Gosod dyfeisiau prosthetig deintyddol wrth ochr y gadair

Mae’r safon hon yn ymwneud ag ymarfer diogel gosod, gwerthuso ac addasu dyfeisiau prosthetig deintyddol er mwyn gwella achludiad, estheteg neu swyddogaeth. Gall yr amrywiaeth o ddyfeisiau gynnwys adferiadau symudadwy (dannedd gosod cyflawn a rhannol), adferiadau sefydlog (coronau a phontydd) a gorchuddion deintgig. Gall hwn fod yn ffitiad prawf neu ffitiad dyfais gyflawn neu orffenedig. Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cadarnhau pwy yw'r unigolyn yn unol â gweithdrefnau'r sefydliad
6. ennill cydsyniad gwybodus, dilys gan yr unigolyn yn unol â gweithdrefnau penodol 
7. cyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
8. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas
9. rhoi cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
10. nodi cyflyrau clinigol rhagdueddol a allai effeithio ar osod y prosthesis, gan gyfrif am ddiogelwch, cyflwr emosiynol a chysur yr unigolyn
11. trafod y gweithdrefnau arfaethedig gyda'r unigolyn mewn ffordd a fydd yn lleihau unrhyw bryder ac yn rhoi tawelwch meddwl
12. cymhwyso rhagofalon safonol ar gyfer atal a rheoli heintiau
13. paratoi'r cyfarpar a'r deunyddiau y bydd eu hangen arnoch, yn unol â chyfarwyddiadau'r gwneuthurwr
14. sicrhau bod yr unigolyn yn eistedd yn gyfforddus a'i fod yn y safle priodol ar gyfer y weithdrefn

15. archwilio a gwerthuso'r prosthesis y tu mewn a'r tu allan i'r geg o safbwynt:

    • dargadwad a sefydlogrwydd
    • cydberthynas achludol
    • y cysur i'r unigolyn
    • golwg esthetig
    • yr effaith ar seineg
    • y gyfatebiaeth a chofnod y gwiriad canoli ymlaen llaw 

16. cynnwys yr unigolyn yn y gwerthusiad i sicrhau bod y prosthesis yn bodloni ei anghenion

17. addasu'r prosthesis, lle bo angen ,ac ailadrodd y dannedd gosod ar brawf a'r gwerthusiadau hyd nes byddwch chi a'r unigolyn yn fodlon
18. esbonio cam nesaf y broses wrth yr unigolyn a chadarnhau ei fod wedi deall
19. lle y bo'n briodol, esbonio a thrafod gweithdrefnau cynnal a chadw a hylendid y geg gyda'r unigolyn, a chynghori ar unrhyw driniaeth ddilynol
20. gwaredu gwastraff yn unol â gweithdrefnau'r sefydliad
21. cwblhau a storio'r holl ddogfennaeth berthnasol yn unol â gofynion y sefydliad

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol 
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i gyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. sut i gael cadarnhad o bwy yw unigolyn yn unol â gweithdrefnau'r sefydliad
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. pwysigrwydd cymhwyso rhagofalon rheoli heintiau safonol i gymryd argraffau, a chanlyniadau posibl ymarfer gwael
12. anatomi a ffisioleg berthnasol y geg yn gysylltiedig â cheudodau'r genau, argysylltiad ac achludiad
13. ymarfer a gweithdrefnau clinigol yn gysylltiedig ag addasu dyfeisiau deintyddol prosthodontig sefydlog a/neu ddyfeisiau deintyddol prosthodontig symudadwy a wnaed yn bwrpasol, a'r amrywiaeth o addasiadau y gellir eu gwneud
14. sut i reoli ac integreiddio gweithdrefn addasiadau prawf i ddyfais i gynorthwyo â darparu prosthesisau deintyddol esthetig, gweithredol a/neu ffonetig yn unol â gofynion neu anghenion unigol
15. y datblygiadau ym maes dynameg achludol fel y bo'n briodol i ddyfeisiau deintyddol a wnaed yn bwrpasol
16. sut i gael gwared ar wastraff yn unol â gweithdrefnau'r sefydliad
17. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel