Cynorthwyo â throsglwyddo a gosod unigolion o fewn yr amgylchedd amdriniaethol

Mae’r safon hon yn ymwneud â chynorthwyo â pharatoi unigolion a defnyddio cyfarpar ar gyfer trosglwyddiadau a gosod yn fanwl-gywir ar gyfer gweithdrefnau clinigol o fewn yr amgylchedd amdriniaethol.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
7. cyfeirio at ddogfennau asesiad risg yr unigolion ar gyfer system sgorio mannau gwasgu i wirio'r safle gosod a'r cyfarpar y mae eu hangen
8. sicrhau bod y cyfarpar gosod angenrheidiol ar gael, ei fod yn addas at ei ddiben a'i fod yn barod i'w ddefnyddio cyn dechrau'r weithdrefn osod
9. paratoi'r amgylchedd uniongyrchol yn briodol ar gyfer y trosglwyddiad, y symudiad a'r safle gosod y mae ei angen, gan symud unrhyw beryglon posibl
10. symud a thrafod yr unigolyn yn ystod trosglwyddo, symud a gosod mewn ffordd sy'n lleihau poen, anghysur a ffrithiant yr unigolyn, sy'n cynnal ei ddiogelwch ac sy'n sicrhau'r urddas pennaf
11. defnyddio technegau symud a thrafod diogel ac addas, gan sicrhau eich bod yn osgoi:
    • mynd heibio i derfynau eich cyrhaeddiad a'ch pwysau personol
    • peryglu'r unigolyn
    • peryglu aelodau staff eraill
    • achosi difrod i gyfarpar neu i'r amgylchedd 
      
12. defnyddio cyfarpar gosod yn ddiogel ac yn gywir, yn unol â chyfarwyddiadau'r gweithgynhyrchwr a pholisïau'r sefydliad
13. rhoi gwybod yn brydlon i'r aelod priodol o'r tîm gofal am unrhyw newid annisgwyl yng nghyflwr yr unigolyn
14. cadarnhau gyda'r ymarferwr perthnasol bod yr unigolyn yn y safle gosod cywir i:
    • hwyluso'r weithdrefn glinigol
    • cynnal cyfanrwydd y croen
    • osgoi difrod i nerfau 
      
15. defnyddio cyfarpar priodol i:
    • atal anaf
    • hybu cysur yr unigolyn
    • atal colled gwres 
      
16. cyfrannu at yr asesiad a'r gwerthusiad o gyfanrwydd croen yr unigolyn a chofnodi hynny, fel y bo'n briodol
17. cwblhau a storio'r holl ddogfennaeth berthnasol yn unol â gofynion y sefydliad
    

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion a gofalwyr, gan gynnwys ystyriaethau'n gysylltiedig ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. pwysigrwydd gwirio dogfennau asesu risg mannau gwasgu cyn dechrau gweithgareddau gosod
13. sut gall unigolion gyfrannu at y broses drosglwyddo a gosod, neu beidio, a'r ffactorau sy'n cyfyngu ar eu cyfraniad
14. dulliau a thechnegau diogel ar gyfer trosglwyddo a gosod unigolion
15. pwysigrwydd cydlynu camau gweithredu yn effeithiol gyda phobl eraill sydd ynghlwm
16. y croen a'r system gyhyrysgerbydol ac aliniad anatomegol yn gysylltiedig â throsglwyddo a gosod unigolion ar gyfer gweithgareddau clinigol
17. y mathau o gyfarpar a ddefnyddir i symud, trafod a throsglwyddo unigolion, eu diben a'u swyddogaeth
18. dulliau o wirio a pharatoi cyfarpar yn barod i'w ddefnyddio
19. sut i ddefnyddio'r cyfarpar yn ddiogel
20. pwysigrwydd arsylwi unigolion yn fanwl yn ystod trosglwyddiadau, symudiadau a gosod
21. pwysigrwydd sicrhau bod y llwybr yn ddirwystr cyn trosglwyddo unigolion
22. pwrpas a phwysigrwydd gosod yn fanwl-gywir, yn iawn ac yn sefydlog ar gyfer gweithdrefnau amdriniaethol
23. effeithiau meddyginiaeth ar unigolion a'r gwahaniaeth y mae hyn yn ei wneud i'r ffordd y dylid eu trafod
24. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel 

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHPCS23

---

Gweithwyr iechyd proffesiynol, Gwasanaethau Cyhoeddus a Gofal, Lechyd, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Gofal, amdriniaethol, cynorthwyo, trosglwyddo, gosod

---