Lleihau risg amlygiad i waed a hylifau’r corff wrth ddarparu gofal

Mae'r safon hon yn ymwneud â lleihau risg haint, i chi'ch hun ac i eraill, o ganlyniad i amlygiad i waed a hylifau eraill y corff wrth ddarparu gofal. Mae'n berthnasol i bob amgylchedd iechyd a gofal cymdeithasol, gan gynnwys lleoliadau cymunedol a chartref a lleoliadau gofal ambiwlans.

Mae anafiadau o offer miniog, cnoadau a sblashis yn fathau cyffredin o ddigwyddiadau y rhoddir gwybod amdanynt. Anafiadau o offer miniog halogedig sy'n peri risg fwyaf caffael heintiau a gludir yn y gwaed.

Dylai'r holl staff sy'n gweithio ym maes iechyd a gofal cymdeithasol gael hyfforddiant ar sut i ddelio ag amlygiad i waed a hylifau'r corff, gan gynnwys rheolaeth uniongyrchol (gan gynnwys cymorth cyntaf).

Os na chewch eich amlygu i waed neu hylifau eraill y corff neu gyfarpar neu wastraff halogedig, nid oes risg caffael heintiau a gludir yn y gwaed.

Glanhau a diheintio yw'r termau a ddefnyddir yn y safon hon, fodd bynnag mewn rhai ardaloedd, defnyddir y term 'dihalogi'. Mae 'Dihalogi' yn derm ymbarél sy'n cynnwys glanhau, diheintio a sterileiddio fel y bo'n briodol.

Dylai'r safon gael ei defnyddio ochr yn ochr â deddfwriaeth, canllawiau, polisïau, gweithdrefnau a phrotocolau perthnasol.

Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cadarnhau pwy yw'r unigolyn yn unol â gweithdrefnau'r sefydliad
6. ennill cydsyniad gwybodus, dilys gan yr unigolyn yn unol â gweithdrefnau penodol 
7. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
8. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas
9. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
10. sicrhau bod eich holl imiwneiddiadau galwedigaethol argymelledig yn gyfredol
11. sicrhau hylendid effeithiol y dwylo
12. casglu'r cynwysyddion gwastraff cymeradwy ynghyd cyn dechrau ar weithgaredd
13. glanhau a diheintio ar unwaith ar ôl i hylifau'r corff ollwng
14. trafod unrhyw offer miniog yn ddiogel i osgoi anaf, gan ddilyn gweithdrefnau'r sefydliad ar gyfer atal a rheoli heintiau
15. dychwelyd cynwysyddion offer miniog i leoliad diogel yn unol â gweithdrefnau'r sefydliad
16. tynnu cyfarpar diogelu personol a gwaredu cyfarpar untro mewn cynhwysydd gwastraff priodol a glanhau, gyda neu heb ddiheintydd, unrhyw gyfarpar ailddefnyddiadwy yn barod i'w ailddefnyddio
17. cymryd rhagofalon i osgoi unrhyw amlygiad yn ystod y gweithgaredd, i'r graddau ag y bo hynny'n bosibl
18. gwaredu gwastraff yn unol â gweithdrefnau'r sefydliad
19. cwblhau a storio'r holl ddogfennaeth berthnasol yn unol â gofynion y sefydliad.

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau 
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. sut i gael cadarnhad o bwy yw unigolyn yn unol â gweithdrefnau'r sefydliad
10. rhagofalon atal a rheoli heintiau safonol, perthnasol, deddfwriaeth/canllawiau cenedlaethol a pholisïau/gweithdrefnau lleol
11. y gadwyn heintio
12. hierarchaeth mesurau rheoli
13. camau allweddol hylendid y dwylo
14. sut gall dulliau mewn amgylcheddau clinigol a chymdeithasol amrywio
15. sut i gael at gyfleusterau ar gyfer hylendid y dwylo
16. technegau effeithiol ar gyfer cynnal hylendid y dwylo
17. sut i gael at gyfleusterau ar gyfer cymorth cyntaf
18. cymorth cyntaf ar gyfer digwyddiadau brechu, cnoadau a sblashis
19. y bagiau a'r cynwysyddion gwastraff cod lliw gwahanol sydd ar gael, a'r defnydd cywir ar bob un ohonynt, gan gynnwys labelu
20. sut i wahanu gwahanol fathau o wastraff
21. sut i drafod eitemau cyfarpar sydd wedi'u halogi â gwaed a hylifau eraill y corff
22. sut i ddelio â gollyngiadau gwaed a hylifau eraill y corff
23. sut i drafod a gwaredu offer miniog yn gywir
24. sut a phryd i roi gwybod am unrhyw broblemau
25. sut i gael gwared ar wastraff yn unol â gweithdrefnau'r sefydliad
26. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel