Darparu cymorth wrth ochr y gadair yn ystod triniaeth endodontig anllawfeddygol

Mae'r safon hon yn mynd i'r afael â chymorth wrth ochr y gadair yn ystod triniaeth endodontig anllawfeddygol, fel triniaeth sianel y gwreiddyn, a gall alw am ddefnyddio deintyddiaeth pedair llaw. Bydd angen i chi ragweld anghenion y gweithredwr am gyfarpar, offerynnau, deunyddiau a meddyglynnau, a dewis y rhai cywir. Hefyd, bydd angen i chi gadw yr ardal weithredu'n glir, gan sicrhau bod eich gweithredoedd yn ategu gweithredoedd aelodau eraill y tîm.

Bydd angen i chi wybod am ddiben y driniaeth anllawfeddygol a'r rhesymau drosti, risgiau posibl y driniaeth, a'r cyfarpar, yr offerynnau, y deunyddiau a'r meddyglynnau sydd ynghlwm.

Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cadarnhau pwy yw'r unigolyn yn unol â gweithdrefnau'r sefydliad
6. ennill cydsyniad gwybodus, dilys gan yr unigolyn yn unol â gweithdrefnau penodol 
7. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
8. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas
9. rhoi cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
10. cymhwyso rhagofalon safonol ar gyfer atal a rheoli heintiau a chymryd camau iechyd a diogelwch priodol eraill
11. adalw a darparu siartiau, cofnodion a delweddau'r unigolyn a nodi'r driniaeth arfaethedig yn gywir 
12. darparu cymorth priodol wrth roi analgesia lleol neu ranbarthol 

13. rhagweld, dewis a threfnu'r cyfarpar, yr offer, y deunyddiau a'r meddyglynnau ar gyfer camau canlynol y driniaeth endodontig:

    • mynediad
    • ynysu
    • paratoi 
    • mesur
    • argáu
    • adfer 

14. cynorthwyo'r gweithredwr a chefnogi'r unigolyn wrth ynysu'r dant

15. allsugno ardal y driniaeth, gan gynnal ardal weithredu glir a chynorthwyo â monitro a chefnogi'r unigolyn yn ystod y driniaeth
16. sicrhau bod cyfarpar a thoddiant dyfrhau ar gael a'u bod yn cael eu trafod yn gywir
17. cynorthwyo'r gweithredwr â mesur a chofnodi hyd y gwreiddyn
18. paratoi'r deunyddiau a'r meddyglynnau priodol ar gyfer gosod dros dro neu osod yn barhaol yn y sianel neu siambr y bywyn
19. monitro a thawelu meddwl yr unigolyn yn barhaus, nodi unrhyw gymhlethdodau a chymryd y camau angenrheidiol yn ddi-oed 
20. paratoi'r deunydd adfer gofynnol a'i gynnig i'r gweithredwr
21. rhoi cyfarwyddiadau ôl-lawdriniaethol ar ofal y geg i'r unigolyn
22. gwaredu gwastraff yn unol â gweithdrefnau'r sefydliad
23. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol 
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn 
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. sut i gael cadarnhad o bwy yw unigolyn yn unol â gweithdrefnau'r sefydliad
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus 
11. strwythur a swyddogaeth dannedd a'r periodontiwm, gan gynnwys nifer y gwreiddiau 
12. anatomi rhanbarthol y pen a'r gwddf ac anatomi deintyddol 
13. diben triniaeth endodontig anllawfeddygol
14. gwahanol ffurfiau posibl triniaeth endodontig anllawfeddygol, gan gynnwys rhandyllu'r bywyn (pulpotomy) a thrychu'r bywyn (pulpectomy)
15. triniaeth endodontig anllawfeddygol a'i pherthynas â mathau eraill o driniaeth ddeintyddol
16. y rhesymau pam y gall fod angen cynnal triniaeth endodontig anllawfeddygol
17. y risgiau a'r cymhlethdodau posibl a allai godi yn ystod ac ar ôl triniaeth endodontig anllawfeddygol
18. y cyfarpar a ddefnyddir wrth roi anesthesia lleol a rhanbarthol 
19. dulliau o lanhau a pharatoi sianelau'r gwreiddyn

20. y cyfarpar, yr offer, y deunyddiau a'r meddyglynnau a ddefnyddir mewn triniaeth endodontig ar gyfer:

    • mynediad
    • ynysu
    • paratoi 
    • mesur
    • argáu

21. y gwahanol ddeunyddiau a ddefnyddir wrth baratoi, argáu ac adfer sianelau'r gwreiddyn ar ôl rhandyllu'r bywyn mewn dannedd cynradd

22. y cyfarpar, y dulliau a'r rhesymau dros reoli lleithder ac ynysu
23. ergonomeg gwaith deintyddol, gan gynnwys seddi, safle'r unigolyn a'r tîm, pasio offerynnau, gosodiad blaen yr allsugnydd
24. dulliau o sicrhau bod gan y gweithredwr olygfa glir o ardal y driniaeth a chanlyniadau gwneud hyn yn anghywir
25. dulliau allsugno yn ystod triniaeth
26. dulliau o amddiffyn a gwrthdynnu'r meinweoedd meddal
27. dulliau gweithio a fydd yn ategu gwaith y gweithredwr a'r rhesymau dros hyn
28. sut i fonitro, cynorthwyo a thawelu meddwl yr unigolyn trwy gydol y driniaeth, gan gynnwys nodi gorbryder
29. y rhesymau dros wylio'r gweithredwr yn barhaus yn ystod y weithdrefn
30. pam mae'n bwysig bod gweithredoedd y gweithiwr yn ategu gwaith aelodau eraill y tîm a sut mae hyn yn cael ei gyflawni
31. rhagofalon safonol a safonau ansawdd atal a rheoli heintiau, a'ch rôl wrth gynnal y rhain
32. y gwahanol fathau o siartiau a chofnodion a ddefnyddir yn y sefydliad, gan gynnwys hanes meddygol, manylion personol, siartiau deintyddol, radiograffau/ffotograffau a modelau astudio ar gyfer asesu a chynllunio triniaeth, a'u diben
33. dulliau gweithio'n effeithiol mewn tîm ym maes gofal iechyd y geg
34. anghenion unigolion, gan gynnwys materion yn gysylltiedig ag urddas, cyfrinachedd a phreifatrwydd 
35. sut i gael gwared ar wastraff yn unol â gweithdrefnau'r sefydliad
36. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

2027

---

Ar hyn o bryd

---

Gwreiddiol

---

Skills for Health

---

SFHOH7

---

Nyrsys Deintyddol, Gofal iechyd y geg, Cynorthwyydd Deintyddol

---

3218

---

Cymorth; wrth ochr y gadair; triniaeth; endodontig; anllawfeddygol

---