Dylunio a gweithgynhyrchu prosthesisau gan ddefnyddio cysylltion cywrain

Mae'r safon hon yn canolbwyntio ar ddylunio a gweithgynhyrchu, gan ddefnyddio technegau â llaw neu dechnegau digidol, prosthesisau gan ddefnyddio cysylltion cywrain (precision attachment); dyfeisiau deintyddol a wneir yn bwrpasol i ffitio siâp ceg unigryw'r unigolyn ac sy'n cymryd lle un neu fwy o ddannedd coll ac sy'n cynnwys defnyddio cysylltydd cywrain (precision connector) dau ran neu fwy. Bydd un rhan o'r cysylltyn yn gysylltiedig â gwraidd, dant neu fewnblaniad, y rhan arall yn gysylltiedig â phrosthesis artiffisial; mae hyn yn darparu dargadwad mecanyddol (mechanical retention). Gall cysylltion cywrain gael eu defnyddio yn lle breichiau gafael (clasp arms): i ddargadw dannedd gosod rhannol gyda chysylltion allgoronol neu fewngoronol. Mewn dannedd gosod cyflawn, gallant gael eu defnyddio ar wreiddiau neu fewnblaniadau gan gario stydiau neu farrau. 

Dylai prosthesis rhannol neu gyflawn trwy ddefnyddio cysylltion cywrain adfer golwg ddeintyddol naturiol o ran lliw, siâp a maint; dylent ffitio ac achludo yng ngheg yr unigolyn yn gyfforddus, gael eu cadw'n ddiogel yn eu lle yng ngheg yr unigolyn ac ni ddylent ganiatáu i weddillion bwyd gronni. Er mwyn gweithgynhyrchu prosthesis sy'n bodloni'r gofynion esthetig, ffit, achludol a swyddogaethol, mae ar y technegydd angen cast neu gynrychiolaeth ddigidol gywir, cofnod cywir o'r berthynas rhwng gên uwch ac is yr unigolyn a chofnod o liw dannedd yr unigolyn.

Defnyddir y term 'cleient' i olygu'r aelod o'r tîm gofal iechyd y geg sydd wedi rhagnodi'r prosthesis a wneir yn bwrpasol. Gall cleientiaid ddod o'r tu allan i'r sefydliad (fel ymarferwyr deintyddol cyffredinol) neu gallant fod yn fewnol (mewn ysbyty deintyddol). Yr unigolyn yw'r sawl y gwneir y prosthesis a wneir yn bwrpasol ar ei gyfer.

Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. cyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
5. nodi a lleihau peryglon a risgiau yn y gweithle
6. casglu holl wybodaeth y fanyleb ynghyd sy'n ofynnol i ddylunio a gweithgynhyrchu'r prosthesisau gan ddefnyddio cysylltion cywrain
7. cadarnhau cywirdeb y fanyleb gyda phobl eraill berthnasol
8. dewis y cydrannau, y deunyddiau a'r cyfarpar angenrheidiol a chadarnhau eu bod yn addas at y diben
9. gosod y cyfarpar gweithgynhyrchu yn unol â'r fanyleb
10. gweithgynhyrchu'r prosthesisau gan ddefnyddio cysylltion cywrain gan ddefnyddio dulliau a thechnegau priodol 
11. monitro'r broses weithgynhyrchu a'i haddasu fel bo'r angen
12. tynnu neu adfer y cynnyrch wedi'i weithgynhyrchu gan ddefnyddio dull priodol sy'n rhyddhau'r eitem heb achosi difrod
13. gwirio bod y cynnyrch wedi'i weithgynhyrchu yn cyfateb i'r fanyleb a gwneud unrhyw addasiadau angenrheidiol
14. danfon yn unol â gofynion y sefydliad
15. gwaredu gwastraff yn unol â gweithdrefnau'r sefydliad
16. cwblhau a storio'r holl ddogfennaeth berthnasol yn unol â gofynion y sefydliad

