Cyflwyno eitemau a ragnodwyd

Mae'r safon hon yn cwmpasu cyflwyno eitemau a ragnodwyd sydd wedi'u gweinyddu a darparu cyngor fferyllol i unigolion am yr eitemau sy'n cael eu cyflwyno.

Bydd eich ymarfer yn cydweddu â'ch rôl alwedigaethol ac yn cael ei gyflawni o dan y fframweithiau rheoliadol, proffesiynol a moesegol a sefydlwyd yng nghyd-destun deddfwriaeth gyfredol. Bydd angen i chi ymdrin â'ch gwaith mewn modd adfyfyriol.

Byddwch bob amser yn gweithio oddi mewn i Weithdrefnau Gweithredu Safonol sy'n ymwneud â sut mae gwasanaeth fferyllfa'n cael ei ddarparu yn eich gweithle. Dylid mabwysiadu dull gweithredu gofalgar, tosturiol, yn unol â'r canllawiau gofal iechyd cyfredol. Bydd angen i ddefnyddwyr y safon hon sicrhau bod eu hymarfer yn adlewyrchu'r wybodaeth a'r polisïau diweddaraf.

---

1. cyfathrebu â'r unigolyn a phobl allweddol ar gyflymdra, mewn modd, ac ar lefel sy'n briodol ar gyfer dealltwriaeth, dewisiadau ac anghenion yr unigolyn
2. gweithio oddi mewn i'r Gweithdrefnau Gweithredu Safonol, gan gynnwys y gweithdrefnau iechyd a diogelwch perthnasol, ac oddi mewn i'ch terfynau cymhwysedd eich hun
3. cynnal cyfrinachedd yr unigolyn bob amser
4. cadarnhau bod cyflwyno'r eitem a ragnodwyd oddi mewn i derfynau eich rôl alwedigaethol
5. cadarnhau hunaniaeth yr unigolyn, a'i fod yn cyfateb i'r presgripsiwn
6. nodi a yw'r unigolyn wedi defnyddio'r eitem a ragnodwyd yn y gorffennol
7. canfod a yw'r unigolyn yn cymryd unrhyw feddyginiaeth arall, a ragnodwyd neu beidio, a chymryd y camau gweithredu priodol
8. cadarnhau bod yr eitem(au) neu'r cynnyrch a ragnodwyd yn cyfateb i'r presgripsiwn ac mai dyna'r hyn mae'r unigolyn yn ei ddisgwyl
9. cyflwyno'r moddion neu'r cynnyrch yn unol â'r Gweithdrefnau Gweithredu Safonol
10. darparu cyngor a gwybodaeth briodol i'r unigolyn ynghylch defnyddio'r eitem a ragnodwyd yn glir ac yn gywir, ac yn y fformat mwyaf priodol
11. darparu'r holl eitemau amrywiol angenrheidiol a thaflenni gwybodaeth i gleifion
12. cadarnhau dealltwriaeth yr unigolyn o unrhyw gyngor neu wybodaeth a roddwyd
13. nodi pryd bydd angen cyngor pellach neu wybodaeth ar yr unigolyn
14. cyfeirio'r unigolyn at berson priodol, gan ddarparu'r holl wybodaeth berthnasol
15. cwblhau'r holl ddogfennau perthnasol a'u storio'n briodol, yn unol â gofynion cyfreithiol a sefydliadol

---

1. beth yw'r Gweithdrefnau Gweithredu Safonol a phwysigrwydd cadw atynt bob amser
2. pwysigrwydd gweithio oddi mewn i derfynau eich cymhwysedd a'ch awdurdod, pryd mae angen ceisio cytundeb neu ganiatâd pobl eraill, a phryd mae angen cyfeirio materion ymlaen at berson priodol
3. deddfwriaeth iechyd a diogelwch gyfredol a sut mae'n berthnasol i'r amgylchedd gwaith
4. gofynion cyfreithiol, sefydliadol a pholisi sy'n berthnasol i'ch rôl chi, i rôl pobl eraill yn eich sefydliad, a'r gweithgareddau sy'n cael eu cyflawni
5. y canllawiau, y polisïau a'r gweithdrefnau cenedlaethol a lleol perthnasol sydd ar gael, a sut a phryd dylid eu cyrchu
6. pwysigrwydd cadw at bolisïau llywodraethu gwybodaeth a chynnal cyfrinachedd wrth rannu gwybodaeth am unigolion gydag eraill
7. y ddyletswydd i roi gwybod am unrhyw weithredoedd neu ddiffyg gweithredu a allai fod yn niweidiol i unigolion, i chi eich hunan, i gydweithwyr neu i'ch cyflogwr
8. y canllawiau cyfredol ar gyfer cyflwyno eitemau a ragnodwyd
9. y gofynion moesegol a chyfreithiol cyfredol sy'n llywodraethu cyflwyno presgripsiwn
10. dulliau o ganiatáu cyfathrebu effeithiol a chefnogi unigolion i gyfleu eu hanghenion, eu barn a'u dewisiadau
11. sut mae diwallu anghenion yr unigolyn
12. sut mae moddion yn cael eu gweinyddu
13. sut mae moddion yn cael eu defnyddio a'r effaith maen nhw'n ei chael ar ffisioleg dynol
14. gweithredoedd a defnydd cyffuriau, gan gynnwys rhyngweithiad cyffuriau â'i gilydd a'r gwrth-ddangosyddion
15. yr agweddau a'r goblygiadau seicolegol, galwedigaethol a chymdeithasol ar gyfer unigolion sy'n byw gyda chyflyrau
16. pwysigrwydd sicrhau bod yr eitem a ragnodwyd yn cael ei gyflwyno i'r unigolyn cywir
17. pwysigrwydd trafod yr wybodaeth berthnasol gyda'r unigolyn i sicrhau bod yr eitemau a ragnodwyd yn cael eu defnyddio a'u storio'n gywir
18. sut mae rhoi gwybod i unigolion os yw'r cryfder, y ffurf, y dogn a'r swm wedi newid ers i'r moddion gael ei gyflwyno ddiwethaf
19. sut mae cynghori unigolion ynghylch gweithredoedd a defnydd eitemau a ragnodwyd, gan gynnwys rhyngweithiad gwahanol gyffuriau a'u gwrth-ddangosyddion
20. pwysigrwydd cofnodi, storio ac adalw gwybodaeth, yn unol â gweithdrefnau sefydliadol

---

---

---

---

---

---

---

---

---

Mae'r safon hon yn cysylltu â'r dimensiwn canlynol oddi mewn i Fframwaith Gwybodaeth a Sgiliau y GIG (Hydref 2004):

Dimensiwn: HWB10
Cynnyrch i fodloni anghenion iechyd a llesiant

---

---

01 Chwef 2021

---

Ar hyn o bryd

---

Gwreiddiol

---

Sgiliau er Iechyd

---

SFHPHARM10

---

Gweithwyr iechyd proffesiynol, Gweithwyr Proffesiynol Cysylltiedig â Iechyd

---

---

presgripsiynau; eitemau a weinyddwyd; fferylliaeth; moddion; cyflwyno; cyngor; gwybodaeth

---