwysion sy'n berthnasol i'r ffurfio a'r cymysgu, gan gynnwys unrhyw ryngweithio sy'n digwydd o ran y deunyddiau crai a'r cydrannau
17. egwyddorion cyfrifiadau fformwlâu, pwysau a mesurau
18. paratoi cyfarpar, ei gydosod, a'i gynnal
19. egwyddorion, nodweddion a defnyddiau gwahanol fathau o gynwysyddion a phryd mae defnyddio'r gwahanol fathau
20. natur a defnydd gwahanol ffurfiau o'r cynnyrch
21. paratoi a defnyddio amodau a reolir yn amgylcheddol
22. yr egwyddorion a'r gweithdrefnau ar gyfer paratoi cynnyrch meddyginiaethol
23. cysoni'r deunyddiau a'r gofynion labelu a phecynnu
24. y rhesymau am systemau gweithio diogel, gan gynnwys y gofynion cwarantîn a'r prosesau gwirio priodol
25. sut mae canfod camgymeriadau a fu bron â digwydd a gwallau
26. achosion a chanlyniadau camgymeriadau a fu bron â digwydd a gwallau
27. gweithdrefnau a sianeli cyfathrebu lleol a/neu genedlaethol ar gyfer rhoi gwybod am wallau
28. egwyddorion a gweithdrefnau ar gyfer sterileiddio cynnyrch
29. gwaredu deunyddiau gwastraff a deunyddiau glanhau yn ddiogel
30. sut mae datod, glanhau, dadhalogi a storio cyfarpar yn gywir
31. sut mae glanhau a dadhalogi'r ardal baratoi
32. pwysigrwydd cofnodi, storio ac adalw gwybodaeth, yn unol â gweithdrefnau sefydliadol

---

---

---

---

---

---

---

---

---

Mae'r safon hon yn cysylltu â'r dimensiwn canlynol oddi mewn i Fframwaith Gwybodaeth a Sgiliau y GIG (Hydref 2004):

Dimensiwn: HWB10
Cynnyrch i fodloni anghenion iechyd a llesiant

---

---

01 Chwef 2021

---

Ar hyn o bryd

---

Gwreiddiol

---

Sgiliau er Iechyd

---

SFHPHARM17 & SFHPHARM16

---

Gweithwyr iechyd proffesiynol, Gweithwyr Proffesiynol Cysylltiedig â Iechyd

---

---

sterilaidd; gweithgynhyrchu; swp; cynhyrchu; fferylliaeth; rhag-becynnu; crynhoi; heb fod yn sterilaidd

---