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. sut i gyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
7. y peryglon a'r risgiau a allai godi wrth i chi gyflawni eich rôl a sut y gallwch eu lleihau 
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. egwyddorion dylunio a gweithgynhyrchu digidol, a'r defnydd ohonynt
10. cyfarpar, dulliau a thechnegau gweithgynhyrchu digidol perthnasol
11. yr anatomi ysgerbydol, ffisioleg y pen a'r gwddf a morffoleg dannedd
12. strwythur, swyddogaeth a symudiad y cyhyrau orowynebol, gan gynnwys y tafod a'r cymal arlais-fandiblol
13. anhwylderau a chlefydau sy'n effeithio ar geudod y geg
14. etioleg a dosbarthiadau camachludiadau
15. y newidiadau ffisiolegol a phatholegol sy'n gysylltiedig â'r broses heneiddio a thrawma yn gysylltiedig ag amgylchedd y geg
16. effaith colli dannedd ar y feinwe ddeintyddol ategol, prosesau ac effaith adsugnad gwrym (ridge resorption)
17. pwysigrwydd dargadw'r ligament periodontol a'r newidiadau mewn ystumganfod (proprioception) oherwydd colli'r ligament periodontol
18. y ffactorau ehangach (cymdeithasegol, ymddygiadol, amgylcheddol ac economaidd) sy'n cyfrannu at iechyd a salwch y geg
19. argysylltiad
20. estheteg a seineg
21. egwyddorion dyluniad prosthesisau
22. dosbarthiad ac isddosbarthiad deunyddiau ar sail cyfansoddiad cemegol a strwythur mewnol
23. priodweddau mecanyddol, ffisegol, thermol, cemegol a biolegol deunyddiau
24. ffurfio castiau a mowldiau
25. cwyrau
26. aloiau deintyddol
27. egwyddorion gwaith cysylltion cywrain
28. dulliau o adeiladu pontydd a choronau deintyddol gan ddefnyddio cysylltion cywrain
29. technegau uno cydrannau a ddefnyddir mewn gwaith deintyddol
30. deunyddiau gwrthsafol deintyddol
31. y berthynas rhwng yr uniadau cemegol a phriodweddau deunyddiau solet
32. deunyddiau argraff, dyblygu a glanhau
33. patrymau castio
34. dulliau o sbriwio metelau a systemau amrywiol
35. dulliau o orffen arwynebau
36. dulliau o ddatblygu, cynnal a gwella cyfathrebu a gwybodaeth yn gysylltiedig â darparu dyfeisiau deintyddol a wnaed yn bwrpasol
37. dulliau o amddiffyn rhag halogiad a rheoli heintiau wrth drin argraffau sy'n dod i law ac eitemau eraill a fuodd, efallai, yn y geg neu y bwriedir eu rhoi yn y geg; pam mae'n bwysig gwneud hynny 
38. egwyddorion sicrhau ansawdd, gan gynnwys cofnodi a samplu yn effeithiol; prosesau a gweithdrefnau ar gyfer sicrhau ansawdd yn eich gweithle
39. yr amrywiaeth o ffactorau i'w hystyried yn ystod gweithgynhyrchu
40. dulliau o osod a graddnodi cyfarpar a phrofi bod hyn yn gywir
41. effeithiau addasu cynnyrch gweithgynhyrchwyr i fodloni gofynion y labordy ar briodweddau ffisegol cynnyrch ac ar gynnyrch y mae eu hansawdd wedi'i sicrhau, a goblygiadau cyfreithiol gweithgynhyrchu gwael 
42. yr amrywiaeth o ffactorau i'w hystyried yn ystod gweithgynhyrchu; yr amrywiaeth o gyfarpar a ddefnyddir i ddylunio a gweithgynhyrchu dyfeisiau deintyddol; dulliau o ddefnyddio cyfarpar a deunyddiau yn ddiogel, gan gynnwys defnyddio cemegion a sylweddau peryglus eraill; dulliau o storio cyfarpar a deunyddiau gwahanol yn ddiogel; dulliau glanhau a chynnal a chadw gwahanol fathau o gyfarpar a'ch rôl yn hyn
43. sut i gael gwared ar wastraff yn unol â gweithdrefnau'r sefydliad
44. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel