Adolygu delweddau mamograffeg am bresenoldeb annormaleddau a gwneud argymhellion ar gyfer camau pellach

Mae’r safon hon yn ymwneud ag archwilio delweddau mamograffeg yn weledol er mwyn amlygu mannau sy’n dangos annormaleddau posibl. Bydd yr archwiliad hwn, a’r holl wybodaeth berthnasol arall a all fod ar gael, yn cael ei ddefnyddio gan yr ymarferydd i wneud penderfyniad ynghylch galw’r unigolyn yn ôl i wneud ymchwiliadau pellach. Mae’r safon hon yn berthnasol i ddehongli delweddau radiograffig a wnaed o’r fron fel rhan o brawf sgrinio arferol neu raglen symptomatig.

Bydd angen i ddefnyddwyr y safon hon sicrhau bod eu hymarfer yn adlewyrchu’r wybodaeth a’r polisïau diweddaraf.  

1. gwirio manylion adnabod y delweddau yn erbyn dogfennau cysylltiedig 2. adolygu’r holl wybodaeth a gofnodwyd yn ystod y mamogram  3. archwilio’r delweddau i wirio ansawdd technegol a diagnostig  4. archwilio’r delweddau dan amodau priodol gan ddefnyddio estyniadau gweledol priodol  5. archwilio arwynebedd cyfan pob delwedd yn fanwl  6. cymharu mamogramau blaenorol gyda delweddau cyfredol am unrhyw newidiadau sylweddol  7. adolygu’r holl dystiolaeth sydd ar gael wrth gynnal archwiliadau gweledol ar y mamogram cyfredol, mamogramau blaenorol a’r hanes a ddogfennwyd 8. archwilio’r mannau sy’n cael eu hystyried yn annormal er mwyn pennu eu natur a chofnodi eich asesiad yn unol â phrotocol lleol  9. cydnabod lle mae angen help neu gyngor a chael gafael arno o ffynonellau priodol  10. cymharu canlyniadau unrhyw ddarllenydd/darllenwyr eraill a chymryd camau priodol yn unol â phrotocolau lleol  11. penderfynu p’un a ddylid galw’r unigolyn yn ôl ai peidio a gweithredu yn unol â phrotocol lleol  12. sicrhau, os gelwir unigolion yn ôl, yr amlygir gweithdrefnau delweddu/diagnostig priodol yn unol â phrotocolau lleol a chanllawiau cenedlaethol

1. y gofynion cyfreithiol, sefydliadau a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir  2. y safonau, canllawiau, polisïau a gweithdrefnau lleol a chenedlaethol perthnasol sydd ar gael a sut a phryd dylid mynd atynt  3. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer  4. pwrpas gwasanaethau diagnostig a sgrinio’r fron  5. y rhaglenni sicrhau ansawdd mewn gwasanaethau symptomatig, asesu a sgrinio’r fron   6. ffiseg ymbelydredd a delweddu pelydr-x 7. y meini prawf ar gyfer derbynioldeb technegol mamogramau 8. yr angen i optimeiddio’r ddos o ymbelydredd y mae unigolion yn ei dderbyn  9. nodweddion technegol delweddau mamograffeg, y broses ddelweddu a’r amodau gweld gorau posibl  10. anatomeg, ffisioleg a phatholeg y fron, y gesail, meinwe o dan y croen a strwythurau cysylltiedig  11. hanes meddygol yr unigolyn os bydd hwnnw ar gael  12. arwyddion mamograffig o glefydau’r fron ac amrywiadau normal yn sgil oedran, cyflwr hormonaidd, llawdriniaeth a radiotherapi  13. marcwyr cyfeirio ac amlygu  14. y mannau ar y fron sydd mewn perygl penodol o ddatblygu ymddangosiad annormal neu lle gallai fod yn anodd dod o hyd i ganser 15. y canfyddiadau clinigol sy’n gysylltiedig â meinwe normal, anfalaen a malaen 16. rhyngddibyniaeth ac arwyddocâd gwybodaeth a gofnodir ac ymddangosiad mamograffig 17. sut i gael gafael ar gofnodion a delweddau blaenorol  18. y rhesymau dros gymharu â mamogramau blaenorol ac arwyddocâd y newidiadau a allai fod wedi digwydd 19. strategaethau gwneud penderfyniadau a chategoreiddio’r perygl o falaenedd  20. sut i gadw cofnodion llawn, cywir a chlir yn unol â gweithdrefnau sefydliadol  

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB6 Cynllunio asesiadau a thriniaethau