Cynnig gwybodaeth a chymorth i unigolion ynghylch gwasanaethau deintyddol a gwarchod iechyd y geg

Mae'r safon hon yn ymwneud â darparu gwybodaeth am wasanaethau deintyddol a helpu unigolion i wella a chynnal iechyd y geg.

I ddarparu gwybodaeth am wasanaethau deintyddol, bydd angen trosolwg arnoch o'r systemau gofal iechyd ehangach, gan gynnwys polisi a threfniadaeth iechyd a rôl hybu iechyd, ynghyd â'r materion moesegol, cyfreithiol ac ariannol sy'n gysylltiedig â'ch sefydliad a rheoli practis deintyddol.

Mae'r safon hon yn cynnwys cyfathrebu â'r unigolyn i ddarparu gwybodaeth am wella a chynnal iechyd y geg a dangos dulliau o ofalu am adferiadau â chymorth mewnblaniad a phrosthesisau fel y mae'r deintydd yn eu rhagnodi'n uniongyrchol.

Tra byddwch yn hybu iechyd y geg, bydd angen i chi gydnabod hawl yr unigolyn i wneud dewisiadau yng nghyd-destun eu bywyd eu hunain, a'r rhesymau pam nad yw  unigolion yn dewis hybu iechyd eu ceg yn y ffordd orau y gallent.

Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle 
5. cadarnhau pwy yw'r unigolyn yn unol â gweithdrefnau'r sefydliad
6. ennill cydsyniad gwybodus, dilys gan yr unigolyn yn unol â gweithdrefnau penodol
7. cyfathrebu â'r unigolyn yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
8. rhoi cymorth i'r unigolyn yn unol â'i anghenion o ran urddas, cyfrinachedd a phreifatrwydd
9. darparu gwybodaeth, fel y mae'r deintydd yn ei rhagnodi, i unigolion am ffactorau a allai arwain at iechyd gwael y geg, sy'n gysylltiedig yn glir ag arferion ac amgylchiadau personol yr unigolyn
10. paratoi a defnyddio cymhorthion addysg iechyd y geg sy'n briodol i'r unigolyn ac sy'n hybu newid mewn ymddygiad
11. cynghori unigolion ar ddefnyddio cyfryngau datgelu a sut y gall hyn gynorthwyo'r unigolyn i wella hylendid y geg
12. dangos technegau hylendid y geg y mae'r deintydd wedi'u rhagnodi
13. dangos dulliau o ofalu am brosthesisau ac adferiadau â chymorth mewnblaniadau
14. rhoi cyfle i unigolion drafod a cheisio eglurhad ynghylch unrhyw bwyntiau penodol
15. gweithredu a rhoi cyngor, gwybodaeth a chymorth i unigolion mewn ffyrdd sy'n gyson ag aelodau eraill tîm gofal iechyd y geg ac sydd o fewn cwmpas eich ymarfer
16. gwaredu gwastraff yn unol â gweithdrefnau'r sefydliad
17. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt 
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. sut i gael cadarnhad o bwy yw unigolyn yn unol â gweithdrefnau'r sefydliad
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. y prif fathau o glefyd y geg a'i brif achosion, a sut i'w hatal
12. datblygiad plac deintiol a dulliau o'i reoli
13. y ffyrdd y gall iechyd cyffredinol effeithio ar iechyd y geg
14. dulliau, technegau, cyfryngau neu ddeunyddiau i atal pydredd dannedd
15. natur a dilyniant clefyd deintiol a chlefyd y geg
16. ffyrdd o allu atal a/neu leihau clefyd periodontol, gan gynnwys technegau hylendid effeithiol o ran y geg
17. y ffactorau cymdeithasol, diwylliannol, seicolegol ac amgylcheddol sy'n cyfrannu at iechyd a salwch
18. ffynonellau, rôl, mecanweithiau a ffurfiau fflworid mewn iechyd deintyddol, a'r lefelau gorau ohono
19. sut mae ymddygiadau unigol yn effeithio ar iechyd y geg
20. dulliau o ofalu am ddannedd gosod, teclynnau orthodontig a mewnblaniadau
21. pwysigrwydd hawl yr unigolyn i wneud dewisiadau yng nghyd-destun ei fywyd ei hun a'r rhesymau pam nad yw unigolion yn dewis hybu iechyd eu ceg yn y ffordd orau y gallent
22. y systemau a'r prosesau i gefnogi gofal diogel i'r unigolyn
23. sut i adnabod arwyddion anaf, camdriniaeth neu esgeulustod a sut i godi pryderon gyda'r person neu'r asiantaeth briodol
24. pryd a sut i atgyfeirio unigolion i bobl eraill berthnasol
25. y sefydliadau sydd â chyfrifoldebau am y materion moesegol, cyfreithiol ac ariannol sy'n gysylltiedig â rheoli practis deintyddol
26. sut i ddelio â chwynion yn unol â gofynion y sefydliad
27. anghenion unigolion, gan gynnwys materion yn gysylltiedig ag urddas, cyfrinachedd a phreifatrwydd
28. strwythurau, rolau a chyfrifoldebau rheoli sefydliadol
29. sut i gael gwared ar wastraff yn unol â gweithdrefnau'r sefydliad
30. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

30 Maw 2027

---

Ar hyn o bryd

---

Gwreiddiol

---

Skills for Health

---

SFHOH2

---

Nyrsys Deintyddol, Gofal iechyd y geg, Cynorthwyydd Deintyddol

---

3218

---

Cynnig; gwybodaeth; cymorth; gwasanaethau; deintyddol; amddiffyn; iechyd y geg

---