Cynhyrchu delweddau radiograffig arferol o’r fron

Mae’r safon hon yn ymwneud â pharatoi a gosod unigolion a gosod cywasgedd ar gyfer delweddu radiograffig y bronnau. Hefyd, mae’r safon yn cwmpasu paratoi’r cyfarpar radiograffig a’r gwiriadau perfformiad ar gyfer delweddu’r fron yn arferol, ac ar gyfer gosod y cysylltiad cywir. Mae delweddau radiograffig arferol o’r fron yn famogramau lletraws medio-ochrol a chreuanol-gynffonol. Mae’r rhain yn cael eu cynnal fel rhan o raglen sgrinio arferol neu weithdrefnau diagnostig. Mae’r safon hon yn cynnwys cynhyrchu mamogramau diagnostig trwy osod yr unigolyn yn gywir, defnyddio cyfarpar radiograffig, cyflenwi ymbelydredd yn ddiogel, ac adfer y cyfarpar i’r modd gorffwys. Y bobl allweddol yw’r rheiny sydd ynghlwm â gofal yr unigolyn a phobl eraill sydd ynghlwm â darparu gwasanaethau. Mae delweddu unigolion sydd wedi cael triniaeth i fwyhau eu bronnau wedi’i eithrio o’r safon hon. Bydd angen i ddefnyddwyr y safon hon sicrhau bod eu hymarfer yn adlewyrchu’r wybodaeth a’r polisïau diweddaraf.

1. glanhau’r peiriant mamograffeg gyda deunydd glanhau addas cyn ei ddefnyddio ac ar ôl pob archwiliad 2. gwirio’r peiriant mamograffeg i sicrhau ei fod yn ddiogel ac yn perfformio cystal â phosibl cyn ei ddefnyddio 3. gwirio’r dyfeisiau trin delweddau ac adnabod i sicrhau eu bod yn ddiogel ac yn perfformio cystal â phosibl cyn eu defnyddio  4. cynnal yr holl wiriadau ychwanegol ar gyfarpar yn unol â safonau cenedlaethol a phrotocol lleol 5. rhoi gwybod am ddiffygion yn brydlon i’r unigolyn/unigolion priodol a’u dogfennu’n briodol  6. gweld cofnodion blaenorol a mamogramau sy’n berthnasol i’r unigolyn os byddant ar gael, a defnyddio’r wybodaeth ynddynt i lywio a gwneud addasiadau i’r weithdrefn ddelweddu 7. sicrhau bod yr amgylchedd yn eich galluogi i gadw preifatrwydd ac urddas yr unigolyn 8. gwirio’r manylion adnabod cyn dechrau’r driniaeth yn unol â pholisïau a gweithdrefnau lleol  9. cyflwyno eich hunain ac aelodau staff eraill sy’n bresennol yn ystod yr archwiliad  10. cyfathrebu â’r unigolyn / y bobl allweddol er mwyn gwella eu dealltwriaeth o’r archwiliad a’u cydweithrediad  11. sefydlu gallu’r unigolyn i ddeall y weithdrefn gyda chymorth y bobl allweddol os oes angen  12. cael cydsyniad dilys ar gyfer y weithdrefn yn unol â chanllawiau cenedlaethol a lleol  13. esbonio’r weithdrefn mewn modd sy’n annog yr unigolyn i ymlacio a chydweithredu â gofynion y weithdrefn  14. parchu preifatrwydd, urddas, credoau a phenderfyniadau’r unigolyn  15. caffael a chofnodi’r holl wybodaeth sy’n berthnasol i’r delweddu, a gweithredu arni yn ôl yr angen yn unol â phrotocol lleol  16. asesu anghenion emosiynol yr unigolyn ac ymateb mewn modd priodol 17. gofyn i’r unigolyn ddadwisgo ar gyfer y delweddu 18. asesu gallu a symudedd corff yr unigolyn er mwyn pennu a ddylid addasu’r dechneg a’r cyfarpar a ddewisir  19. arsylwi a chofnodi unrhyw abnormaleddau allanol amlwg ar y bronnau 20. gosod yr unigolyn yn ei le ar gyfer y delweddu gyda chyn lleied o anesmwythder â phosibl ac i gyflawni’r delweddau gorau posibl  21. sicrhau bod cydymffurfiaeth â’r broses yn cael ei chadarnhau, a chymryd y camau priodol os tynnir y cydsyniad yn ôl ar unrhyw adeg 22. addasu ongl y tiwb i sicrhau bod meinwe’r fron yn cael ei orchuddio cymaint â phosibl 23. dewis y ffactorau amlygiad priodol os oes angen 24. dewis a chofnodi pa fron sy’n cael ei delweddu ynghyd ag unrhyw esboniadau eraill y mae’r protocol lleol yn galw amdanynt  25. sicrhau bod bron yr unigolyn wedi’i lleoli’n iawn ac wedi’i chywasgu i sicrhau bod y fron gyfan yn cael ei chynnwys ac nad oes arteffactau posibl yn bresennol  26. pennu faint o ddelweddau sydd eu hangen er mwyn sicrhau y cyrhaeddir cymaint o’r fron â phosibl 27. defnyddio’r holl wybodaeth sydd ar gael i wneud amlygiad priodol gan gydymffurfio â’r ddeddfwriaeth bresennol sy’n llywodraethu defnyddio ymbelydredd ïoneiddio  28. rhoi gwybod i’r unigolyn beth yw’r weithdrefn adrodd a rhoi unrhyw wybodaeth ychwanegol angenrheidiol  29. ateb unrhyw gwestiynau, neu eu cyfeirio at bobl eraill os byddant y tu hwnt i’ch maes cymhwysedd  30. labelu’r delweddau’n gywir ac yn barhaol gyda manylion adnabod yr unigolyn cyn eu prosesu neu eu storio 31. gwirio’r delweddau am ansawdd diagnostig ac ailadrodd y delweddau os oes angen  32. cydnabod ble mae angen help neu gyngor a chael gafael arno o ffynonellau priodol 

