Cymryd cofnod crymyn wyneb ar gyfer gweithdrefn ddeintyddol

Mae’r safon hon yn ymwneud ag ymarfer diogel cymryd cofnodion crymyn wyneb uniongyrchol er mwyn cynhyrchu cofnodion trosglwyddo, fel y bo angen, ar gyfer gosod castiau ar argysylltwyr. Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cadarnhau pwy yw'r unigolyn yn unol â gweithdrefnau'r sefydliad
6. ennill cydsyniad gwybodus, dilys gan yr unigolyn yn unol â gweithdrefnau penodol 
7. cyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
8. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas
9. rhoi cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
10. nodi cyflyrau clinigol rhagdueddol a allai effeithio ar ddefnyddio crymyn wyneb ar wyneb yr unigolyn, gan gyfrif am ddiogelwch yr unigolyn a/neu ofynion cywirdeb
11. penderfynu ar dechneg addas a diogel yn gysylltiedig â'r math o grymyn wyneb i'w ddefnyddio, ac a yw'r unigolyn heb ei ddannedd ei hun, heb ei ddannedd ei hun yn rhannol, neu a oes gan yr unigolyn ei ddannedd ei hun
12. esbonio'r weithdrefn yn glir i'r unigolyn
13. cymhwyso rhagofalon safonol ar gyfer atal a rheoli heintiau
14. paratoi'r cyfarpar y mae ei angen ac unrhyw ddeunyddiau ategol, yn unol â chyfarwyddiadau'r gwneuthurwr
15. gosod yr unigolyn yn gyfforddus ar gyfer y weithdrefn a sicrhau bod tiwbiau'r glust a meinweoedd yr wyneb wedi'u hamddiffyn
16. nodi nodweddion anatomegol perthnasol a gosod y crymyn wyneb, a'i leoli'n briodol ar wyneb yr unigolyn
17. addasu'r fforc gofnodi achludol a dangosydd llinell sylfaen orbitol ar y crymyn wyneb a'i gloi yn ei le i gael cofnod cywir, gan ofalu'n briodol am feinweoedd yr unigolyn
18. tynnu'r crymyn wyneb oddi ar yr unigolyn a gwirio'r cofnod am gywirdeb a chwmpas
19. trafod y cofnod gyda'r unigolyn ac esbonio'r cam nesaf yn y broses
20. dihalogi'r crymyn wyneb
21. cysylltu cofnod y crymyn wyneb ag unrhyw gofnodion mewneneuol cysylltiedig
22. cymryd rhagofalon priodol i storio'r cofrestriad mewn cynhwysydd priodol a fydd diogelu'r cofnod hyd nes caiff ei ddefnyddio
23. gwaredu gwastraff yn unol â gweithdrefnau'r sefydliad
24. cwblhau a storio'r holl ddogfennaeth berthnasol yn unol â gofynion y sefydliad

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun, fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol 
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i gyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. sut i gael cadarnhad o bwy yw unigolyn yn unol â gweithdrefnau'r sefydliad
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. pwysigrwydd cymhwyso rhagofalon rheoli heintiau safonol i gymryd cofnodion o'r geg, a chanlyniadau posibl ymarfer gwael
12. anatomi a ffisioleg berthnasol yn gysylltiedig â'r cymal arlais-fandiblol (TMJ) a nodweddion y wyneb ac anhwylderau cysylltiedig
13. yr amrywiaeth o systemau crymyn wyneb sydd ar gael ar hyn o bryd
14. ymarfer a gweithdrefnau clinigol yn gysylltiedig â chymryd cofnod crymyn wyneb ar unigolyn â dannedd, â dannedd yn rhannol a heb ei ddannedd ei hun
15. sut i reoli ac integreiddio gweithdrefn cofnodi crymyn wyneb i gynorthwyo â darparu prosthesisau deintyddol ymarferol ac esthetig (sefydlog a symudadwy) yn unol â gofynion neu anghenion unigol
16. sut i fesur symudiadau cysylltiedig gyda chrymynnau wyneb hybrid
17. datblygiadau technoleg gwybodaeth a chyfathrebu o ran cofnodi agweddau ar leoliad TMJ
18. sut i gael gwared ar wastraff yn unol â gweithdrefnau'r sefydliad
19. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel