Paratoi unigolion ar gyfer gweithgareddau gofal iechyd

​Mae'r safon hon yn ymwneud â pharatoi unigolyn ar gyfer gweithgaredd gofal iechyd yn unol â gofynion y gweithgaredd i'w gyflawni, yr ymarferwr ac anghenion yr unigolyn wedi'u hasesu.

Mae'r safon hon yn berthnasol i amrywiaeth eang o gyd-destunau iechyd a rolau mewn gofal mewn argyfwng, gofal sylfaenol a gofal eilaidd. Gall gynnwys unigolion sy'n ymwybodol neu sy'n anymwybodol. 

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau na ellir eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
8. cadarnhau pwy yw'r unigolyn yn unol â gweithdrefnau'r sefydliad
9. ennill cydsyniad dilys, gwybodus gan yr unigolyn yn unol â gweithdrefnau penodol
10. sicrhau eich bod yn cael unrhyw wybodaeth sy'n berthnasol i'r gweithgaredd oddi wrth yr unigolyn, gofalwyr neu bersonél perthnasol eraill, a'i bod yn cael ei chofnodi yn unol â gofynion y sefydliad
11. gwirio bod yr unigolyn wedi cydymffurfio ag unrhyw gyfarwyddiadau cyn y weithdrefn
12. paratoi'r unigolyn yn ôl gofynion y gweithgaredd sydd i'w gyflawni, gan sicrhau eich bod yn rheoli heintiau yn effeithiol bob amser yn unol â gofynion y sefydliad
13. storio eitemau personol y mae angen i unigolion eu tynnu ymaith ar gyfer y gweithgaredd yn ddiogel, yn y man priodol
14. gosod a chefnogi unigolion a, lle y bo'n briodol, unrhyw gyfarpar neu ddyfeisiau meddygol, i wneud y mwyaf o'r broses baratoi a'r deilliannau
15. tawelu meddwl a chefnogi'r unigolyn a gofalwyr perthnasol trwy gydol y broses, gan sicrhau parch i hawliau, urddas a phreifatrwydd yr unigolyn bob amser
16. rhoi gwybod i staff clinigol perthnasol neu bersonél eraill am faterion perthnasol
17. cymryd camau priodol, ar unwaith, i ymateb i unrhyw argyfwng sy'n codi
18. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion, gan gynnwys materion yn ymwneud ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. sut i gael cadarnhad cadarnhaol o bwy yw unigolyn cyn dechrau paratoi
13. pwysigrwydd gwirio pob gwybodaeth a dogfen berthnasol cyn dechrau paratoi'r unigolyn, a'r mathau o wybodaeth sydd wedi'u cynnwys mewn dogfennau perthnasol
14. pwysigrwydd gwirio bod yr unigolyn wedi cydymffurfio ag unrhyw gyfarwyddiadau a roddwyd cyn y driniaeth a'r goblygiadau posibl os na ddilynir y cyfarwyddiadau
15. y gweithdrefnau a'r protocolau sy'n gysylltiedig â pharatoi unigolion ar gyfer y gweithgareddau gofal iechyd perthnasol
16. gwrtharwyddion gweithdrefnau penodol a'r risgiau sy'n gysylltiedig â pharatoi unigolion yn anghywir ar gyfer gweithgareddau gofal iechyd
17. y mathau o gymorth a help y gall fod ar unigolion eu hangen i baratoi ar gyfer y gweithgaredd sydd i'w gyflawni
18. anatomi a ffisioleg berthnasol yn gysylltiedig â'r gweithgaredd a gyflawnir
19. gosod yr unigolyn yn ei le yn gywir a'r adnoddau hanfodol ar gyfer y gweithgaredd sydd i'w gyflawni, a phwysigrwydd sicrhau bod hyn yn cael ei gyflawni
20. technegau trafod diogel ar gyfer yr adnoddau a ddefnyddiwyd i baratoi'r unigolyn ar gyfer y gweithgaredd gofal iechyd
21. y pryderon a'r gofidiau allai fod gan unigolion o ran rhai gweithgareddau a ffyrdd priodol o ymateb i'r pryderon hyn
22. sut i reoli preifatrwydd ac urddas unigolion sy'n ymwybodol ac yn anymwybodol
23. y ffyrdd y gall fod yn rhaid cyfyngu ar hawliau a dewisiadau'r unigolyn oherwydd natur y paratoadau sy'n ofynnol ar gyfer rhai gweithgareddau
24. pwysigrwydd cynnig cymorth a sicrwydd llafar a dieiriau i'r unigolyn, a dulliau o wneud hynny
25. pwysigrwydd rhoi gwybod i'r unigolyn am yr hyn rydych chi'n ei wneud a natur y gweithgaredd sydd ar fin digwydd
26. sut i adnabod argyfyngau sy'n berthnasol i faes eich ymarfer
27. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel 

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHGEN4

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol

---

2219

---

Paratoi, unigolion, gofal iechyd

---