Cael argraff geneuol uniongyrchol o unigolyn er mwyn cynhyrchu analog neu gast

​Mae’r safon hon yn ymwneud ag arfer diogel ac effeithiol gwneud argraff mewneneuol uniongyrchol i gynhyrchu analog neu gast gan ddefnyddio technegau â llaw neu dechnegau digidol. Byddai’r gweithgaredd a ddisgrifir yma’n digwydd fel rhan o gynllun triniaeth, ar ôl asesiad. 

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cadarnhau pwy yw'r unigolyn yn unol â gweithdrefnau'r sefydliad 
6. ennill cydsyniad gwybodus, dilys gan yr unigolyn yn unol â gweithdrefnau penodol 
7. cyfathrebu â phobl eraill berthnasol yn ôl cyflymder, modd a lefel sy'n briodol i'w ddealltwriaeth a'u hanghenion, a'r hyn sy'n well ganddynt
8. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas
9. rhoi cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
10. gwirio cynllun y driniaeth a nodi diben cymryd yr argraff
11. cadarnhau hanes meddygol yr unigolyn a nodi unrhyw gyflyrau meddygol rhagdueddol a allai effeithio ar dechneg yr argraff, diogelwch unigol, neu gywirdeb yr argraff
12. esbonio'r weithdrefn yn glir i'r unigolyn, gan ei thrafod mewn ffordd a fydd yn lleihau unrhyw bryder fydd gan yr unigolyn ac yn gwella'i gysur a'i gydweithrediad
13. cymhwyso rhagofalon safonol ar gyfer atal a rheoli heintiau
14. archwilio a pharatoi safle'r argraff, gan ystyried risgiau niwed i unrhyw feinweoedd meddal neu galed neu ddeintiad sy'n weddill, a chymryd y camau priodol
15. dewis cyfarpar a deunyddiau priodol i'r unigolyn a'r weithdrefn, a'u defnyddio yn unol â chyfarwyddiadau'r gwneuthurwr
16. addasu cafn yr argraff i sicrhau cysur a chywirdeb, fel y bo angen
17. sicrhau bod llwybr anadlu'r unigolyn ac unrhyw ardaloedd lle mae'r feinwe'n ddifrodedig yn cael eu hamddiffyn
18. cynghori'r unigolyn ar sut i gymryd rhan yn y weithdrefn, a'i fonitro a thawelu ei feddwl, lle y bo'n briodol
19. sicrhau bod swm priodol o'r deunydd yn cael ei gymysgu a'i ddefnyddio'n gywir
20. mewnosod a thynnu'r argraff yn unol â gweithdrefnau'r sefydliad
21. archwilio'r unigolyn am unrhyw anaf neu ysgyrion ar ôl tynnu'r argraff, a gweithredu'n briodol, lle bo angen, i adfer diogelwch a chysur yr unigolyn
22. dihalogi'r argraff yn unol â'r safon gytunedig, gan ddileu'r holl waed, meinweoedd a hylifau eraill y corff
23. cadarnhau cywirdeb ac ansawdd yr argraff a'i storio yn unol â gweithdrefnau'r sefydliad
24. lle y bo nam ar yr argraff, nodi'r rheswm dros hyn, esbonio'r sefyllfa i'r unigolyn a, lle y bo'n bosibl, cymryd argraff arall
25. gwaredu gwastraff yn unol â gweithdrefnau'r sefydliad
26. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol 
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i gyfathrebu â phobl eraill berthnasol yn ôl cyflymder, modd a lefel sy'n briodol i'w dealltwriaeth a'u hanghenion, a'r hyn sy'n well ganddynt
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. sut i gael cadarnhad o bwy yw unigolyn yn unol â gweithdrefnau'r sefydliad
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. pwysigrwydd cymhwyso rhagofalon rheoli heintiau safonol i gymryd argraffau a chanlyniadau posibl ymarfer gwael
12. anatomi a ffisioleg berthnasol y geg
13. gweithdrefnau perthnasol sy'n gofyn am argraffau uniongyrchol neu ddigidol
14. yr egwyddorion, yr ymarfer a'r gweithdrefnau sy'n gysylltiedig â thechnegau digidol ar gyfer cofnodi data'r geg
15. yr ystod o ddeunyddiau sydd ar gael ar gyfer cymryd argraffiadau ac arwyddion/rhybuddion ynghylch eu defnyddio
16. sut i reoli ac integreiddio gweithdrefn cymryd argraff i ddarparu prosthesisau deintyddol bio-gydnaws, gweithredol ac esthetig (sefydlog a symudadwy) yn unol â gofynion neu anghenion unigol
17. anghenion unigolion, gan gynnwys materion yn gysylltiedig ag urddas, cyfrinachedd a phreifatrwydd
18. y gweithdrefnau a'r dulliau sy'n gysylltiedig â chydlynu timau rhyngddisgyblaethol ac amlddisgyblaethol o fewn ac ar draws gwasanaethau
19. sut i gael gwared ar wastraff yn unol â gweithdrefnau'r sefydliad
20. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

30 Maw 2027

---

Ar hyn o bryd

---

Gwreiddiol

---

Skills for Health

---

SFHOH9

---

Technegwyr Deintyddol

---

3218

---

Arlliw, meinwe, cyfatebiaeth, deintyddol, dyfais, prosthetig; digidol

---