Cynnal triniaeth leoleiddio yn y fron gan ddefnyddio delweddu

Mae’r safon hon yn ymwneud â defnyddio cyfarpar delweddu i leoli mannau yn y fron sy’n cael eu hystyried yn annormal. Hefyd, mae’n trafod defnyddio cyfarpar i lywio mewnosod gwifrau marcio ar gyfer llawdriniaethau. Mae’n hanfodol bod unrhyw unigolyn sy’n cynnal y driniaeth hon yn gyfredol gymwys mewn Cynnal Bywyd Sylfaenol a Dadebru Cardio-Anadlol. Yr unigolion allweddol yw’r rheiny sydd ynghlwm â gofal yr unigolyn a phobl eraill sydd ynghlwm â darparu gwasanaethau. Bydd angen i ddefnyddwyr y safon hon sicrhau bod eu hymarfer yn adlewyrchu’r wybodaeth a’r polisïau diweddaraf.

1. defnyddio rhagofalon sylfaenol ar gyfer rheoli heintiau a mesurau iechyd a diogelwch priodol eraill  2. paratoi’r cyfarpar sydd ei angen ar gyfer y broses a gwirio ei fod yn gweithio’n iawn  3. archwilio delweddau perthnasol cyn cynnal y broses er mwyn cadarnhau lleoliad(au) y man(nau) o ddiddordeb  4. adolygu’r holl wybodaeth berthnasol a phenderfynu ar y dull mwyaf priodol  5. adolygu hanes clinigol yr unigolyn am ffactorau a all wrtharwyddo’r weithdrefn  6. sicrhau bod yr amgylchedd yn eich galluogi i gadw preifatrwydd ac urddas yr unigolyn  7. gwirio’r manylion adnabod cyn dechrau’r broses yn unol â pholisïau a gweithdrefnau lleol  8. cyfathrebu â’r unigolyn / bobl allweddol er mwyn gwella eu dealltwriaeth o’r archwiliad a’u cydweithrediad  9. pennu gallu’r unigolyn i ddeall y weithdrefn gyda chymorth y bobl allweddol os oes angen 10. cael cydsyniad dilys ar gyfer y weithdrefn yn unol â chanllawiau cenedlaethol a lleol  11. parchu preifatrwydd, urddas, credoau a phenderfyniadau’r unigolyn  12. esbonio’r broses mewn ffordd sy’n galluogi’r unigolyn i ymlacio a chydweithredu â gofynion y weithdrefn  13. asesu anghenion emosiynol yr unigolyn ac ymateb mewn ffordd briodol  14. cymryd delweddau priodol er mwyn cadarnhau’r safle cywir ar gyfer gosod y nodwydd a’r ymylon diogelwch  15. cymryd yr holl ragofalon priodol er mwyn sicrhau techneg lân/aseptig  16. sicrhau y rhoddir anesthetig lleol yn unol â phrotocol lleol a gwirio colli teimlad a, lle bo angen, endorri’r croen   17. gosod y nodwydd gywir ar gyfer y driniaeth yn unol â gweithdrefnau a phrotocol lleol   18. gwirio bod safle’r nodwydd yn gywir trwy gymryd mwy o ddelweddau a gwneud unrhyw addasiadau angenrheidiol yn unol â gweithdrefnau a phrotocol lleol  19. gosod y wifren neu’r marciwr yn ôl y math o leoleiddio 20. rhwymo’r safle’n briodol 21. adolygu a chadarnhau safle’r wifren neu farciwr mewn perthynas â’r ardal o ddiddordeb  22. darparu gwybodaeth i’r unigolyn yn ymwneud â’r driniaeth ac ôl-ofal pan fo angen  23. esbonio’r broses ar gyfer cael canlyniadau  24. dogfennu’r driniaeth gan roi digon o fanylion i lywio’r lawdriniaeth  25. dosbarthu adroddiadau ar radiograff y sbesimen i’r tîm llawfeddygol yn unol â phrotocol lleol  26. cydnabod lle mae angen help neu gyngor a chael gafael arno o ffynonellau priodol

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir  2. y safonau, canllawiau, polisïau a’r gweithdrefnau lleol a chenedlaethol perthnasol sydd ar gael, a sut a phryd dylid mynd atynt  3. pwysigrwydd parchu diwylliant, preifatrwydd, urddas, dymuniadau, credoau a phenderfyniadau unigolion  4. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer 5. rolau a chyfrifoldebau aelodau eraill y tîm 6. pwysigrwydd cael cydsyniad dilys yn unol â chanllawiau cenedlaethol a lleol  7. pwrpas gwasanaethau diagnostig a sgrinio’r fron  8. y rhaglenni sicrhau ansawdd mewn gwasanaethau symptomatig, asesu a sgrinio’r fron  9. pwysigrwydd a goblygiadau manylion adnabod cywir yr unigolyn  10. y protocol lleol ar gyfer lleoleiddio wedi’i lywio gan ddelweddau  11. ymddangosiad mannau annormal neu amheus ar ddelweddau 12. arwyddion mamograffig clefydau’r fron ac amrywiadau normal yn sgil oedran, cyflwr hormonaidd, llawdriniaeth a radiotherapi 13. anatomeg, ffisioleg a phatholeg y fron, y gesail, meinwe o dan y croen a strwythurau cysylltiedig 14. y gwrtharwyddion i’r driniaeth 15. polisïau lleol ar gyfer techneg aseptig 16. sut i adolygu hanes clinigol unigolyn am ffactorau a all wrtharwyddo’r driniaeth 17. egwyddorion sylfaenol stereotacsis 18. y cyfarpar lleoleiddio, ei baratoi’n gywir, ei osod a’i raddnodi  19. defnyddio anesthesia lleol yn ddiogel  20. sut i addasu arddulliau cyfathrebu, holi cwestiynau a gwrando’n ofalus mewn ffyrdd sy’n briodol ar gyfer anghenion yr unigolyn  21. dulliau o gyfathrebu gwybodaeth anodd a chymhleth i unigolion a phobl allweddol  22. pwysigrwydd rhoi cyfleoedd i unigolion a phobl allweddol ofyn cwestiynau a gwella eu dealltwriaeth  23. y wybodaeth y dylid ei rhoi i unigolion cyn, yn ystod ac ar ôl gorffen yr archwiliad 24. yr angen i optimeiddio’r ddos o ymbelydredd y mae’r unigolyn yn ei dderbyn  25. sut i osod marcwyr yn ôl pa fath o leoleiddio sydd ei angen 26. nodweddion y cyfarpar delweddu perthnasol a’r broses ddelweddu  27. sut i gadw cofnodion llawn, cywir a chlir yn unol â gweithdrefnau sefydliadol  

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB7 Ymyriadau a thriniaeth