Cyfrannu at gynhyrchu delweddau deintyddol

​Bwriedir y safon hon i'r rhai sy'n cyfrannu at y broses o gynhyrchu delweddau deintyddol (digidol neu nad ydynt yn ddigidol) at ddibenion diagnosis a sicrhau ansawdd. Bydd angen i chi paratoi'r cyfarpar a'r deunyddiau ar gyfer cymryd y delweddau deintyddol (gan gynnwys radiograffeg ddeintyddol), ynghyd ag amddiffyn eich hun, aelodau tîm gofal iechyd y geg a'r cyhoedd rhag y peryglon sy'n gysylltiedig ag ymbelydredd sy'n ïoneiddio. Bydd angen i chi wybod am yr amrywiol systemau digidol ffilmiau radiograffig deintyddol. Ni fwriedir i'r safon hon fod yn berthnasol i dafluniadau ceffalometrig.

Bydd angen hyfforddiant pellach ar y gweithwyr iechyd y geg hynny sydd yn cymryd radiograffau deintyddol, yn unol â gofynion deddfwriaeth, rheoliadau a chanllawiau cenedlaethol presennol.

Mae'r safon hon yn berthnasol i aelodau'r tîm gofal iechyd y geg sy'n gyfrifol am brosesu a chynorthwyo â chynhyrchu radiograffau deintyddol.

Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cadarnhau pwy yw'r unigolyn yn unol â gweithdrefnau'r sefydliad
6. ennill cydsyniad gwybodus, dilys gan yr unigolyn yn unol â gweithdrefnau penodol
7. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
8. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas 
9. rhoi cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
10. cymhwyso rhagofalon safonol ar gyfer atal a rheoli heintiau
11. cymryd camau iechyd a diogelwch priodol eraill wrth gynhyrchu delweddau radiograffeg
12. dewis y math cywir o adnoddau ar gyfer y weithdrefn sy'n cael ei chynnal a sicrhau eu bod ar gael i'r gweithredwr
13. cadarnhau bod cyfarpar delweddu yn gweithredu'n llawn a'i fod yn barod i'w ddefnyddio
14. gofyn i unigolion dynnu unrhyw eitemau a allai ymyrryd â'r ddelwedd radiograffig a chynnig esboniadau priodol
15. cynnig cymorth priodol i'r unigolyn a chyfeirio unrhyw gwestiynau sydd y tu hwnt i'ch rôl at aelod priodol o'r tîm
16. cynnal iechyd a diogelwch trwy gydol y weithdrefn ddiogelu
17. defnyddio adnoddau mewn modd sy'n cynnal ansawdd y ddelwedd
18. cynnal camau delweddu yn y drefn gywir ac am yr hyd priodol
19. cyfrannu at gynhyrchu delwedd ddeintyddol sy'n addas at ei diben
20. gwaredu gwastraff a gollyngiadau yn brydlon, ac mewn modd a man diogel
21. cadw cofnodion cywir o wiriadau sicrhau ansawdd
22. storio neu gadw delweddau a gynhyrchwyd yn ôl gweithdrefnau sefydledig y sefydliad
23. gwaredu gwastraff yn unol â gweithdrefnau'r sefydliad
24. cwblhau a storio'r holl ddogfennaeth berthnasol yn unol â gofynion y sefydliad

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. sut i gael cadarnhad o bwy yw unigolyn yn unol â gweithdrefnau'r sefydliad
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. rôl y rhai sy'n gysylltiedig â chynhyrchu delweddau deintyddol
12. egwyddorion ac ymarfer cymryd delweddau deintyddol digidol ac nad ydynt yn ddigidol
13. sut i nodi a pharatoi'r cyfarpar, yr adnoddau a'r defnyddiau traul sy'n ofynnol i gymryd delwedd ddeintyddol
14. y gofynion storio a'r peryglon posibl sy'n gysylltiedig â'r cyfarpar, yr adnoddau a'r defnyddiau traul sy'n ofynnol i gymryd delwedd ddeintyddol
15. y peryglon a'r risgiau sy'n gysylltiedig ag ymbelydreddau ïoneiddio, gan gynnwys yr effeithiau y gallant eu cael ar iechyd cyffredinol ac effeithiau gwahanol ddosys o ymbelydredd ar bobl

16. y mesurau diogelu ymarferol a all gael eu defnyddio i leihau risgiau i unigolion, i'ch hun, i dîm gofal iechyd y geg ac i'r cyhoedd

    • egwyddorion gweithio'n ddiogel gyda deunyddiau ymbelydrol
    • pam y dylai'r dos ymbelydredd fod mor isel ag y bo'n ymarferol yn rhesymol
    • dulliau o fonitro'r ymbelydreddau ïoneiddio y mae staff yn eu cael a diben y rhain
    • arferion a pholisïau'r sefydliad yn gysylltiedig ag ymbelydreddau ïoneiddio a thynnu radiograffau
    • diben sicrhau ansawdd radiograffau deintyddol a pherthynas hyn â diogelu rhag ymbelydredd 

17. sicrhau ansawdd delweddau deintyddol

18. dulliau o drafod y gwahanol ffilmiau â llaw er mwyn cynnal eu hansawdd
19. dulliau cywir o brosesu ffilmiau all-eneuol a mewneneuol a'r rhesymau dros y rhain
20. diffygion proses, gan gynnwys niwlo, dwysedd, cyferbyniad a marciau dwylo, a meini prawf ar gyfer penderfynu a yw delwedd radiograffeg o ansawdd derbyniol
21. dulliau o lanhau'r gwahanol gyfarpar a ddefnyddir, y rhesymau dros wneud hyn a risgiau posibl peidio â gwneud hynny
22. dulliau o gadarnhau bod cyfarpar yn gweithredu'n gywir
23. y camau i'w cymryd rhag ofn y bydd cyfarpar yn methu
24. diben sgriniau dwysau mewn radiograffeg ddeintyddol a'r defnydd ohonynt
25. egwyddorion ac ymarfer Rhagofalon Safonol Rheoli Heintiadau (SICPs)
26. diben y gwahanol gemegion sy'n cael eu defnyddio wrth brosesu
27. y dulliau storio priodol ar gyfer adnoddau delweddau digidol
28. pryderon posibl sydd gan unigolion am ddelweddu deintyddol a dulliau o gynorthwyo unigolion pan gaiff delweddau deintyddol eu cymryd
29. dulliau o gyfleu gwybodaeth yn glir ac yn effeithiol
30. anghenion unigolion, gan gynnwys materion yn gysylltiedig ag urddas, cyfrinachedd a phreifatrwydd
31. sut i gael gwared ar wastraff yn unol â gweithdrefnau'r sefydliad
32. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel