Dylunio a gweithgynhyrchu is-strwythurau pont metelig a chydrannau pont metelig

Mae'r safon hon yn disgrifio dylunio a gweithgynhyrchu, gan ddefnyddio technegau â llaw neu dechnegau digidol, is-strwythurau pont metelig a chydrannau pont metelig. Bydd is-strwythurau metelig yn derbyn ffurfiau anatomegol arnynt mewn deunyddiau lliw dant. Mae eu ffurf yn debygol o fod yn gymhleth, o ystyried eu bod yn cyfuno dwy uned neu fwy. Bydd angen i chi ddylunio a gweithgynhyrchu'r is-strwythurau pont a'r cydrannau pont metelig, eu gorffen a sicrhau eu hansawdd yn barod i'w ffitio yng ngheg yr unigolyn. 

Defnyddir y term 'cleient' i olygu'r aelod o'r tîm gofal iechyd y geg sydd wedi rhagnodi'r adferiad. Gall cleientiaid ddod o'r tu allan i'r sefydliad (fel labordai eraill, ymarferwyr deintyddol, ysgolion hyfforddi) neu gallant fod yn fewnol (mewn ysbyty deintyddol). Yr unigolyn yw'r sawl y gwneir yr adferiad a wneir yn bwrpasol ar ei gyfer. Mae cast yn ffurf gadarnhaol, gywir yn ddimensiynol, o ardaloedd o geudod y geg wedi'i gynhyrchu o argraff negyddol. Mae dei yn ddarn o gast a wnaed o ddant unigol.

Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. cyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
5. nodi a lleihau peryglon a risgiau yn y gweithle
6. casglu holl wybodaeth y fanyleb ynghyd sy'n ofynnol i ddylunio a gweithgynhyrchu'r is-strwythurau pont metelig a'r cydrannau pont metelig
7. cadarnhau cywirdeb y fanyleb gyda phobl eraill berthnasol
8. dewis y cydrannau, y deunyddiau a'r cyfarpar angenrheidiol a chadarnhau eu bod yn addas at y diben
9. gosod y cyfarpar gweithgynhyrchu yn unol â'r fanyleb
10. gweithgynhyrchu'r is-strwythurau pont metelig a'r cydrannau pont metelig gan ddefnyddio dulliau a thechnegau priodol
11. monitro'r broses weithgynhyrchu a'i haddasu fel bo'r angen
12. tynnu neu adfer y cynnyrch wedi'i weithgynhyrchu gan ddefnyddio dull priodol sy'n rhyddhau'r eitem heb achosi difrod
13. gwirio bod y cynnyrch wedi'i weithgynhyrchu yn cyfateb i'r fanyleb a gwneud unrhyw addasiadau angenrheidiol
14. danfon yn unol â gweithdrefnau'r sefydliad
15. gwaredu gwastraff yn unol â gweithdrefnau'r sefydliad
16. cwblhau a storio'r holl ddogfennaeth berthnasol yn unol â gofynion y sefydliad

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. sut i gyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
7. y peryglon a'r risgiau a allai godi wrth i chi gyflawni eich rôl a sut y gallwch eu lleihau
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. egwyddorion dylunio a gweithgynhyrchu digidol, a'r defnydd ohonynt
10. cyfarpar, dulliau a thechnegau gweithgynhyrchu digidol perthnasol
11. yr anatomi ysgerbydol, ffisioleg y pen a'r gwddf a morffoleg dannedd
12. strwythur, swyddogaeth a symudiad y cyhyrau orowynebol, gan gynnwys y tafod a'r cymal arlais-fandiblol
13. anhwylderau a chlefydau sy'n effeithio ar geudod y geg
14. etioleg a dosbarthiadau camachludiadau
15. y newidiadau ffisiolegol a phatholegol sy'n gysylltiedig â'r broses heneiddio a thrawma yn gysylltiedig ag amgylchedd y geg
16. pwysigrwydd dargadw'r ligament periodontol a'r newidiadau mewn ystumganfod (proprioception) oherwydd colli'r ligament periodontol
17. y ffactorau ehangach (cymdeithasegol, ymddygiadol, amgylcheddol ac economaidd) sy'n cyfrannu at iechyd a salwch y geg

18. egwyddorion ac ymarfer:

    • argysylltiad
    • estheteg a seineg

19. egwyddorion dylunio adferiadau

20. cyfansoddion adferiadau (trosgaenau, coronau, pyst a chreiddiau, mewnosodiadau) a sut y cânt eu gwneud
21. dosbarthiad ac isddosbarthiad deunyddiau ar sail cyfansoddiad cemegol a strwythur mewnol
22. priodweddau mecanyddol, ffisegol, thermol, cemegol a biolegol deunyddiau
23. cynnyrch ar gyfer gweithgynhyrchu castiau a mowldiau
24. diben pentanau, dargadwyr a phontigau
25. cwyrau
26. aloiau deintyddol
27. egwyddorion gwaith pont
28. dulliau o adeiladu pontydd deintyddol
29. technegau sodro a ddefnyddir mewn gwaith pont deintyddol
30. deunyddiau gwrthsafol deintyddol
31. y berthynas rhwng asiadau cemegol a phriodweddau deunyddiau solet
32. deunyddiau argraff, dyblygu a glanhau
33. patrymau castio
34. dulliau o sbriwio amrywiol fetelau a systemau
35. dulliau o orffen arwyneb
36. dulliau o ddatblygu, cynnal a gwella cyfathrebu a gwybodaeth yn gysylltiedig â darparu dyfeisiau deintyddol a wnaed yn bwrpasol 
37. dulliau o amddiffyn rhag halogiad a rheoli heintiau wrth drin argraffau sy'n dod i law ac eitemau eraill a fuodd, efallai, yn y geg neu y bwriedir eu rhoi yn y geg; pam mae'n bwysig gwneud hynny
38. egwyddorion sicrhau ansawdd, gan gynnwys cofnodi a samplu yn effeithiol; prosesau a gweithdrefnau ar gyfer sicrhau ansawdd yn eich gweithle
39. dulliau o osod a graddnodi cyfarpar a phrofi bod hyn yn gywir
40. effeithiau addasu cynnyrch gweithgynhyrchwyr i fodloni gofynion y labordy ar briodweddau ffisegol cynnyrch ac ar gynnyrch y mae eu hansawdd wedi'i sicrhau, a goblygiadau cyfreithiol gweithgynhyrchu gwael
41. yr amrywiaeth o gyfarpar a ddefnyddir i ddylunio a gweithgynhyrchu dyfeisiau deintyddol
42. dulliau o ddefnyddio cyfarpar a deunyddiau yn ddiogel, gan gynnwys defnyddio cemegion a sylweddau peryglus eraill
43. dulliau o storio cyfarpar a deunyddiau gwahanol yn ddiogel
44. dulliau glanhau a chynnal a chadw gwahanol fathau o gyfarpar
45. sut i gael gwared ar wastraff yn unol â gweithdrefnau'r sefydliad
46. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel