Cynorthwyo i ddarparu gwasanaeth fferyllfa
Trosolwg
Mae'r safon hon yn ymwneud â gwrando ar anghenion unigolyn a darparu gwybodaeth a chyngor a fydd yn bodloni eu gofynion, yn ogystal â delio gydag achosion o gwynion, ymholiadau a phryderon o ddydd i ddydd.
Bydd eich ymarfer yn cydweddu â'ch rôl alwedigaethol ac yn cael ei gyflawni o dan y fframweithiau rheoliadol, proffesiynol a moesegol a sefydlwyd yng nghyd-destun deddfwriaeth gyfredol. Bydd angen i chi ymdrin â'ch gwaith mewn modd adfyfyriol.
Byddwch bob amser yn gweithio oddi mewn i Weithdrefnau Gweithredu Safonol sy'n ymwneud â sut mae gwasanaeth fferyllfa'n cael ei ddarparu yn eich gweithle. Dylid mabwysiadu dull gweithredu gofalgar, tosturiol, yn unol â'r canllawiau gofal iechyd cyfredol. Bydd angen i ddefnyddwyr y safon hon sicrhau bod eu hymarfer yn adlewyrchu'r wybodaeth a'r polisïau diweddaraf.
Meini prawf perfformiad
Mae'n rhaid eich bod chi'n gallu:
- cyfathrebu â'r unigolyn a phobl allweddol ar gyflymdra, mewn modd, ac ar lefel sy'n briodol ar gyfer dealltwriaeth, dewisiadau ac anghenion yr unigolyn
- addasu i'r dulliau cyfathrebu llafar a di-eiriau a gynigir gan yr unigolyn
- gweithio oddi mewn i'r Gweithdrefnau Gweithredu Safonol, gan gynnwys y gweithdrefnau iechyd a diogelwch perthnasol, ac oddi mewn i'ch terfynau cymhwysedd eich hun
- cydnabod ceisiadau am wybodaeth gan unigolion mewn modd proffesiynol
- canfod anghenion unigolion yn gywir trwy eu holi'n briodol
- gwirio a chytuno gyda'r unigolyn ynghylch eich canfyddiadau o'u hanghenion
- trafod y camau nesaf a'u cadarnhau gyda'r unigolyn
- darparu gwybodaeth yn glir ac mewn modd y gall yr unigolyn ei ddeall, oddi mewn i derfynau eich cymhwysedd
- gwirio bod yr wybodaeth rydych wedi'i rhoi yn diwallu anghenion yr unigolyn
- lle mae unrhyw wybodaeth sy'n ofynnol y tu allan i gylch gwaith eich rôl, cyfeirio'r unigolyn at y person priodol, fel y nodwyd yn y Gweithdrefnau Gweithredu Safonol
- lle mae gan yr unigolyn gwestiwn, cwyn neu bryder, cymryd camau i ddatrys hynny yn unol â'r Gweithdrefnau Gweithredu Safonol a'r polisïau sefydliadol ar gyfer gwasanaeth cwsmeriaid
- lle bo hynny'n briodol, cwblhau'r holl ddogfennau perthnasol a'u storio'n briodol, yn unol â gofynion cyfreithiol a sefydliadol
Gwybodaeth a Dealltwriaeth
You need to know and understand:
- beth yw'r Gweithdrefnau Gweithredu Safonol a phwysigrwydd cadw atynt bob amser
- pwysigrwydd gweithio oddi mewn i derfynau eich cymhwysedd a'ch awdurdod, pryd mae angen ceisio cytundeb neu ganiatâd pobl eraill, a phryd mae angen cyfeirio materion ymlaen at berson priodol
- deddfwriaeth iechyd a diogelwch gyfredol a sut mae'n berthnasol i'r amgylchedd gwaith
- gofynion cyfreithiol, sefydliadol a pholisi sy'n berthnasol i'ch rôl chi, i rôl pobl eraill yn eich sefydliad, a'r gweithgareddau sy'n cael eu cyflawni
- y canllawiau, y polisïau a'r gweithdrefnau cenedlaethol a lleol perthnasol sydd ar gael, a sut a phryd dylid eu cyrchu
- pwysigrwydd cadw at bolisïau llywodraethu gwybodaeth a chynnal cyfrinachedd wrth rannu gwybodaeth am unigolion gydag eraill
- y ddyletswydd i roi gwybod am unrhyw weithredoedd neu ddiffyg gweithredu a allai fod yn niweidiol i unigolion, i chi eich hunan, i gydweithwyr neu i'ch cyflogwr
- beth mae gwasanaeth cwsmeriaid da yn ei olygu
- polisi'r sefydliad ar y gwasanaeth sy'n cael ei ddarparu i unigolion a sut mae hynny'n berthnasol i'ch rôl
- gweithdrefn y sefydliad ar gyfer ymdrin â chwynion
- sut mae asesu cwynion a pha gamau i'w cymryd
- pryd dylech chi gyfeirio cwynion ymlaen, ac at bwy
- dulliau o ganiatáu cyfathrebu effeithiol a chefnogi unigolion i gyfleu eu hanghenion, eu barn a'u dewisiadau
- pwysigrwydd canfod gofynion unigolion yn glir ac yn gywir
- pwysigrwydd casglu'r wybodaeth berthnasol am yr unigolyn a'u problem
- pwysigrwydd cyfathrebu llafar a di-eiriau wrth gyfathrebu ag unigolion
- sut mae rhoi gwybodaeth glir a chywir, a gwirio dealltwriaeth yr unigolyn
- sut mae rheoli gwrthdaro a/neu unigolion sy'n drallodus
- cynnyrch a gwasanaethau perthnasol neu gyngor y mae angen darparu gwybodaeth a/neu gyngor yn eu cylch
- ble mae cael cymorth os na allwch chi ddarparu gwybodaeth a chyngor eich hun
- ffynhonnell/ffynonellau gwybodaeth y gellir ei chyrchu a'r wybodaeth y gallwch chi a chydweithwyr eraill ei rhoi i unigolion
- pwysigrwydd cofnodi, storio ac adalw gwybodaeth, yn unol â gweithdrefnau sefydliadol
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Mae'r safon hon yn cysylltu â'r dimensiwn canlynol oddi mewn i Fframwaith Gwybodaeth a Sgiliau y GIG (Hydref 2004):
Dimensiwn: Craidd 1
Cyfathrebu