Lleihau risg lledaenu haint wrth storio a defnyddio dillad gwely glân

Mae'r safon hon yn ymwneud â storio a defnyddio dillad gwely glân i leihau risg halogi a thraws-heintio. Mae'r safon yn berthnasol i bob amgylchedd iechyd a gofal cymdeithasol, gan gynnwys lleoliadau cymunedol a chartref a lleoliadau gofal ambiwlans.

Dylai'r safon gael ei defnyddio ochr yn ochr â deddfwriaeth, canllawiau, polisïau, gweithdrefnau a phrotocolau perthnasol.

Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cadarnhau pwy yw'r unigolyn yn unol â gweithdrefnau'r sefydliad
6. ennill cydsyniad gwybodus, dilys gan yr unigolyn yn unol â gweithdrefnau penodol 
7. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
8. parchu hawliau a dymuniadau'r unigolyn yn gysylltiedig â'i breifatrwydd, ei gredoau a'i urddas
9. darparu cymorth i'r unigolyn ac i ofalwyr a sicrhau bod mesurau iechyd a diogelwch yn cael eu gweithredu bob amser
10. sicrhau hylendid effeithiol y dwylo cyn trafod dillad gwely glân
11. sicrhau nad oes llwch yn yr ardal storio ddynodedig a'i bod yn lân
12. didoli a storio unrhyw ddillad gwely glân sy'n cyrraedd yn yr ardal amgaeedig ddynodedig oddi ar y llawr, i atal llwch neu erosolau rhag eu halogi
13. cynnal llif gwaith sy'n sicrhau bod dillad gwely glân a dillad gwely wedi'u defnyddio'n cael eu cadw ar wahân
14. archwilio dillad gwely glân ar hap i sicrhau eu bod yn lân ac nad oes ganddynt staeniau, rhwygau na thyllau, gan dynnu unrhyw eitemau nad ydynt yn addas i'w defnyddio oddi yno a rhoi gwybod amdanynt
15. casglu a chludo'r dillad gwely glân gofynnol yn unol â gofynion y sefydliad
16. esbonio wrth yr unigolyn/defnyddiwr gwasanaeth beth fyddwch yn ei wneud a mynd ati mewn ffordd sy'n cynnal ei urddas a'i ddiogelwch drwyddi draw, gan sicrhau bod yr unigolyn/defnyddiwr gwasanaeth yn cael ei wneud yn gyfforddus ar ddiwedd y weithdrefn
17. osgoi halogi dillad gwely glân trwy beidio â'u dal wrth eich corff, eu siglo, eu gollwng ar y llawr na'u gosod ar arwynebau sy'n cael eu cyffwrdd yn aml, gan gynnwys loceri neu fyrddau gwely
18. cynnal stoc ddigonol o ddillad gwely glân a rhoi gwybod am ddefnydd sylweddol annisgwyl er mwyn sicrhau bod y stoc yn cael ei ailgyflenwi
19. lleihau faint o ddillad gwely glân sy'n cael eu gosod wrth erchwyn y gwely a dychwelyd unrhyw ddillad gwely heb eu defnyddio i'w golchi eto os cawsant eu hamlygu i amgylchedd halogedig  
20. gwaredu gwastraff yn unol â gweithdrefnau'r sefydliad
21. cwblhau a storio'r holl ddogfennaeth berthnasol yn unol â gofynion y sefydliad

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
8. rhagofalon atal a rheoli heintiau safonol, perthnasol, deddfwriaeth/canllawiau cenedlaethol a pholisïau/gweithdrefnau lleol
9. y gadwyn heintio
10. hierarchaeth mesurau rheoli
11. camau allweddol hylendid y dwylo
12. egwyddorion a chymhwyso Cynlluniau Diogelwch Dŵr
13. sut gall dulliau mewn amgylcheddau clinigol a chymdeithasol amrywio
14. sut i gael at gyfleusterau ar gyfer hylendid y dwylo
15. technegau effeithiol ar gyfer cynnal hylendid y dwylo
16. sut i gael at ddarpariaeth cymorth cyntaf
17. sut i wisgo, tynnu a gwaredu cyfarpar diogelu personol yn ddiogel
18. sut i stocio, storio a defnyddio dillad gwely glân
19. sut i gynnal llif gwaith sy'n sicrhau bod dillad gwely glân a dillad gwely wedi'u defnyddio'n cael eu cadw ar wahân
20. gweithdrefnau ar gyfer trafod dillad gwely wedi'u defnyddio yn ddiogel yn y golchdy

21. yr amrywiaeth o gamau priodol i'w cymryd pan fydd amlygiad yn digwydd wrth gludo dillad gwely glân neu ddillad gwely wedi'u defnyddio:

    • rhoi cymorth cyntaf ar unwaith i'r ardal wedi'i hamlygu, gan ddilyn gweithdrefnau'r sefydliad
    • rhoi gwybod am y digwyddiad ar unwaith a cheisio cyngor pellach am yr angen am ofal meddygol pellach
    • cofnodi'r digwyddiad, gan ddilyn gweithdrefnau'r sefydliad

22. sut a phryd i roi gwybod am unrhyw broblemau

23. sut i gael gwared ar wastraff yn unol â gweithdrefnau'r sefydliad
24. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel