Darparu offerynnau ac eitemau llawfeddygol i’r tîm llawfeddygol a chynnal y maes di-haint

Mae'r safon hon yn ymwneud â darparu offerynnau llawfeddygol ac eitemau atodol i'r tîm llawfeddygol a monitro'r defnydd ohonynt.  Mae hyn yn cynnwys trosglwyddo offerynnau llawfeddygol ac eitemau atodol ar draws y maes di-haint a gwirio a chyfrif eitemau llawfeddygol gyda'r ymarferwr cofrestredig, yn unol â pholisïau a gweithdrefnau'r sefydliad.

Byddwch yn gweithio mewn rôl 'mewn sgrybs' pan fyddwch chi'n ymgymryd â'r gweithgareddau hyn. 

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. sicrhau nad yw eich safle, eich osgo na'ch symudiadau yn peryglu'r maes di-haint na diogelwch unigol
6. cyfathrebu'n glir ac yn bendant gydag eraill, gan roi gwybodaeth, cyfarwyddyd a chyngor priodol fel nad ydynt yn peryglu'r maes di-haint
7. monitro gweithgareddau'r tîm llawfeddygol yn effeithiol a rhagweld eu gofynion am offerynnau llawfeddygol ac eitemau atodol
8. trafod offerynnau llawfeddygol ac eitemau atodol yn gywir ac yn ddiogel, gan sicrhau nad yw'r maes di-haint a diogelwch unigol yn cael eu peryglu wrth eu trosglwyddo i'r tîm llawfeddygol

9. cadarnhau unrhyw ansicrwydd ynghylch gofynion yn ddi-oed gyda'r aelod priodol o'r tîm llawfeddygol pan fyddwch yn nodi problem yn gysylltiedig ag:

   • offeryn neu eitem
   • y maes di-haint
   • halogi offerynnau 
     

10. dewis a pharatoi'r offerynnau llawfeddygol ac eitemau atodol cywir yn unol â'r arbenigedd clinigol, gofynion disgwyliedig y weithdrefn lawdriniaethol, ac anghenion yr unigolyn

11. cyfrif a chofnodi offerynnau, nodwyddau, swabiau ac eitemau atodol ar y cyd ag ymarferwr cofrestredig fel ail wiriwr awdurdodedig cyn dechrau ac ar ôl gorffen, yn unol â pholisïau a gweithdrefnau'r sefydliad
12. rhoi gwybod yn glir i'r tîm llawfeddygol am niferoedd yr offerynnau ac eitemau atodol ar adegau priodol yn ystod y weithdrefn
13. cael gwared ar offerynnau ac eitemau atodol sydd wedi'u defnyddio a'u trosglwyddo i'r ardal ansteril ar gyfer cyfrif amdanynt a chydymffurfio â gofynion olrhain dyfeisiau meddygol, yn unol â gweithdrefnau'r sefydliad
14. tynnu gorchuddion yn ofalus oddi ar yr unigolyn, gan sicrhau ei urddas a'i ddiogelwch, a chael gwared â nhw yn unol â gweithdrefnau'r sefydliad
15. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
8. strwythurau, rolau a chyfrifoldebau rheoli'r sefydliad
9. y gwahaniaeth rhwng rolau mewn sgrybs a rolau cylchredol
10. egwyddorion asepsis yn gysylltiedig â pharatoi offerynnau llawfeddygol ac eitemau atodol a chynnal y maes di-haint, a chanlyniad posibl arfer gwael
11. ffynonellau, llwybrau trosglwyddo a dinistr organebau pathogenaidd
12. natur a diben meysydd di-haint a disgrifio sut cânt eu sefydlu a'u cynnal
13. sut mae'r maes di-haint yn cyfrannu at reoli haint
14. pwysigrwydd cadw at y dulliau cywir o basio eitemau i'r tîm di-haint a'r ymarferwr perthnasol, a chael eitemau oddi wrthynt
15. sut y gellir peryglu meysydd di-haint yn ystod gweithdrefnau, a'r camau i'w cymryd os bydd hyn yn digwydd
16. y dulliau diogel o gael gwared ar bob math o wastraff o'r maes di-haint
17. y peryglon posibl sy'n gysylltiedig ag offerynnau llawfeddygol ac eitemau atodol a sut y gellir eu hosgoi neu eu lleihau
18. y meini prawf a'r dulliau ar gyfer barnu a yw'r offerynnau llawfeddygol a'r eitemau atodol i'w defnyddio yn ddi-haint
19. y mathau o offerynnau llawfeddygol ac eitemau atodol a ddefnyddir yn gyffredin yn yr arbenigeddau clinigol sy'n berthnasol i'ch ymarfer, eu diben a'u swyddogaeth
20. y gofynion ar gyfer offerynnau llawfeddygol ac eitemau atodol ar gyfer yr arbenigeddau clinigol sy'n berthnasol i'ch ymarfer, a'u haddasrwydd
21. y ffactorau i'w hystyried wrth ddewis offerynnau llawfeddygol ac eitemau atodol
22. pwysigrwydd cadw at gyfarwyddiadau gweithgynhyrchwyr ynghylch paratoi offerynnau llawfeddygol ac eitemau atodol ar gyfer llawdriniaeth
23. pwysigrwydd gwirio a chadarnhau bod cyflwr offerynnau llawfeddygol ac eitemau atodol yn addas cyn eu defnyddio
24. y ffyrdd y mae'r math o weithdrefn a'r arbenigedd clinigol yn effeithio ar yr offerynnau a'r eitemau atodol y mae ar y tîm llawfeddygol eu hangen
25. egwyddorion, dulliau a thechnegau o fonitro offerynnau llawfeddygol ac eitemau atodol
26. dulliau gofalu am offerynnau llawfeddygol ac eitemau atodol, a'u trafod, wrth eu defnyddio
27. yr amseroedd penodol pan mae'n rhaid cynnal gwiriadau ar offerynnau llawfeddygol ac eitemau atodol wrth eu defnyddio
28. pwysigrwydd dilyn gweithdrefnau ar gyfer tracio ac olrhain offerynnau llawfeddygol ac eitemau atodol wrth eu defnyddio
29. canlyniadau posibl ymarfer gwael yn gysylltiedig â thrafod offerynnau llawfeddygol ac eitemau atodol
30. ffyrdd o allu peryglu'r maes di-haint wrth drosglwyddo eitemau, a sut gellir osgoi hyn
31. dulliau cyfathrebu effeithiol ag aelodau'r tîm gofal amdriniaethol yn ystod gweithdrefnau llawdriniaethol
32. cyfrifoldebau unigol holl aelodau'r tîm clinigol o ran monitro a chyfrif am y defnydd o offerynnau llawfeddygol ac eitemau atodol yn ystod gweithdrefnau clinigol
33. y llinellau atebolrwydd penodol o fewn y tîm llawfeddygol
34. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Skills for Health

---

SFHPCS16

---

Gweithwyr iechyd proffesiynol, Gwasanaethau Cyhoeddus a Gofal, Lechyd, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Gofal, amdriniaethol, darparu, llawfeddygol, offerynnau, di-haint

---