Cyflawni rôl gylchredol, heb fod mewn sgrybs, ar gyfer gweithdrefnau amdriniaethol

Mae'r safon hon yn ymwneud â'r rôl gylchredol, heb fod mewn sgrybs, yn cynorthwyo timau amdriniaethol yn ystod gweithdrefnau amdriniaethol.

Mae hyn yn cynnwys paratoi a gosod dyfeisiau a chyfarpar meddygol, clinigol, gan ddarparu'r eitemau hyn i'r tîm llawfeddygol a monitro'r eitemau a ddefnyddir. Byddwch yn gweithio o dan arweiniad ymarferwr cofrestredig.  

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. sicrhau nad yw eich safle na'ch symudiadau yn peryglu'r maes di-haint
6. cymryd camau priodol yn ddi-oed os bydd unrhyw fethiant yn y maes di-haint
7. dewis a pharatoi'r offerynnau llawdriniaethol a'r eitemau atodol cywir yn ôl yr arbenigedd clinigol, gofynion disgwyliedig y weithdrefn lawfeddygol ac anghenion yr unigolyn
8. cael yr eitemau cywir, gwirio a chynnal uniondeb yr eitemau, a sicrhau bod yr eitem ddethol ar gael i'r aelod priodol o'r tîm yn y modd rhagnodedig ac yn ôl cyfarwyddyd y gweithgynhyrchwr a pholisïau a gweithdrefnau'r sefydliad
9. cyfrif a chofnodi offerynnau, nodwyddau, swabiau ac eitemau atodol ar y cyd ag ymarferwr cofrestredig fel ail wiriwr awdurdodedig cyn dechrau ac ar ôl gorffen, yn unol â pholisïau a gweithdrefnau'r sefydliad
10. trafod a chysylltu dyfeisiau a chyfarpar meddygol yn ddiogel ac yn gywir, yn unol â chyfarwyddiadau gweithgynhyrchwyr a pholisïau'r sefydliad
11. sicrhau bod gwastraff yn cael ei waredu yn unol â pholisïau a gweithdrefnau'r sefydliad
12. trafod a rheoli eitemau wedi'u halogi yn unol â pholisïau'r sefydliad
13. cydymffurfio â pholisïau'r sefydliad ar gyfer ailgyflenwi eitemau a ddefnyddiwyd o stoc a gofynion dilyn ac olrhain
14. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
8. strwythurau, rolau a chyfrifoldebau rheoli'r sefydliad
9. rôl cyrff rheoleiddiol o ran cynnyrch meddygol a gofal iechyd a rheoliadau'n gysylltiedig â dyfeisiau meddygol

10. egwyddorion asepsis yn gysylltiedig â:

    • darparu dyfeisiau meddygol i'r tîm llawfeddygol
    • cynnal y maes di-haint 
      

11. canlyniadau posibl ymarfer gwael o ran paratoi, darparu a monitro dyfeisiau a chyfarpar meddygol

12. y gofynion a'r mathau o offerynnau llawdriniaethol ar gyfer gweithdrefnau ac arbenigeddau clinigol gwahanol, a'u haddasrwydd
13. y camau i'w cymryd os nodir problemau â dyfeisiau meddygol y gofynnwyd amdanynt

14. cyfarpar a ddefnyddir ar gyfer:

    • pwyso swabiau
    • cyfrif offerynnau 
      

15. ffyrdd y gall pobl sy'n gweithio'r tu allan i'r maes di-haint ei beryglu, a sut gellir osgoi hyn

16. yr egwyddorion a'r technegau ar gyfer cyfrif a monitro eitemau llawfeddygol a swabiau
17. pwysigrwydd pwyso swabiau yn gywir wrth amcangyfrif faint o waed sydd wedi'i golli
18. pwysigrwydd gwirio a chadarnhau bod cyflwr dyfeisiau meddygol yn addas cyn eu defnyddio
19. egwyddorion a thechnegau symud a thrafod diogel
20. y meini prawf a'r dulliau ar gyfer gwirio a chynnal sterileiddiwch dyfeisiau meddygol a ddefnyddir mewn gweithdrefnau clinigol
21. y rôl gylchredol a'r cyfrifoldeb am gynnal y maes di-haint
22. y llinellau cyfathrebu cytunedig o fewn timau clinigol o ran gofyn am ddyfeisiau meddygol yn ystod gweithdrefnau clinigol a'u darparu
23. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Skills for Health

---

SFHPCS24

---

Gweithwyr iechyd proffesiynol, Gwasanaethau Cyhoeddus a Gofal, Lechyd, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Gofal, amdriniaethol, heb fod mewn sgrybs, cylchredol, gweithdrefnau

---