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir  2. y safonau, canllawiau, polisïau a gweithdrefnau sydd ar gael a sut a phryd dylid mynd atynt  3. pwysigrwydd parchu diwylliant, preifatrwydd, urddas, dymuniadau, credoau a phenderfyniadau unigolion 4. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer  5. rolau a chyfrifoldebau aelodau eraill y tîm 6. pwysigrwydd cael cydsyniad dilys yn unol â chanllawiau cenedlaethol a lleol  7. pwrpas gwasanaethau diagnostig a sgrinio’r fron  8. y rhaglenni sicrhau ansawdd mewn gwasanaethau symptomatig, asesu a sgrinio’r fron  9. pwysigrwydd a goblygiadau adnabod yr unigolyn yn gywir  10. y newidiadau o ran delweddau, golwg corfforol neu deimlad meinwe’r fron o ganlyniad i oedran, llawdriniaeth, cyflwr hormonaidd, meddyginiaeth neu radiotherapi  11. anatomeg, ffisioleg a phatholeg y fron, y gesail, meinwe o dan y croen a strwythurau cysylltiedig  12. arwyddion a symptomau clefydau’r fron, gan gynnwys canser  13. ffiseg ymbelydredd a delweddu pelydr-x 14. yr angen i optimeiddio’r ddos o ymbelydredd y mae’r unigolyn yn ei dderbyn  15. risgiau anhwylderau yn ymwneud â’r gwaith, a sut i leihau’r risgiau  16. mai’r defnyddiwr sy’n gyfrifol am gadarnhau bod y cyfarpar yn gweithio’n iawn  17. nodweddion, manylebau a nodweddion perfformiad peiriannau mamograffeg a systemau cyfathrebu ac archifo lluniau (PACs) 18. ble a sut i gael mynediad at gofnodion a delweddau blaenorol a sut i ychwanegu rhagor o wybodaeth  19. pwysigrwydd rhoi gwybod am ddiffygion a namau’n brydlon a’r gweithdrefnau cywir ar gyfer rhoi gwybod am y rhain  20. pwysigrwydd a goblygiadau dewis y golwg delweddu cywir   21. beth sy’n creu arteffactau ar ddelweddau a pha mor bwysig yw eu hatal rhag bod yn bresennol 22. sut i addasu arddulliau cyfathrebu, gofyn cwestiynau a gwrando’n ofalus mewn ffyrdd sy’n briodol i anghenion yr unigolyn  23. dulliau cyfathrebu gwybodaeth anodd a chymhleth i unigolion a phobl allweddol  24. pwysigrwydd rhoi cyfleoedd i unigolion a phobl allweddol ofyn cwestiynau a gwella eu dealltwriaeth 25. y wybodaeth y dylid ei rhoi i unigolion cyn, yn ystod ac ar ôl cwblhau’r archwiliad  26. yr angen am gydymffurfiaeth yr unigolyn trwy gydol y delweddu a’r ffactorau a all ddylanwadu ar y gydymffurfio  27. y gwahanol ffyrdd posibl o achosi gofid ac anesmwythder a’r strategaethau ar gyfer ymdrin â’r rhain  28. y ffactorau sy’n dylanwadu ar y gosodiadau amlygiad 29. y gweithdrefnau ar gyfer adrodd ar ganlyniadau a phwysigrwydd rhoi gwybodaeth amserol a chywir i’r unigolyn  30. pwysigrwydd prosesau da ar gyfer rheoli heintiau a sut i’w defnyddio  31. y gweithdrefnau lleol ar gyfer gwirio cyfarpar mamograffeg a systemau cyfathrebu ac archifo lluniau (PACs) a pha mor bwysig yw cynnal y rhain yn rheolaidd  32. technegau a safonau radiograffig ar gyfer cynhyrchu’r mamogram diagnostig gorau posibl 33. technegau i optimeiddio safle’r fron er mwyn goresgyn cyfyngiadau corfforol  34. pwysigrwydd defnyddio labelau cywir yn unol â phrotocol lleol  35. sut dylid arddangos y delweddau’n gywir 36. gweithdrefnau’n ymwneud â chofnodi, casglu a pharatoi gwybodaeth, dogfennau a delweddau priodol i’w trosglwyddo neu eu storio yn unol â phrotocol lleol  37. sut i gadw cofnodion llawn, cywir a chlir yn unol â gweithdrefnau sefydliadol 

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004): 

Dimensiwn: HWB6 Cynllunio asesiadau a thriniaethau