Cefnogi unigolion sy’n mynd trwy weithgareddau gofal iechyd

Mae'r safon hon yn ymwneud â chefnogi unigolion yn ystod ac yn dilyn gweithgaredd gofal iechyd.

Mae'r safon hon yn berthnasol i amrywiaeth eang o gyd-destunau iechyd a rolau mewn gofal mewn argyfwng, gofal sylfaenol a gofal eilaidd.  Gall gynnwys unigolion sy'n ymwybodol neu sy'n anymwybodol.  

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau na ellir eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. cadarnhau pwy yw'r unigolyn yn unol â gweithdrefnau'r sefydliad
8. ennill cydsyniad dilys, gwybodus gan yr unigolyn yn unol â gweithdrefnau penodol
9. nodi natur y cymorth y mae ar yr unigolyn ei angen a pharchu ei breifatrwydd, ei urddas, ei ddymuniadau a'i gredoau wrth weithio gyda'r unigolyn
10. sicrhau bod yr unigolyn wedi'i osod yn gywir ar gyfer y weithdrefn a, lle y bo'n briodol, cynorthwyo'r unigolyn i symud i'r safle gofynnol
11. cynorthwyo a monitro'r unigolyn yn ystod ac yn dilyn y gweithgaredd, ac ymateb i'w anghenion yn unol â gweithdrefnau'r sefydliad
12. cymhwyso rhagofalon safonol ar gyfer rheoli heintiau a mesurau iechyd a diogelwch angenrheidiol eraill yn ystod ac yn dilyn y gweithgaredd
13. sicrhau bod y cyfleusterau a'r cymorth priodol yn cael eu rhoi i'r unigolyn ar gyfer y cyfnod adfer yn dilyn y gweithgaredd
14. rhoi gwybod i unigolion a phobl berthnasol eraill am y camau nesaf a, lle y bo'n briodol, unrhyw drefniadau ar gyfer cludiant a hebryngwyr pan fo angen y gwasanaethau hyn
15. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion a gofalwyr, gan gynnwys materion yn ymwneud ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. sut i gael cadarnhad cadarnhaol o bwy yw unigolyn, yn unol â gweithdrefnau'r sefydliad
13. y mathau a'r lefelau cymorth a help y gall fod ar unigolion eu hangen yn ystod ac yn dilyn y gweithgaredd, a rolau a chyfrifoldebau aelodau eraill y tîm
14. gosod yr unigolyn yn ei le yn gywir ar gyfer y gweithgaredd, a phwysigrwydd sicrhau bod hyn yn cael ei gynnal
15. pwysigrwydd rhoi gwybod i'r unigolyn am yr hyn rydych chi'n ei wneud, natur y gweithgaredd dan sylw a phryd i gyfeirio ymholiadau at weithwyr iechyd proffesiynol eraill
16. dulliau a thechnegau ar gyfer tawelu meddwl unigolion sydd dan straen neu'n bryderus
17. pwysigrwydd cynnig cymorth a sicrwydd llafar a dieiriau i'r unigolyn
18. y pryderon a gofidiau allai fod gan unigolion o ran rhai gweithgareddau a ffyrdd priodol o ymateb i'r pryderon hyn
19. yr amrywiaeth o gyfarpar a dyfeisiau meddygol cysylltiedig, eu diben a'r defnydd cywir ohonynt o fewn eich amgylchedd gwaith
20. mesurau diogelu/rhagofalus penodol sy'n briodol i'r weithdrefn a gyflawnir, sut y dylent gael eu cymhwyso, a goblygiadau a chanlyniadau peidio â gwneud hynny
21. anatomi a ffisioleg berthnasol sy'n gysylltiedig â'r gweithgaredd a gyflawnir
22. arwyddion a symptomau adweithiau niweidiol neu gwrtharwyddion i'r gweithgaredd a gyflawnir
23. pwysigrwydd monitro lles yr unigolyn yn ystod ac yn dilyn y gweithgaredd
24. pwysigrwydd cyfarwyddiadau ar ôl y weithdrefn a'r rhesymau drostynt, a'r goblygiadau os na fydd yr unigolyn yn deall y rhain neu os na roddir y cyfarwyddiadau
25. problemau a allai ddigwydd yn ystod ac yn dilyn y gweithgareddau, a'r camau priodol i'w cymryd mewn ymateb
26. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Skills for Health

---

SFHGEN5

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol

---

2219

---

Cymorth, unigolyn, gofal iechyd

---