Cynorthwyo â chefnogi a monitro unigolion yn yr amgylchedd gofal amdriniaethol

Mae’r safon hon yn ymwneud â chyflawni gweithgareddau gofal dirprwyedig, sydd o fewn cwmpas a chyfyngiadau eich cymhwysedd, eich cyfrifoldebau a’ch atebolrwydd eich hun, i gynorthwyo’r ymarferwr cofrestredig â chefnogi, monitro a gofalu am unigolion cyn, yn ystod ac ar ôl gweithdrefnau clinigol yn yr amgylchedd gofal amdriniaethol.  Byddwch yn gweithio o dan gyfarwyddyd ymarferwr cofrestredig. Nid yw’r safon hon yn cynnwys gwneud mesuriadau o baramedrau ffisiolegol.  

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei gydsyniad, ei breifatrwydd, ei gredoau a'i urddas
7. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
8. darparu cymorth a gofal i'r unigolyn yn unol â gweithdrefnau'r sefydliad
9. monitro anghenion a lles yr unigolyn yn effeithiol bob amser, gan dalu sylw agos i unrhyw feysydd penodol o bryder, fel yr amlygwyd yn y cynllun gofal
10. annog yr unigolyn i fynegi teimladau o anghysur, poen neu drallod
11. lleihau ffactorau a all achosi straen neu drallod gormodol i'r unigolyn o fewn cyfyngiadau'r lleoliad a'r weithdrefn
12. trosglwyddo gwybodaeth berthnasol am anghenion a gofal yr unigolyn i aelodau eraill y tîm gofal a fydd yn ymwneud â'r unigolyn
13. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. ymarfer seiliedig ar dystiolaeth a'i rôl mewn gwella gofal
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. anghenion unigolion, gan gynnwys ystyriaethau'n gysylltiedig ag urddas, cyfrinachedd a phreifatrwydd
12. strwythurau, rolau a chyfrifoldebau rheoli'r sefydliad
13. y gweithdrefnau a'r dulliau sy'n gysylltiedig â chydlynu timau rhyngddisgyblaethol ac amlddisgyblaethol o fewn ac ar draws gwasanaethau
14. pwysigrwydd cymryd camau rhagofalus safonol a chanlyniadau posibl ymarfer gwael 
15. pwysigrwydd gwirio cynlluniau gofal amdriniaethol unigol cyn dechrau gweithgareddau cefnogi a monitro
16. pwysigrwydd cefnogaeth lafar a dieiriau i unigolion sy'n cael gweithdrefnau clinigol yn yr amgylchedd amdriniaethol
17. y ffyrdd y gall fod yn rhaid cyfyngu ar hawliau a dewis unigol oherwydd natur yr amgylchedd amdriniaethol a'r gweithdrefnau
18. yr effaith y gall credoau a dewisiadau personol unigolion ei chael ar eu hymddygiad a'u hagwedd yn gysylltiedig â lleoliadau amgylchedd amdriniaethol
19. effeithiau rhagfoddion a thawelydd ar unigolion, a'r gwahaniaeth y mae ailfeddyginiaethu yn ei wneud i'r gweithgareddau cefnogaeth, gofal a monitro y mae eu hangen
20. sut gall lleoliadau a gweithdrefnau amdriniaethol achosi straen a thrallod i unigolion a sut gellir lleihau ffactorau amgylcheddol sy'n achosi straen a thrallod
21. arwyddion trallod unigol a sut i gynorthwyo unigolion sydd mewn trallod, neu a all fynd yn drallodus
22. pwysigrwydd arsylwi unigolion yn agos, a rhoi gwybod am unrhyw bryderon yn ddi-oed
23. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel 

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHPCS5

---

Gweithwyr iechyd proffesiynol, Gwasanaethau Cyhoeddus a Gofal, Lechyd, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Gofal, amdriniaethol, cynorthwyo, cefnogi, monitro

---