Cynnal arferion iechyd a diogelwch o fewn lleoliad iechyd

Mae’r safon hon yn ymwneud â sylw parhaus a chyson pob unigolyn at gynnal ei arferion iechyd a diogelwch mewn lleoliad iechyd i’w amddiffyn ei hun a phobl eraill yn ystod pob gweithgaredd gwaith. Hefyd, mae’n ymwneud â diogelwch personol a mynediad at amgylcheddau gwaith. 

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau na ellir eu datrys
4. nodi a lleihau peryglon a risgiau yn y gweithle
5. herio a chadarnhau hawl pobl i gael mynediad i'r amgylchedd gwaith a chymryd camau prydlon a phriodol i ymateb i unrhyw broblemau diogelwch
6. gwirio'r asesiadau risg i nodi'r peryglon a'r risgiau cysylltiedig sy'n berthnasol i'ch gweithgareddau gwaith a phryd bynnag y caiff protocolau, gweithdrefnau, technegau neu gyfarpar newydd eu cyflwyno i'ch ymarfer yn y gwaith
7. cynnal asesiad risg dim ond os na fydd asesiad risg wedi'i gwblhau neu gyfeirio at gydweithwyr os bydd hyn y tu hwnt i'ch awdurdod
8. dilyn unrhyw gyfarwyddiadau gan weithgynhyrchwyr a'r canllawiau asesu risg i sicrhau bod peryglon yn cael eu rheoli o fewn eich arferion gweithio
9. gwirio bod yr holl adnoddau yn gweithredu'n llawn a bod deunyddiau'n addas at eu diben
10. cymhwyso'r technegau symud a thrafod diogel sy'n ofynnol ar gyfer eich gweithgareddau gwaith
11. cynnal ardal waith daclus a glân yn ystod ac yn dilyn gweithgareddau gwaith
12. sicrhau bod unrhyw adnoddau'n cael eu storio'n ddiogel yn unol â gofynion y sefydliad
13. gwaredu gwastraff yn unol â gweithdrefnau'r sefydliad
14. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt 
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill 
8. yr amrywiaeth o drefniadau diogelwch personol a mynediad o fewn eich maes gwaith
9. hawliau mynediad a mynediad i'r amgylchedd gwaith, a phwysigrwydd herio mynediad heb awdurdod, a sut i wneud hynny
10. yr amrywiaeth o fesurau iechyd a diogelwch, rheoli ac atal haint, y rheoliadau diogelu personol perthnasol ac ynysu, eu pwysigrwydd a'u perthnasedd i'r amrywiaeth o weithdrefnau yn eich amgylchedd gwaith a lefel eich cyfrifoldeb
11. sut i gael a chymhwyso asesiadau risg o fewn eich ymarfer yn y gwaith a lefel eich cyfrifoldeb
12. sut i wirio bod adnoddau'n weithredol a'u bod at eu diben
13. y math a'r amrywiaeth o ddiffygion sy'n gysylltiedig â'r adnoddau o fewn eich ymarfer yn y gwaith
14. systemau gweithio diogel a dulliau o ddefnyddio'r adnoddau sy'n berthnasol i'ch gweithgareddau gwaith; eu gofynion dihalogi, gwaredu neu storio priodol
15. yr amrywiaeth o ddulliau gwaredu gwastraff, gan gynnwys gwaredu deunyddiau peryglus yn berthnasol i'ch ymarfer yn y gwaith a goblygiadau peidio â chydymffurfio
16. pwysigrwydd delio â gollyngiadau a thoriadau yn y gweithle, a sut i wneud hynny
17. y gweithdrefnau ar gyfer rhoi gwybod am ddigwyddiadau andwyol neu annisgwyl yn y gweithle
18. technegau symud a thrafod diogel sy'n berthnasol i'ch maes gwaith
19. pwysigrwydd cynnal ardaloedd gwaith taclus a glân, a sut y gall gyfrannu at iechyd, diogelwch a mesurau atal a rheoli heintiau
20. yr amrywiaeth o weithdrefnau glanhau, cyfryngau diheintio a gweithdrefnau dihalogi sy'n briodol i'ch gweithgareddau a'ch maes gwaith, a sut a phryd i'w defnyddio
21. sut i waredu gwastraff yn unol â gweithdrefnau'r sefydliad
22. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel 

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHGEN96

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol

---

2219

---

Cynnal, iechyd, diogelwch, lleoliad

---